କୁନ୍ନୁର ଆରଏସ୍ଏସ୍ ଅଫିସରେ ବୋମାମାଡ଼

ସୂଚନା ମୁତାବକ, ପୟାନ୍ନୁର ଆର୍‌ଏସ୍‌ଏସ୍‌ ଅଫିସ ଉପରକୁ ମଙ୍ଗଳବାର କିଛି ଦୁର୍ବୃତ୍ତ ବୋମାମାଡ କରିଛନ୍ତି । ବୋମା ଆକ୍ରମଣରେ କେରଳର କନ୍ନୁରସ୍ଥିତ ଆରଏସଏସ କାର୍ଯ୍ୟାଳୟ କ୍ଷତିଗ୍ରସ୍ତ ହୋଇଛି ।

Published: Tuesday, July 12, 2022, 11:52 [IST]

ଥିରୁବନ୍ତପୁରମ୍‌ : କେରଳର କୁନ୍ନୁର ଜିଲ୍ଲାରେ ଥିବା ଆର୍‌ଏସ୍‌ଏସ୍‌ ଅଫିସରେ ବୋମାମାଡ ହୋଇଛି । ଯାହାକୁ ନେଇ ପୂରା ଅଞ୍ଚଳରେ ଆତଙ୍କ ଖେଳିଯାଇଛି । ସୂଚନା ମୁତାବକ, ପୟାନ୍ନୁର ଆର୍‌ଏସ୍‌ଏସ୍‌ ଅଫିସ ଉପରକୁ ମଙ୍ଗଳବାର କିଛି ଦୁର୍ବୃତ୍ତ ବୋମାମାଡ କରିଛନ୍ତି । ବୋମା ଆକ୍ରମଣରେ କେରଳର କନ୍ନୁରସ୍ଥିତ ଆରଏସଏସ କାର୍ଯ୍ୟାଳୟ କ୍ଷତିଗ୍ରସ୍ତ ହୋଇଛି । ଫଳରେ ଅଫିସର ଝରକା ଓ କବାଟ ସବୁ ଭାଙ୍ଗି ଯାଇଛି । ତେବେ ଏଥିରେ କେହି ମୃତାହତ ହୋଇନଥିବା ପୁଲିସ କହିଛି ।

କୁହାଯାଉଛି ଯେ, ଯେଉଁସ୍ଥାନରେ ଆର୍‌ଏସ୍‌ଏସ୍‌ର ଏହି ଅଫିସ ଅଛି ତା'ର ନିକଟରେ ହିଁ ଏକ ପୁଲିସ ଷ୍ଟେସନ ମଧ୍ୟ ଅଛି। ତେବେ କିଏ ସ କେଉଁ ଉଦ୍ଦେଶ୍ୟରେ ଏହି ବୋମାମାଡ କରିଛି ସେ ନେଇ କିଛି ସୂଚନା ମିଳିନାହିଁ । ପୁଲିସ ଘଟଣାର ତଦନ୍ତ ଜାରି ରଖିଛି ।

ନିକଟରେ ଥିରୁବନନ୍ତପୁରମରେ କେରଳ ସିପିଆଇ (ଏମ୍) ର ମୁଖ୍ୟାଳୟ ଉପରେ ଆକ୍ରମଣ କରାଯାଇଥିଲା । AKG କେନ୍ଦ୍ର ଆକ୍ରମଣ ପରେ ଅନେକ କଂଗ୍ରେସ ଅଧିକାରୀଙ୍କୁ ମଧ୍ୟ ଆକ୍ରମଣ କରାଯାଇଥିଲା । ପୋଲିସ ତଦନ୍ତ ଆରମ୍ଭ କରିଛି ।

Published On July 12, 2022