ଭାରତୀୟ ସୀମାରେ ପ୍ରବେଶ କରିବାକୁ ଚେଷ୍ଟା କରୁଥିବା ପାକିସ୍ତାନ ଡ୍ରୋନ୍ କୁ ଗୁଳି କରି ଖସାଇଲା ବିଏସ୍ଏଫ୍
ପଞ୍ଜାବର ଅମୃତସରରେ ପାକିସ୍ଥାନୀ ଡ୍ରୋନ୍ କୁ ଗୁଳି କରି ଖସାଇଲା ବିଏସଏଫ୍ । ପାକିସ୍ତାନୀ ଡ୍ରୋନ୍ ଭାରତର ସୀମାରେ ପ୍ରବେଶ କରିବାକୁ ଚେଷ୍ଟା କରୁଥିଲା । ସୀମାରେ ନିୟୋଜିତ ସୀମା ସୁରକ୍ଷା ବଳ (ବିଏସ୍ଏଫ୍) ଦ୍ୱାରା ଏହାକୁ ନଷ୍ଟ କରାଯାଇଛି ।
ଅମୃତସର : ପଞ୍ଜାବର ଅମୃତସରରେ ପାକିସ୍ଥାନୀ ଡ୍ରୋନ୍ କୁ ଗୁଳି କରି ଖସାଇଲା ବିଏସଏଫ୍ । ପାକିସ୍ତାନୀ ଡ୍ରୋନ୍ ଭାରତର ସୀମାରେ ପ୍ରବେଶ କରିବାକୁ ଚେଷ୍ଟା କରୁଥିଲା । ସୀମାରେ ନିୟୋଜିତ ସୀମା ସୁରକ୍ଷା ବଳ (ବିଏସ୍ଏଫ୍) ଦ୍ୱାରା ଏହାକୁ ନଷ୍ଟ କରାଯାଇଛି । ବିଏସଏଫ କହିଛି ଯେ ଗତକାଲି ରାତିରେ (ସୋମବାର) ସୀମାନ୍ତରେ ନିୟୋଜିତ ସୀମା ସୁରକ୍ଷା ବାହିନୀର କର୍ମଚାରୀ ଅମୃତସର (ଗ୍ରାମୀଣ) ର ଚହରପୁର ନିକଟରେ ପାକିସ୍ତାନରୁ ଭାରତୀୟ ଅଞ୍ଚଳକୁ ପ୍ରବେଶ କରିଥିବା ଏକ ସନ୍ଦିଗ୍ଧ ଡ୍ରୋନକୁ ଗୁଳି କରି ଖସାଇଛି । ସମଗ୍ର ଅଞ୍ଚଳକୁ କର୍ଡନ କରାଯାଇଛି ଏବଂ ପୋଲିସ ଏବଂ ସମ୍ପୃକ୍ତ ଏଜେନ୍ସିମାନଙ୍କୁ ସୂଚନା ଦିଆଯାଇଛି ।
ଏହା ବ୍ୟତୀତ ବିଏସ୍ଏଫ୍ ଧଳା ରଙ୍ଗର ପଲିଥିନରେ ସନ୍ଦେହଜନକ ଜିନିଷ ସହ କ୍ଷତିଗ୍ରସ୍ତ ଅବସ୍ଥାରେ ଜବତ କରାଯାଇଛି । ଏହି ସନ୍ଦେହଜନକ ବସ୍ତୁ ଚହରପୁର ନିକଟ ସୀମାନ୍ତ ବାଡ଼ ନିକଟରେ ଥିବା ଏକ ଚାଷ ଜମିରେ ପଡ଼ିଥିବାର ଦେଖିବାକୁ ମିଳିଥିଲା ।
ରିପୋର୍ଟ ଅନୁଯାୟୀ, ସୀମାରେ ନିୟୋଜିତ ହୋଇଥିବା ବିଏସଏଫ କର୍ମଚାରୀ ଅମୃତସରର ଚହରପୁର ନିକଟରେ ପାକିସ୍ତାନ ଡ୍ରୋନ୍ ଭାରତୀୟ ସୀମାରେ ପ୍ରବେଶ କରୁଥିବା ଖବର ପାଇଥିଲେ । ଏହା ପରେ ଜବାନମାନେ ସନ୍ଦିଗ୍ଧ ଡ୍ରୋନକୁ ଗୁଳି କରି ଅଟକାଇବାକୁ ଚେଷ୍ଟା କରିଥିଲେ ଏବମ ତଳକୁ ଖସାଇଥିଲେ ।
ଆମେ ଆପଣଙ୍କୁ କହି ରଖୁଛୁ ଯେ ଏହାର ଦୁଇ ଦିନ ପୂର୍ବରୁ, ନଭେମ୍ବର 26 ରେ, ବିଏସ୍ଏଫ୍ ପଞ୍ଜାବର ଅମୃତସରରେ ଭାରତ-ପାକିସ୍ତାନ ଅନ୍ତର୍ଜାତୀୟ ସୀମାରେ ଏକ ପାକିସ୍ତାନୀ ଡ୍ରୋନ୍ କୁ ନଷ୍ଟ କରାଯାଇଛି । ଶୁକ୍ରବାର ସନ୍ଧ୍ୟା ପ୍ରାୟ 7.45 ମିନିଟ ବେଳେ ଅମୃତସର ସହରର 34 କିଲୋମିଟର ଦକ୍ଷିଣ-ପଶ୍ଚିମ ଦାଓକେ ଗ୍ରାମ ନିକଟରେ ଭାରତୀୟ ଅଞ୍ଚଳରେ ଏକ ଡ୍ରୋନ୍ ପ୍ରବେଶ କରୁଥିବା ବିଏସ୍ଏଫ୍ ଜବାନ ମାନେ ଦେଖିଥିଲେ, ଏବଂ ଗୁଳି କରି ନଷ୍ଟ କରି ଦେଇଥିଲେ ।