300 ଏକର ଜମିରେ ନିର୍ମାଣ ହେବ ଦୁନିଆର ସବୁଠାରୁ ବଡ଼ ପ୍ରାଣୀ ଉଦ୍ୟାନ
ଗୁଜୁରାଟରେ ପ୍ରସ୍ତୁତ ହେବାକୁ ଥିବା ପ୍ରାଣୀ ଉଦ୍ୟାନରେ ନାଇଟ୍ ସଫାରିର ସୁବିଧଆ ରହିବ | ଏହା ଦ୍ୱାରା ଦର୍ଶକମାନେ ମଧ୍ୟ ରାତିରେ ଉଦ୍ୟାନକୁ ଉପଭୋଗ କରିପାରିବେ | ଶହ ଶହ ଏକର ଜମିରେ ଏହାର ପୃଥକ ବିଭାଗ ରହିବ |
ବିଶ୍ୱର ସର୍ବବୃହତ ପ୍ରାଣୀ ଉଦ୍ୟାନ : ଜାମନଗର : ଗୁଜୁରାଟରେ ନିର୍ମାଣ ହେବ ଦୁନିଆର ସବୁଠୁ ବଡ ପ୍ରାଣୀ ଉଦ୍ୟାନ | ଜାମନଗର ଜିଲ୍ଲାର ପ୍ରାୟ 300 ଏକର ଜମିରେ ଏହି ପ୍ରାଣୀ ଉଦ୍ୟାନ ତିଆରି କରାଯିବ | ଅମ୍ବାନୀଙ୍କ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏହି ପ୍ରକଳ୍ପକୁ କାର୍ଯ୍ୟକ୍ଷମ କରିବ | ଗୁଜୁରାଟ ମୁଖ୍ୟମନ୍ତ୍ରୀଙ୍କ ଅତିରିକ୍ତ ମୁଖ୍ୟ ଶାସନ ସଚିବ ଏମ. କେ ଦାସ ଏନେଇ ସୂଚନା ଦେଇଛନ୍ତି | ଶ୍ରୀ ଦାସ କହିଛନ୍ତି ଯେ, ବିଶ୍ୱର ସର୍ବବୃହତ ପ୍ରାଣୀ ଉଦ୍ୟାନ ଜାମନଗରରେ ନିର୍ମାଣ ହେବାକୁ ଯାଉଛି | ଯେଉଁଥିରେ ପୃଥିବୀର ବିଭିନ୍ନ ପଶୁ ଓ ପକ୍ଷୀ ରହିବେ | ଦୁଇ ବର୍ଷ ମଧ୍ୟରେ ଏହା ପ୍ରସ୍ତୁତ ହୋଇଯିବ ବୋଲି ସେ ସୂଚନା ଦେଇଛନ୍ତି |
ଜୁ ରେ କଣ ରହିବ ସୁବିଧା
ଗୁଜୁରାଟରେ ପ୍ରସ୍ତୁତ ହେବାକୁ ଥିବା ପ୍ରାଣୀ ଉଦ୍ୟାନରେ ନାଇଟ୍ ସଫାରିର ସୁବିଧଆ ରହିବ | ଏହା ଦ୍ୱାରା ଦର୍ଶକମାନେ ମଧ୍ୟ ରାତିରେ ଉଦ୍ୟାନକୁ ଉପଭୋଗ କରିପାରିବେ | ଶହ ଶହ ଏକର ଜମିରେ ଏହାର ପୃଥକ ବିଭାଗ ରହିବ | ଯେଉଁଥିରେ ବେଙ୍ଗ ହାଉସ୍, ଡ୍ରାଗନ୍ ଲ୍ୟାଣ୍ଡ, ପଶ୍ଚିମ ତଟର ମାର୍ଶସ୍, ଇଣ୍ଡିଆନ୍ ମରୁଭୂମି ଏବଂ ଏକ୍ସୋଟିକ୍ ଦ୍ୱୀପ, ରୋଡେଣ୍ଟ୍ ଲ୍ୟାଣ୍ଡ, ଇନସେକ୍ଟାରିୟମ୍, ଏକ୍ଜୋଟିକ୍ ସାମ୍ରାଜ୍ୟ ଦେଖିବାକୁ ମିଳିବ | ଅମ୍ବରଡି ସଫାରିକୁ ବବ୍ବର ବାଘଙ୍କ ପାଇଁ ଏକ ପ୍ରସିଦ୍ଧ ସ୍ଥାନ ଭାବରେ ବିକାଶ କରିବେ ରାଜ୍ୟ ସରକାର |
ଏଠାରେ ରହିବେ ପୃଥିବୀର ବିଭିନ୍ନ ପଶୁପକ୍ଷୀ
ଏହି ପ୍ରାଣୀ ଉଦ୍ୟାନରେ ଏସୀୟ ସିଂହ, ବାଘ ବ୍ୟତୀତ ଆଫ୍ରିକୀୟ ବାଘ, ଚିତା, ଜାଗୁଆର, ପିଗ୍ମି ହିପ୍ପୋ, ଗୋରିଲା, ଜେବ୍ରା, ଜିରାଫ, ଆଫ୍ରିକୀୟ ହାତୀ, ବେଙ୍ଗଲ ଟାଇଗର, କୋମୋଡୋ ଡ୍ରାଗନ ଆଦି ପଶୁଙ୍କୁ ରଖାଯିବ | ଏଥି ସହିତ ଦୁନିଆର ବିଭିନ୍ନ ପକ୍ଷୀଙ୍କୁ ମଧ୍ୟ ଦେଖିବାକୁ ମିଳିବ |
ଗୁଜୁରାଟରେ ଦୁନିଆର ସବୁଠୁ ବଡ, ଉଚ୍ଚ କିମ୍ବା ଉଚ୍ଚତମ ଅନେକ ଜିନିଷ ଦେଖିବାକୁ ମିଳେ | ଏଠାରେ ବିଶ୍ୱର ସର୍ବବୃହତ ଏବଂ ସର୍ବୋଚ୍ଚ ପ୍ରତିମୂର୍ତ୍ତି ହେଉଛି ଷ୍ଟାଚ୍ୟୁ ଅଫ୍ ୟୁନିଟି | ଆହୁରି ମଧ୍ୟ ଦୀର୍ଘତମ ଜଳସେଚନ କେନାଲ, ବୃହତ ବିଦ୍ୟୁତ୍ ପ୍ରକଳ୍ପ ସହିତ ଡ୍ୟାମ୍, ସର୍ବ ବୃହତ ଅକ୍ଷୟ ଶକ୍ତି ପ୍ରକଳ୍ପ ମଧ୍ୟ ରହିଛି | ତେବେ ବିଶ୍ୱର ସର୍ବବୃହତ ପ୍ରାଣୀ ଉଦ୍ୟାନ ପ୍ରତିଷ୍ଠା ହେତୁ ଭାରତ ତଥା ବିଦେଶରୁ ବହୁ ସଂଖ୍ୟକ ପର୍ଯ୍ୟଟକ ଏଠାକୁ ଆସିପାରିବେ | ଏହାଦ୍ୱାରା ଗୁଜୁରାଟ ବିଶ୍ୱ ପର୍ଯ୍ୟଟନ ମାନଚିତ୍ରରେ ଏକ ଭିନ୍ନ ପରିଚୟ ସୃଷ୍ଟି କରିବ |
Click it and Unblock the Notifications
Sign in with Google