'ବର୍ତ୍ତମାନ ଚାରି ଲକ୍ଷ ନୁହେଁ, 40 ଲକ୍ଷ ଟ୍ରାକ୍ଟର ରାଲି ହେବ' : ବି.କେ.ୟୁ ନେତା ରାକେଶ

ରାକେଶ ଟିକାଇଟ କହିଛନ୍ତି ଯେ ବର୍ତ୍ତମାନ ଚାରି ଲକ୍ଷ ନୁହେଁ 40 ଲକ୍ଷ ଟ୍ରାକ୍ଟରର ଏକ ରାଲି ହେବ । ଆନ୍ଦୋଳନ ପ୍ରେମୀ ବ୍ୟକ୍ତିର ବିବୃତ୍ତିକୁ ନେଇ ପ୍ରଧାନମନ୍ତ୍ରୀ ମୋଦୀଙ୍କୁ ସମାଲୋଚନା କରି ରାକେଶ କହିଛନ୍ତି ସେ ତାଙ୍କ ଜୀବନରେ କୌଣସି ଆନ୍ଦୋଳନରେ ଭାଗ ନେଇନାହାନ୍ତି

Published: Tuesday, February 9, 2021, 20:58 [IST]

ନୂଆଦିଲ୍ଲୀ : ଦୁଇ ମାସରୁ ଅଧିକ ସମୟ ଧରି ଦିଲ୍ଲୀରେ କେନ୍ଦ୍ର ସରକାରଙ୍କ କୃଷି ଆଇନକୁ ବିରୋଧ କରି କୃଷକମାନେ ଆନ୍ଦୋଳନ କରି ଆସୁଛନ୍ତି । ଜାନୁଆରୀ 26 ତାରିଖରେ ଦିଲ୍ଲୀ ହିଂସା ମାମଲା ଥଣ୍ଡା ନପଡ଼ୁନୁ ବର୍ତ୍ତମାନ ଆଉ ଏକ ଟ୍ରାକ୍ଚର ରାଲି କରିବା ନେଇ ଘୋଷଣା କରିଛନ୍ତି କୃଷକ ନେତା ରାକେଶ ଟିକାୟତ୍ । ଭାରତୀୟ କିଷାନ ୟୁନିଅନର ନେତା ରାକେଶ ମଙ୍ଗଳବାର କହିଛନ୍ତି, କୃଷକଙ୍କ ଆନ୍ଦୋଳନ ଜାରି ରହିବ । ଏଥିସହିତ ଦେଶ ଅନ୍ୟ ଅଞ୍ଚଳରେ ମଧ୍ୟ ଏପରି ଆନ୍ଦୋଳନ ଆରମ୍ଭ ହେବ । ହରିୟାଣାର କୁରୁକ୍ଷେତ୍ର ଜିଲ୍ଲାର ପିହୋୱା ଠାରେ କିଷାନ ମହାପଞ୍ଚାୟତରେ ସମ୍ବୋଧିତ କରିବାବେଳେ କୃଷକ ନେତା ଏହି ସୂଚନା ଦେଇଛନ୍ତି ।

ଏବେ 4ଲକ୍ଷ ନୁହେଁ 40 ଲକ୍ଷ ଟ୍ରାକ୍ଚର ରାଲି ହେବ

ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ରାକେଶ ଟିକାଇଟ କହିଛନ୍ତି ଯେ ବର୍ତ୍ତମାନ ଚାରି ଲକ୍ଷ ନୁହେଁ 40 ଲକ୍ଷ ଟ୍ରାକ୍ଟରର ଏକ ରାଲି ହେବ । ଆନ୍ଦୋଳନ ପ୍ରେମୀ ବ୍ୟକ୍ତିର ବିବୃତ୍ତିକୁ ନେଇ ପ୍ରଧାନମନ୍ତ୍ରୀ ମୋଦୀଙ୍କୁ ସମାଲୋଚନା କରି ରାକେଶ କହିଛନ୍ତି ଯେ ସେ (ମୋଦୀ) ତାଙ୍କ ଜୀବନରେ କୌଣସି ଆନ୍ଦୋଳନରେ ଭାଗ ନେଇନାହାନ୍ତି । ପ୍ରକୃତରେ ସେମାନେ ଦେଶକୁ ଭାଙ୍ଗିବାକୁ କାର୍ଯ୍ୟ କରିଛନ୍ତି । ସେମାନଙ୍କୁ ଆନ୍ଦୋଳନକାରୀଙ୍କ ଜୀବନ ବିଷୟରେ କ'ଣ ଜଣା ? ଟିକଟ କହିଛନ୍ତି, ଭାଗବତ ସିଂ, ଏପରିକି ଲାଲ କୃଷ୍ଣ ଆଡଭାନୀ ମଧ୍ୟ ଆନ୍ଦୋଳନରେ ଭାଗ ନେଇଥିଲେ ।

ରାକେଶ ଟିକାଇଟ ଆହୁରି କହିଛନ୍ତି, ଚଳିତ ବର୍ଷ ଅକ୍ଟୋବର ୨ ତାରିଖ ପର୍ଯ୍ୟନ୍ତ କୃଷକ ଆନ୍ଦୋଳନ ଜାରି ରହିବ । ବି.କେ.ୟୁ ନେତାଙ୍କ କହିବାନୁସାରେ, ଏହି ଆନ୍ଦୋଳନ ଶେଷ ହେବ ନାହିଁ, କୃଷକ ବିରୋଧସ୍ଥଳରେ ବସି ରହିବେ । ହରିୟାଣାରେ କାହିଁକି ମହାପଞ୍ଚାୟତକୁ ସମ୍ବୋଧିତ କରୁଛନ୍ତି ବୋଲି ପଚରାଯାଇଥିବା ବେଳେ କୃଷକ ନେତା ରାକେଶ କହିଛନ୍ତି, ହରିୟାଣାରେ ମହାପଞ୍ଚାୟତ ଆୟୋଜନ ନିଷେଧ କି ?

ଗତ ରବିବାର ରାଜସ୍ଥାନର ଭବାନୀ ଜିଲ୍ଲାର ଏକ 'କିଷାନ ମହାପଞ୍ଚାୟତରେ'ରେ ରାକେଶ ଏକ ଦୃଢ ଭାଷଣ ଦେଇଥିଲା । ଚଳିତ ମାସ ଆରମ୍ଭରେ ହରିୟାଣାର ଜିନ୍ଦ ଜିଲ୍ଲାର କୃଷକଙ୍କ ଏକ ବିଶାଳ ସମାବେଶକୁ ମଧ୍ୟ ସମ୍ବୋଧିତ କରିଥିଲେ ।

Published On February 9, 2021