ଅଗ୍ନିପଥ ପ୍ରତିବାଦ ଭାରତ ବନ୍ଦ : ଜାତୀୟ ରାଜଧାନୀ ରାଜରାସ୍ତାରେ ଅଟକିଛି ହଜାର ହଜାର ଗାଡ଼ି, ଜନଜୀବନ ଅସ୍ତବ୍ୟସ୍ତ

ଭାରତ ବନ୍ଦ ଯୋଗୁଁ ଦିଲ୍ଲୀରେ ଲୋକମାନେ ଭାରି ଟ୍ରାଫିକ୍ ଜାମର ସମ୍ମୁଖୀନ ହେଉଛନ୍ତି । ସାରହୌଲ ସୀମାରେ ଦିଲ୍ଲୀ-ଗୁରୁଗ୍ରାମ ଏକ୍ସପ୍ରେସୱେରେ ବହୁତ ଜାମ ଲାଗି ରହିଛି । ବାସ୍ତବରେ, ଦିଲ୍ଲୀ ପୋଲିସ ଏଠାରେ ଯାନବାହନ ଯାଞ୍ଚ ଆରମ୍ଭ କରିଛି, ଯେଉଁଥିପାଇଁ ଜାମ୍ ବଢିଛି ।

Published: Monday, June 20, 2022, 12:27 [IST]

ନୂଆଦିଲ୍ଲୀ : ସେନାରେ ନିଯୁକ୍ତିର ଅଗ୍ନିପଥ ଯୋଜନାକୁ ବିରୋଧ କରି ଆଜି ସାରା ଦେଶରେ ଭାରତ ବନ୍ଦ ଡାକରା ଦିଆଯାଇଛି । କେନ୍ଦ୍ର ସରକାର ସେନା ନିଯୁକ୍ତିର ପରିବର୍ତ୍ତନ କରି 'ଅଗ୍ନିପଥ' ଯୋଜନା ଘେଷଣା କରିବା ପରେ ସାରା ଦେଶର ଅନେକ ରାଜ୍ୟରେ ଲକ୍ଷ ଲକ୍ଷ ଯୁବ ବିକ୍ଷୋଭକାରୀ ରାଜରାସ୍ତାକୁ ଓହ୍ଲାଇ ବିରୋଧ ପ୍ରଦର୍ଶ କରୁଛନ୍ତି । ଫଳରେ ସାରା ଦେଶରେ ଲୋକଙ୍କୁ ଟ୍ରାଫିକ୍ ଜାମର ସମ୍ମୁଖୀନ ହେବାକୁ ପଡ଼ିଛି ।

ବିଶେଷ କରି ଭାରତ ବନ୍ଦ ଯୋଗୁଁ ଦିଲ୍ଲୀରେ ଲୋକମାନେ ଭାରି ଟ୍ରାଫିକ୍ ଜାମର ସମ୍ମୁଖୀନ ହେଉଛନ୍ତି । ସାରହୌଲ ସୀମାରେ ଦିଲ୍ଲୀ-ଗୁରୁଗ୍ରାମ ଏକ୍ସପ୍ରେସୱେରେ ବହୁତ ଜାମ ଲାଗି ରହିଛି । ବାସ୍ତବରେ, ଦିଲ୍ଲୀ ପୋଲିସ ଏଠାରେ ଯାନବାହନ ଯାଞ୍ଚ ଆରମ୍ଭ କରିଛି, ଯେଉଁଥିପାଇଁ ଜାମ୍ ବଢିଛି । ଅଗ୍ନିପଥ ଯୋଜନା ବିରୋଧରେ ସାରା ଦେଶରେ ବିରୋଧ ରହିଛି ଏବଂ ଏହାକୁ ସମର୍ଥନ କରି ଅନେକ ସଂଗଠନ ଆଜି ଭାରତ ବନ୍ଦ ଡାକରା ଦେଇଛନ୍ତି ।

ଭାରତ ବନ୍ଦ ଡାକରା କୁ ଦୃଷ୍ଟିରେ ରଖି ସାରା ଦେଶରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ବିକ୍ଷୋଭପ୍ରଦର୍ଶନ ସ୍ଥାନରେ ପୋଲିସ୍ ମୁତୟନ କରାଯାଇଛି । ଗତ ଦିନରେ ଉତ୍ତ୍ୟକ୍ତ ବିକ୍ଷୋଭକାରୀ ମାନେ ହିଂସା ଭିଆଇଥିବାରୁ ପୋଲିସ୍ କୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି । ଏପରିକି ରେଲ ଷ୍ଟେସନ୍ ରେ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି । GRP ଏବଂ RPF ସଜାଗ ରହିଛନ୍ତି । ସିସିଟିଭି, ଭିଡ଼ିଓ ରୁ ହିଂସା କରୁଥିବା ବ୍ୟକ୍ତିଙ୍କୁ ଚିହ୍ନଟ କରି ଦୃଢ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ରହିଛି ।

Published On June 20, 2022