ଗୁଲଶନ କୁମାର ହତ୍ୟା ମାମଲା : ଦୋଷୀ ଅବଦୁଲ ରାଉଫର ଆଜୀବନ କାରାଦଣ୍ଡାଦେଶକୁ ବମ୍ବେ ହାଇକୋର୍ଟଙ୍କ ସମର୍ଥନ

ଟି-ସିରିଜର ପ୍ରତିଷ୍ଠାତା ଗୁଲଶନ କୁମାରଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ଅବଦୁଲ ରଉଫର ଆବେଦନକୁ ଗୁରୁବାର ଦିନ ବମ୍ବେ ହାଇକୋର୍ଟ ଖାରଜ କରିଦେଇଛନ୍ତି । ମୁମ୍ବାଇ ସେଶନ୍ କୋର୍ଟ ଦ୍ୱାରା ରଉଫକୁ ଦିଆଯାଇଥିବା ଆଜୀବନ କାରାଦଣ୍ଡକୁ କୋର୍ଟ ସମର୍ଥନ କରିଛନ୍ତି ।

ମୁମ୍ବାଇ : ଟି-ସିରିଜର ପ୍ରତିଷ୍ଠାତା ଗୁଲଶନ କୁମାରଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ଅବଦୁଲ ରଉଫର ଆବେଦନକୁ ଗୁରୁବାର ଦିନ ବମ୍ବେ ହାଇକୋର୍ଟ ଖାରଜ କରିଦେଇଛନ୍ତି । ମୁମ୍ବାଇ ସେଶନ୍ କୋର୍ଟ ଦ୍ୱାରା ରଉଫକୁ ଦିଆଯାଇଥିବା ଆଜୀବନ କାରାଦଣ୍ଡକୁ କୋର୍ଟ ସମର୍ଥନ କରିଛନ୍ତି । ହାଇକୋର୍ଟ ସ୍ପଷ୍ଟ ଭାବେ କହିଛନ୍ତି ଯେ ଅବଦୁଲ ରଉଫ ପାରୋଲ ବାହାନା କରି ବାଂଲାଦେଶକୁ ପଳାଇ ସାରିଥିବାରୁ ସେ କୌଣସି ଅନୁକମ୍ପା ପାଇବାକୁ ଯୋଗ୍ୟ ନୁହଁ ।

ଏହି ମାମଲାରେ କୋର୍ଟ ରମେଶ ତୈରାନୀଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ସେ ନିର୍ଦ୍ଦୋଷରେ ଖଲାସ୍ ହେବା ନେଇ ମହାରାଷ୍ଟ୍ର ସରକାର କହିଛନ୍ତି ଯେ ସେମାନେ ଏହି ଶୁଣାଣିକୁ ଚ୍ୟାଲେଞ୍ଜ କରି ପୁଣି ଥରେ କୋର୍ଟରେ ଆବେଦନ କରିବେ ।

ହତ୍ୟା ପରେ ଅବଦୁଲ ରଉଫ ପେରାର୍ ହୋଇଯାଇଥିଲା ଏବଂ 10 ନଭେମ୍ବର 2016 ରେ ଏକ ନକଲି ପାସପୋର୍ଟ ମାମଲାରେ ବାଂଲାଦେଶରୁ ଧରାଯାଇ ମୁମ୍ବାଇକୁ ପଠାଯାଇଥିଲା । 2002 ରେ ଗୁଲଶନ କୁମାରଙ୍କ ହତ୍ୟା ମାମଲାରେ ଅବଦୁଲକୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା ଏବଂ ଔରଙ୍ଗାବାଦ ଜେଲରେ ତାଙ୍କ ଦଣ୍ଡ ଭୋଗୁଥିଲା । 2009 ରେ, ସେ ତାଙ୍କ ପରିବାରକୁ ଭେଟିବା ପାଇଁ ଔରଙ୍ଗାବାଦ ଜେଲରୁ ପାରୋଲରେ ବାହାରିଥିଲା । କିନ୍ତୁ ପାରୋଲ ଶେଷ ହେବା ପୂର୍ବରୁ ସେ ବାଂଲାଦେଶ ପଳାଇଥିଲା ।

ମୁମ୍ବାଇର ଦକ୍ଷିଣ ଆନ୍ଧେରୀ ଅଞ୍ଚଳରେ ଥିବା ଜିତେଶ୍ୱର ମହାଦେବ ମନ୍ଦିର ବାହାରେ ଗୁଲଶନଙ୍କୁ 12 ଅଗଷ୍ଟ 1997 ରେ ହତ୍ୟା କରାଯାଇଥିଲା । ଅନୁସନ୍ଧାନରୁ ଏହା ଜଣାପଡିଥିଲା ଯେ, ଅବୁ ସଲେମ ଗାୟକ ଗୁଲଶନ କୁମାରଙ୍କୁ 10 କୋଟି ଟଙ୍କା ଦେବାକୁ କହିଥିଲା । ଗୁଲଶନ କୁମାର ମନା କରିବା ସହ ଏତେ ଟଙ୍କା ଦେଇ ସେ ବୈଷ୍ଣୋ ଦେବୀ ଠାରେ ଏକ ଭଣ୍ଡାର ଆୟୋଜନ କରିବେ ବୋଲି କହିଥିଲେ । ଏଥିରେ ରାଗିଯାଇ ସାଲେମ ଗୁଲଶନ କୁମାରଙ୍କୁ ଶୁଟର ରାଜାଙ୍କ ଦ୍ୱାରା ହତ୍ୟା କରିଥିଲା । ଡାଉଡ୍ ମର୍ଚାଣ୍ଟ ଏବଂ ବିନୋଦ ଜଗତାପ ନାମକ ଦୁଇ ସାର୍ପ ସୁଟରଙ୍କୁ ଗୁଲଶନ କୁମାରଙ୍କୁ ହତ୍ୟା କରିବାର ଦାୟିତ୍ୱ ଅବୁ ସାଲେମ ଦେଇଥିଲୋ । 9 ଜାନୁଆରୀ 2001 ରେ, ଗୁଲଶାନ କୁମାରଙ୍କୁ ଗୁଳି କରିଥିବା ନେଇ ବିନୋଦ ଜଗତାପ ସ୍ୱୀକାର କରିଥିଲା ।

English summary

Bombay High Court On verdict in Gulshan Kumar murder case