Click it and Unblock the Notifications
MUST READ
-
-
-
-
-
-
ସାଉଥ୍ ଦିଲ୍ଲୀ ବିଦ୍ୟାଳୟରେ ବୋମା ଆତଙ୍କ, ସର୍ଚ୍ଚ ଅପରେସନରେ ମିଳିଲାନି କିଛି
ଇଣ୍ଡିଆନ୍ ପବ୍ଲିକ୍ ସ୍କୁଲରେ ବୋମା ବିଷୟରେ ଏକ ଇମେଲ୍ ମିଳିଥିଲା । ଏହା ପରେ ଦିଲ୍ଲୀ ପୋଲିସ ଘଟଣାସ୍ଥଳରେ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଥିଲା । ପୋଲିସ ସତର୍କତାର ସହିତ ବିଦ୍ୟାଳୟକୁ ଖାଲି କରିଛି ।
ଦିଲ୍ଲୀ : ସାଉଥ୍ ଦିଲ୍ଲୀର ଏକ ପ୍ରସିଦ୍ଧ ବିଦ୍ୟାଳୟରେ ବୋମା ସମ୍ପର୍କରେ ସୂଚନା ପାଇବା ପରେ ପୋଲିସ ବିଭାଗକୁ ସତର୍କ କରାଯାଇଥିଲା । ସୂଚନାନୁସାରେ, ଇଣ୍ଡିଆନ୍ ପବ୍ଲିକ୍ ସ୍କୁଲରେ ବୋମା ବିଷୟରେ ଏକ ଇମେଲ୍ ମିଳିଥିଲା । ଏହା ପରେ ଦିଲ୍ଲୀ ପୋଲିସ ଘଟଣାସ୍ଥଳରେ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଥିଲା । ପୋଲିସ ସତର୍କତାର ସହିତ ବିଦ୍ୟାଳୟକୁ ଖାଲି କରିଛି । ଘଟଣାସ୍ଥଳରେ ବୋମା ନିଷ୍କାସନକାରୀ ଦଳ ପଠାଯାଇଛି । ଅନ୍ୟ ପଟେ ଥିବା ମେଲ୍ କୁ ଯାଞ୍ଚ କରାଯାଉଛି ।
ନ୍ୟୁଜ୍ ଏଜେନ୍ସି ANI ଅନୁଯାୟୀ, ଇମେଲ ପରେ ଆଲର୍ଟ ମୋଡକୁ ଆସିଥିବା ପୋଲିସ ଏହି ଅଞ୍ଚଳକୁ କର୍ଡନ କରିଛି । ଏହା ସହିତ ଅନୁସନ୍ଧାନ କାର୍ଯ୍ୟ ମଧ୍ୟ ଆରମ୍ଭ ହୋଇଛି । ବିଦ୍ୟାଳୟ ଭିତରେ ଏକ ବୋମା ଅଛି ବୋଲି ଇମେଲରେ ଦର୍ଶାଯାଇଛି । ଏହା ପରେ ଏହାକୁ ଗୁରୁତର ସହ ନେଇ ବୋମା ନିଷ୍କାସନକାରୀ ଦଳକୁ ବିଦ୍ୟାଳୟକୁ ପଠାଯାଇଥିଲା । ଅନ୍ୟପକ୍ଷରେ ଇମେଲ ପଠାଇବା ନେଇ ମଧ୍ୟ ତଦନ୍ତ ଆରମ୍ଭ ହୋଇଛି ।
ବୋମା ସମ୍ବନ୍ଧୀୟ ସୂଚନା ସମ୍ପର୍କରେ ଦିଲ୍ଲୀ ପୋଲିସ କହିଛି ଯେ ସ୍ଥାନୀୟ ପୋଲିସକୁ ସୂଚନା ଦିଆଯାଇଛି, ଏହା ପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ବମ୍ ଡିସପୋଜାଲ୍ ସ୍କ୍ୱାଡ୍, ଡଗ୍ ସ୍କ୍ୱାଡ୍ ସମେତ ଡିଫେନ୍ସ କଲୋନୀ ପୋଲିସ୍ ଷ୍ଟେସନର କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି । ବିଦ୍ୟାଳୟକୁ ଖାଲି କରାଯାଇଥିଲା ଏବଂ ଖୋଜାଖୋଜି କରାଯାଇଥିଲା । କିନ୍ତିୁ କୌଣସି ବୋମା ମିଳିନଥିଲା । ସାଇବର ଦଳ ଦ୍ୱାରା ଇମେଲ ଯାଞ୍ଚ କରାଯାଉଛି ।
ପ୍ରାରମ୍ଭିକ ଅନୁସନ୍ଧାନକୁ ଭିତ୍ତି କରି ପୋଲିସ ଅନୁଭବ କଲା ଯେ ଏହା କିଛି ଦୁଷ୍ଟ ବ୍ୟକ୍ତିର କାମ । ତେବେ ଘଟଣାର ଗମ୍ଭୀରତାକୁ ଦେଖି ଦିଲ୍ଲୀ ପୋଲିସ ତଦନ୍ତରେ ନିୟୋଜିତ ଅଛି । ବିଦ୍ୟାଳୟକୁ ମିଳିଥିବା ଇମେଲକୁ ଆଧାର କରି ପୋଲିସ ତଦନ୍ତ କରୁଛି ।
