ଭଦୋଦରା : ରାସାୟନିକ କାରଖାନାରେ ବିସ୍ଫୋରଣ, 2 ଜଣଙ୍କର ମୃତ୍ୟୁ, 10 ଜଣ ଆହତ

ଗୁଜୁରାଟର ଭଦୋଦରା ସହରର ମାକରପୁରା GIDC ଅଞ୍ଚଳରେ ଥିବା ଏକ ରାସାୟନିକ କାରଖାନାରେ ବଏଲର ବିସ୍ଫୋରଣରେ ଦୁଇ ଜଣଙ୍କର ମୃତ୍ୟୁ ହୋଇଛି । ଏଥିସହ ଅତି କମରେ 10 ଜଣ ଆହତ ହୋଇଛନ୍ତି ।

Published: Friday, December 24, 2021, 13:37 [IST]

ଭଦୋଦରା : ଗୁଜୁରାଟର ଭଦୋଦରା ସହରର ମାକରପୁରା GIDC ଅଞ୍ଚଳରେ ଥିବା ଏକ ରାସାୟନିକ କାରଖାନାରେ ବଏଲର ବିସ୍ଫୋରଣରେ ଦୁଇ ଜଣଙ୍କର ମୃତ୍ୟୁ ହୋଇଛି । ଏଥିସହ ଅତି କମରେ 10 ଜଣ ଆହତ ହୋଇଛନ୍ତି । ମାଞ୍ଜଲପୁର ପୋଲିସ ଷ୍ଟେସନର ଇନ୍ସପେକ୍ଟର ଏସ.ଜେ ବଲୁଚ କହିଛନ୍ତି ଯେ ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଏହାର ତୀବ୍ରତା 3 କିଲୋମିଟର ଦୂର ପର୍ଯ୍ୟନ୍ତ ଅନୁଭୂତ ହୋଇଥିଲା ଏବଂ ଏହା କାଚ ଝରକା ଗୁଡ଼ିକୁ ଭାଙ୍ଗି ଦେଇଥିଲା ।

ଏହି କାରଖାନା କ୍ୟାଣ୍ଟନ ଲାବୋରେଟୋରୀସ୍ ପ୍ରାଇଭେଟ୍ ଲିମିଟେଡ୍ ର ମାଲିକାନାରେ ରହିଛି । ପୋଲିସ କହିଛି, "ଆହତମାନଙ୍କୁ ଡାକ୍ତରଖାନା ନିଆଯାଇଛି । ବିସ୍ଫୋରଣ ହୋଇଥିବା ବଏଲର ଯାଞ୍ଚ ଚାଲିଛି ।" କୁହାଯାଉଛି ଯେ ଏହି ବିସ୍ଫୋରଣ ସକାଳ ପ୍ରାୟ 10 ଟାରେ ଘଟିଥିଲା, ଯାହାର ଶବ୍ଦ 3 କିଲୋମିଟର ଦୂର ପର୍ଯ୍ୟନ୍ତ ଶୁଣିବାକୁ ମିଳିଥିଲା । ଅଗ୍ନିଶମ ବାହିନୀ ଏବଂ ଜରୁରୀକାଳୀନ ସେବା ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି ।

Published On December 24, 2021