ମମତା ସରକାରଙ୍କ ବଡ ନିଷ୍ପତ୍ତି, ରାଜ୍ୟପାଳ ନୁହେଁ ମୁଖ୍ୟମନ୍ତ୍ରୀ ହେବେ ରାଜ୍ୟ ବିଶ୍ୱବିଦ୍ୟାଳୟର କୁଳପତି
ପଶ୍ଚିମବଙ୍ଗ ସରକାର ଘୋଷଣା କରିଛନ୍ତି ଯେ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟପାଳଙ୍କ ସ୍ଥାନ ଗ୍ରହଣ କରିବେ ଏବଂ ରାଜ୍ୟ ଦ୍ୱାରା ପରିଚାଳିତ ବିଶ୍ୱବିଦ୍ୟାଳୟର କୁଳପତି ହେବେ । ରାଜ୍ୟ ଶିକ୍ଷା ମନ୍ତ୍ରୀ ବ୍ରତ୍ୟା ବାସୁ ଏହି ସୂଚନା ଦେଇଛନ୍ତି ।
କୋଲକାତା : ରାଜ୍ୟ ଦ୍ୱାରା ପରିଚାଳିତ ବିଶ୍ୱବିଦ୍ୟାଳୟର କୁଳପତି ରହିବେ ନାହିଁ ରାଜ୍ୟପାଳ । ରାଜ୍ୟପାଳଙ୍କ ସ୍ଥାନ ନେବେ ମୁଖ୍ୟମନ୍ତ୍ରୀ । ଏନେଇ ଏକ ବଡ଼ ନିଷ୍ପତ୍ତି ନେଇି ପଶ୍ଚିମବଙ୍ଗର ମମତା ବାନାର୍ଜୀ କ୍ୟାବିନେଟ୍ । ପଶ୍ଚିମବଙ୍ଗ ସରକାର ଘୋଷଣା କରିଛନ୍ତି ଯେ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟପାଳଙ୍କ ସ୍ଥାନ ଗ୍ରହଣ କରିବେ ଏବଂ ରାଜ୍ୟ ଦ୍ୱାରା ପରିଚାଳିତ ବିଶ୍ୱବିଦ୍ୟାଳୟର କୁଳପତି ହେବେ । ରାଜ୍ୟ ଶିକ୍ଷା ମନ୍ତ୍ରୀ ବ୍ରତ୍ୟା ବାସୁ ଏହି ସୂଚନା ଦେଇଛନ୍ତି । ଏହି ଆଇନରେ ସଂଶୋଧନ ପାଇଁ ଏହାକୁ ବିଧାନସଭାକୁ ନିଆଯିବ ବୋଲି ସେ କହିଛନ୍ତି ।
ମମତା ସରକାରଙ୍କ ମନ୍ତ୍ରୀ ବ୍ରତ୍ୟା ବାସୁ ଆଜି କହିଛନ୍ତି ଯେ ଆଜି ଆମେ ନିଷ୍ପତ୍ତି ନେଇଛୁ ଯେ ରାଜ୍ୟର ସମସ୍ତ ବିଶ୍ୱବିଦ୍ୟାଳୟର କୁଳପତି ରାଜ୍ୟପାଳ ନୁହଁନ୍ତି ବରଂ ମୁଖ୍ୟମନ୍ତ୍ରୀ ହେବେ । ଏହି ପରିପ୍ରେକ୍ଷୀରେ ବିଧାନସଭାରେ ଏକ ସଂଶୋଧନ ବିଲ୍ ଅଣାଯିବ । ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ଼ଙ୍କ ବିଶ୍ୱବିଦ୍ୟାଳୟରେ କୁଳପତିଙ୍କ ନିଯୁକ୍ତିକୁ ନେଇ ରାଜ୍ୟ ସରକାରଙ୍କ ସହ ହୋଇଥିବା ବିବାଦର ପୃଷ୍ଠଭୂମିରେ ଏହି ନିଷ୍ପତ୍ତି ନିଆଯାଇଛି । ସରକାରଙ୍କ ଏହି ନିଷ୍ପତ୍ତି ପୁଣିଥରେ ସରକାର ଏବଂ ରାଜ୍ୟପାଳଙ୍କ ମଧ୍ୟରେ ବିବାଦକୁ ବଢାଇ ଦେଇଛି ।
ରାଜ୍ୟପାଳ ଜଗଦୀପ ଧନଖଡ଼ ଏହା ପୂର୍ବରୁ ଅଭିଯୋଗ କରିଥିଲେ ଯେ ରାଜ ଭବନଙ୍କ ସହମତି ବିନା ରାଜ୍ୟ ସରକାର ଅନେକ କୁଳପତିଙ୍କୁ ନିଯୁକ୍ତ କରିଛନ୍ତି । ବେଙ୍ଗଲରେ ସିଏମ୍ ମମତା ଏବଂ ରାଜ୍ୟପାଳ ଜଗଦୀପ ଧନଖଡ଼ଙ୍କ ମଧ୍ୟରେ ବିବାଦ ନୂଆ ନୁହେଁ । ଅନେକ ପ୍ରସଙ୍ଗରେ ଉଭୟଙ୍କ ମଧ୍ୟରେ ତିକ୍ତତା ରହିଛି । ମମତା ରାଜ୍ୟପାଳଙ୍କ ଉପରେ ସିଧାସଳଖ କେନ୍ଦ୍ରର ଆଦେଶ ଅନୁସାରେ କାମ କରୁଥିବା ଅଭିଯୋଗ କରିଛନ୍ତି । ଏଥିସହିତ ରାଜ୍ୟପାଳ କହିଛନ୍ତି ଯେ ସେ ଯାହା ବି କରନ୍ତି ତାହା ସମ୍ବିଧାନ ଅନୁଯାୟୀ ।
Click it and Unblock the Notifications
Sign in with Google