ଆସାମରେ ହିଂସାର ନିଆଁ : ପୋଲିସ୍ ଗୁଳିପେ ପ୍ରାଣ ହରାଇଲେ ଦୁଇ ନାଗରିକ, ନ୍ୟାୟିକ ତଦନ୍ତ ନିର୍ଦ୍ଦେଶ ଦେଲେ ରାଜ୍ୟ ସରକାର

ଆସାମର ଦାରାଙ୍ଗ ଜିଲ୍ଲାରେ ଉଚ୍ଛେଦକୁ ବିରୋଧ ସମୟରେ ହୋଇଥିବା ହିଂସା ସମୟରେ ଢୋଲପୁରରେ ହୋଇଥିବା ଗୁଳିବିନିମୟ ଘଟଣାର ନ୍ୟାୟିକ ତଦନ୍ତ ନିର୍ଦ୍ଦେଶ ଦେଇଛନ୍ତି ଆସାମ ସରକାର ।

ଗୌହାଟି : ଆସାମର ଦାରାଙ୍ଗ ଜିଲ୍ଲାରେ ଉଚ୍ଛେଦକୁ ବିରୋଧ ସମୟରେ ହୋଇଥିବା ହିଂସା ସମୟରେ ଢୋଲପୁରରେ ହୋଇଥିବା ଗୁଳିବିନିମୟ ଘଟଣାର ନ୍ୟାୟିକ ତଦନ୍ତ ନିର୍ଦ୍ଦେଶ ଦେଇଛନ୍ତି ଆସାମ ସରକାର । ସରକାରୀ ବିଜ୍ଞପ୍ତି ଅନୁଯାୟୀ ଗୌହାଟି ହାଇକୋର୍ଟର ଜଣେ ଅବସରପ୍ରାପ୍ତ ବିଚାରପତି ଏହାର ତଦନ୍ତ କରିବେ । ଏହି ପ୍ରସଙ୍ଗରେ ଆସାମରେ ହୋଇଥିବା ଏହି ହିଂସାତ୍ମକ ସଂଘର୍ଷକୁ ପ୍ରାୟୋଜିତ ବୋଲି କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ମଧ୍ୟ ଟ୍ୱିଟ୍ କରିଛନ୍ତି । ସେ କହିଛନ୍ତି ମୁଁ ଆସାମର ଭାଇ ଓ ଭଉଣୀମାନଙ୍କ ସହିତ ଛିଡ଼ା ହୋଇଛି ।

ଗୁରୁବାର ଦିନ ଆସାମ ପୋଲିସ ସରକାରୀ ଜମିରୁ ଜବରଦଖଲକୁ ଉଚ୍ଛେଦ କରିବା ସମୟରେ ସ୍ଥାନୀୟ ଲୋକ ଏବଂ ପୋଲିସ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ଗଣମାଧ୍ୟମର ଖବର ଅନୁଯାୟୀ ପୋଲିସ ସ୍ଥାନୀୟ ଲୋକଙ୍କ ଉପରକୁ ଗୁଳି ଚଳାଇବାରୁ ଦୁଇ ଜଣଙ୍କର ମୃତ୍ୟୁ ହୋଇଥିଲା । ଏହା ବ୍ୟତୀତ ଅନେକ ଲୋକ ମଧ୍ୟ ଆହତ ହୋଇଥିଲେ । ଆହତଙ୍କ ମଧ୍ୟରେ ନଅ ଜଣ ପୋଲିସ ମଧ୍ୟ ଅଛନ୍ତି । ଏହି ସମୟରେ ଦୁଇ ଜଣ ପୋଲିସ କର୍ମଚାରୀ ମଧ୍ୟ ପ୍ରାଣ ହରାଇଛନ୍ତି । ଏହି ଘଟଣା ପରେ ଆସାମ ସରକାର ବର୍ତ୍ତମାନ ନ୍ୟାୟିକ ତଦନ୍ତ ନିର୍ଦ୍ଦେଶ ଦେଇଛନ୍ତି ।

Assam is on state-sponsored fire.

I stand in solidarity with our brothers and sisters in the state- no children of India deserve this. pic.twitter.com/syo4BTIXKH

— Rahul Gandhi (@RahulGandhi) September 23, 2021

ରାଜ୍ୟ ସରକାର କହିଛନ୍ତି ଯେ ଦାରାଙ୍ଗ ଜିଲ୍ଲାର ସିପାଝାର ରାଜସ୍ୱ ବିଭାଗର ଢୋଲପୁର ଅଞ୍ଚଳରେ 23 ସେପ୍ଟେମ୍ବର 2021 ରେ ହୋଇଥିବା ଗୁଳି ବିନିମୟରେ ଦୁଇ ସାଧାରଣ ନାଗରିକଙ୍କ ମୃତ୍ୟୁ ଏବଂ ପୋଲିସ୍ କର୍ମଚାରୀଙ୍କ ସମେତ ଅନେକ ଆହତ ଘଟଣାର ଯାଞ୍ଚ କରିବାକୁ ଗୃହ ଏବଂ ରାଜନୈତିକ ବିଭାଗ ନିଷ୍ପତ୍ତି ନେଇଛନ୍ତି । ଆସାମର ଦାରାଙ୍ଗ ଜିଲ୍ଲାର ସିପାଜରରେ ଗୁରୁବାର ଦିନ ଏକ ଉଚ୍ଛେଦ ଅଭିଯାନ ସମୟରେ ହିଂସା ଆରମ୍ଭ ହୋଇଥିଲା । ଦାରାଙ୍ଗ ପୋଲିସ ଅଧୀକ୍ଷକ (ଏସପି) ସୁଶାନ୍ତ ବିଶ୍ୱ ସରମା କହିଛନ୍ତି ଯେ ଘଟଣାସ୍ଥଳରେ ଉପସ୍ଥିତ ଲୋକମାନେ ପଥର ଫିଙ୍ଗି ପୋଲିସ ଉପରେ ଆକ୍ରମଣ କରିଥିଲେ । ସେ ଆହୁରି କହିଛନ୍ତି ଯେ ଏହି ଘଟଣାରେ 9 ଜଣ ପୋଲିସ ଆହତ ହୋଇଛନ୍ତି ।

ଆପଣଙ୍କୁ କହି ରଖୁଛୁ ସୋମବାର ଏଠାରେ ଜବରଦଖଲ ଉଚ୍ଛେଦ ଅଭିଯାନ ଆରମ୍ଭ କରାଯାଇଥିଲା । ଢୋଲପୁର ଗୋରୁଖୁଟିର 800 ରୁ ଅଧିକ ପରିବାରଙ୍କୁ ଜବର ଦଖଲ ନେଇ ଘରୁ ବାହାର କରିଦିଆଯାଇଛି । ଘର ଭାଙ୍ଗିବା ପରେ ଶହ ଶହ ଲୋକ ବ୍ରହ୍ମପୁତ୍ର ନଦୀ କୂଳରେ ରହିବାକୁ ବାଧ୍ୟ ହୋଇଛନ୍ତି । ସରକାରୀ ନିର୍ଦ୍ଦେଶରେ ଏହି ଘରଗୁଡ଼ିକୁ ଭାଙ୍ଗି ଦିଆଯାଇଛି ।

English summary

Assam Violence : State government ordered judicial inquiry