ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କ ଟ୍ୱିଟର ଆକାଉଣ୍ଟ ହ୍ୟାକ୍

ଭାରତୀୟ ଜନତା ପାର୍ଟି (ବିଜେପି) ର ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡାଙ୍କ ଅଫିସିଆଲ୍ ଟ୍ୱିଟ୍ ର ଆକାଉଣ୍ଟ ରବିବାର ସକାଳ 10 ଟା ସମୟରେ ହ୍ୟାକ୍ ହୋଇଥିଲା । କିଛି ମିନିଟ୍ ପରେ ତାଙ୍କ ଆକାଉଣ୍ଟ୍ ପୁନଃସ୍ଥାପିତ କରାଯାଇଛି ।

ନୂଆଦିଲ୍ଲୀ : ଭାରତୀୟ ଜନତା ପାର୍ଟି (ବିଜେପି) ର ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡାଙ୍କ ଅଫିସିଆଲ୍ ଟ୍ୱିଟ୍ ର ଆକାଉଣ୍ଟ ରବିବାର ସକାଳ 10 ଟା ସମୟରେ ହ୍ୟାକ୍ ହୋଇଥିଲା । କିଛି ମିନିଟ୍ ପରେ ତାଙ୍କ ଆକାଉଣ୍ଟ୍ ପୁନଃସ୍ଥାପିତ କରାଯାଇଛି । କିନ୍ତୁ କିଛି ମିନିଟ ମଧ୍ୟରେ ହ୍ୟାକର ତିନି ରୁ ଚାରି ଟ୍ୱିଟ୍ କରିଦେଇଥିଲେ । ଏପରିକି ହ୍ୟାକର ଜେପି ନଡ୍ଡାଙ୍କ ଟ୍ୱିଟର ହ୍ୟାଣ୍ଡେଲର ନାମ ବଦଳାଇ ଦେଇଥିଲେ । ହ୍ୟାକର୍ ଆକାଉଣ୍ଟକୁ ହ୍ୟାକ୍ କରି ଲେଖିଥିଲେ, ୟୁକ୍ରେନର ଲୋକଙ୍କ ସହିତ ଛିଡା ହୁଅ । ବର୍ତ୍ତମାନ କ୍ରିପ୍ଟୋକରେନ୍ସି ଦାନ ଗ୍ରହଣ କରୁଛି । ଅନ୍ୟ ଏକ ଟ୍ୱିଟରେ ହ୍ୟାକର୍ ଲେଖିଛନ୍ତି ଯେ ମୋର ଆକାଉଣ୍ଟ ହ୍ୟାକ୍ ହୋଇନାହିଁ । ସମସ୍ତ ଦାନ ୟୁକ୍ରେନ ସରକାରଙ୍କୁ ଦିଆଯିବ । "ଏହି ଦୁଇଟି ଟ୍ୱିଟ୍ ହିନ୍ଦୀରେ କରାଯାଇଛି ।

ପ୍ରଥମ ଟ୍ୱିଟରେ ହ୍ୟାକର ଲେଖିଛନ୍ତି, ''ୟୁକ୍ରେନବାସୀଙ୍କ ସହିତ ଛିଡା ହୁଅ । ବର୍ତ୍ତମାନ କ୍ରିପ୍ଟୋକରେନ୍ସି ଦାନ ଗ୍ରହଣ କରୁଛି ।" ଏହା ସହିତ ହ୍ୟାକର୍ ଟ୍ୱିଟରେ ପେମେଣ୍ଟ ଲିଙ୍କ୍ ମଧ୍ୟ ଦେଇଛନ୍ତି ।

ଏହା ପରେ ୟୁକ୍ରେନ ବିଷୟରେ ଦ୍ୱିତୀୟ ଟ୍ୱିଟ୍ ମଧ୍ୟ କରାଯାଇଥିଲା ଯେଉଁଥିରେ ଲେଖାଥିଲା, "ମୋ ଆକାଉଣ୍ଟ ହ୍ୟାକ୍ ହୋଇନାହିଁ । ସମସ୍ତ ଦାନ ୟୁକ୍ରେନ ସରକାରଙ୍କୁ ଦିଆଯିବ ।"

ହ୍ୟାକର ଜେପି ନଡ୍ଡାଙ୍କ ଟ୍ୱିଟର ଆକାଉଣ୍ଟର ନାମ ମଧ୍ୟ ବଦଳାଇ ଦେଇଛି । ଜେପି ନଡ୍ଡାଙ୍କ ବଦଳରେ ଟ୍ୱିଟର ଆକାଉଣ୍ଟ ନାମ ହ୍ୟାକର୍ "ICG OWNS INDIA" ରଖିଛି । ଏହା ପରେ ହ୍ୟାକର୍ ଅନ୍ୟ ଏକ ଟ୍ୱିଟରେ କହିଛନ୍ତି ଯେ ଏହି ଆକାଉଣ୍ଟ୍ #ICG ଦ୍ୱାରା ପରିଚାଳିତ ହେଉଛି । ତେବେ ଆକାଉଣ୍ଟ ହ୍ୟାକ୍ ହେବା ନେଇ ଜେପି ନଡ୍ଡାଙ୍କ ତରଫରୁ କୌଣସି ଅଫିସିଆଲ୍ ବିବୃତ୍ତି ହୋଇନାହିଁ ।

English summary

BJP national president JP Nadda Twitter account hacked