ASI ବାବୁ ରାମ ଏବଂ କନଷ୍ଟେବଳ ହୁସେନ୍ ଭଟଙ୍କୁ ମରଣୋତ୍ତର ଅଶୋକ ଚକ୍ର, 14 ଟି ଏନକାଉଣ୍ଟରରେ 28 ଆତଙ୍କବାଦୀଙ୍କୁ କରିଥିଲେ ନିହତ

ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ବିରୋଧରେ ଲଢେଇ କରୁଥିବା ବେଳେ ସହିଦ୍ ଏଏସଆଇ ବାବୁରାମ ଏବଂ କନଷ୍ଟେବଳ ଆଲତାଫ ହୁସେନଙ୍କ ସାହସିକତାକୁ ମନେ ପକାଇ ଭାରତ ସରକାର ଉଭୟଙ୍କୁ ସମ୍ମାନୀତ କରିଛନ୍ତି ।

ନୂଆଦିଲ୍ଲୀ : ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ବିରୋଧରେ ଲଢେଇ କରୁଥିବା ବେଳେ ସହିଦ୍ ଏଏସଆଇ ବାବୁରାମ ଏବଂ କନଷ୍ଟେବଳ ଆଲତାଫ ହୁସେନଙ୍କ ସାହସିକତାକୁ ମନେ ପକାଇ ଭାରତ ସରକାର ଉଭୟଙ୍କୁ ସମ୍ମାନୀତ କରିଛନ୍ତି । ସହକାରୀ ସବ୍ ଇନ୍ସପେକ୍ଟର ବାବୁ ରାମଙ୍କୁ ସ୍ୱାଧୀନତା ଦିବସ ଅବସରରେ ଅଶୋକ ଚକ୍ର ଏବଂ କନଷ୍ଟେବଳ ଆଲତାଫ ହୁସେନ୍ ଭଟଙ୍କୁ କିର୍ତ୍ତୀ ଚକ୍ରରେ ପୁରସ୍କୃତ କରାଯାଇଥିଲା ।

ରାଷ୍ଟ୍ରପତି କଲେ ସମ୍ମାନୀତ

ସ୍ୱାଧୀନତା ଦିବସ ଅବସରରେ ରାଷ୍ଟ୍ରପତି ରାମ ନାଥ କୋବିନ୍ଦ ସଶସ୍ତ୍ର ବାହିନୀର କର୍ମଚାରୀ, ପୋଲିସ ଏବଂ ପାରାମିଲିଟାରୀ କର୍ମଚାରୀଙ୍କୁ ଅଭିନନ୍ଦନ ଜଣାଇଥିଲେ । ସମୁଦାୟ 144 ଜଣଙ୍କୁ ସେମାନଙ୍କର ବୀରତା ପାଇଁ ସମ୍ମାନୀତ କରାଯାଇଥିଲା । 15 ଜଣଙ୍କୁ ସୌର୍ଯ୍ୟ ଚକ୍ର, 116 ଜଣଙ୍କୁ ସେନା ପଦକ, ଜଣଙ୍କୁ ଅଶୋକ ଏବଂ ଅନ୍ୟ ଜଣଙ୍କୁ କିର୍ତ୍ତୀ ଚକ୍ର ପ୍ରଦାନ କରାଯାଇଥିଲା । ଉଲ୍ଲେଖ ଯୋଗ୍ୟ, ବାବୁ ରାମ ଏବଂ ହୁସେନ୍ ଭଟ ଜାମ୍ମୁ କାଶ୍ମୀର ପୋଲିସରେ ପୋଷ୍ଟ ହୋଇଥିଲେ ଏବଂ ଉଭୟ ଉପତ୍ୟକାରେ ନିୟୋଜିତ ହୋଇଥିଲେ ।

14 ଏନକାଉଣ୍ଟରରେ 28 ଆତଙ୍କବାଦୀ ନିହତ ହୋଇଥିଲେ

ବାବୁ ରାମ 14 ଏନକାଉଣ୍ଟରରେ 28 ଆତଙ୍କବାଦୀଙ୍କୁ ନିହତ କରିଥିଲେ । ଅଧିକାରୀମାନେ କହିଛନ୍ତି ଯେ ବାବୁ ରାମଙ୍କୁ 27 ଜୁଲାଇ 2002 ରେ ଶ୍ରୀନଗରର ସ୍ପେଶାଲ ଅପରେସନ୍ସ ଗ୍ରୁପ୍ (SOG) ଭାବରେ ପୋଷ୍ଟ କରାଯାଇଥିଲା ଏବଂ ଅନେକ ଆତଙ୍କବାଦୀ ବିରୋଧୀ କାର୍ଯ୍ୟରେ ଜଡିତ ଥିଲେ । ଏହି ସମୟରେ ବାବୁ ରାମ ଅନେକ ଆତଙ୍କବାଦୀଙ୍କୁ ନିହତ କରିଥିଲେ । SOG ଭାବରେ ସେ ମୋଟ 14 ଏନକାଉଣ୍ଟରରେ ଭାଗ ନେଇ 28 ଆତଙ୍କବାଦୀଙ୍କୁ ନିହତ କରିଥିଲେ ।

କନଷ୍ଟେବଳ ଆଲତାଫ ହୁସେନ୍ ଭଟଙ୍କ ବିଷୟରେ କହିବାକୁ ଗଲେ, ସେ ଶ୍ରୀନଗରର ସଫକଦଲର ରଥପୁରା ଅଞ୍ଚଳରେ ରହୁଥିଲେ ଏବଂ ଗାନ୍ଦରବଲରେ ଜଣେ କନଷ୍ଟେବଳ ଭାବରେ ପୋଷ୍ଟିଂ ପାଇଥିଲେ । ସେ ଜଣେ ବ୍ୟକ୍ତିଙ୍କୁ ବ୍ୟକ୍ତିଗତ ସୁରକ୍ଷା ଅଧିକାରୀ ଅର୍ଥାତ୍ PSO ଭାବରେ ସେବା କରୁଥିଲେ । ଗତ ବର୍ଷ ଅକ୍ଟୋବର 6 ରେ ଏହି ବ୍ୟକ୍ତିଙ୍କୁ ଆତଙ୍କବାଦୀମାନେ ଆକ୍ରମଣ କରିଥିଲେ, ଯେଉଁଥିରେ ଅଲତାଫ ହୁସେନ୍ ଭଟ ଏହି ବ୍ୟକ୍ତିଙ୍କୁ ସୁରକ୍ଷା ଦେବାବେଳେ ସହିଦ ହୋଇଥିଲେ ।

ଚାରି ଜଣଙ୍କୁ ମରଣୋତ୍ତର ସୌର୍ଯ୍ୟ ଚକ୍ର ସମ୍ମାନ

ସ୍ୱାଧୀନତା ଦିବସ ଅବସରରେ 15 ଜଣଙ୍କୁ ସୌର୍ଯ୍ୟ ଚକ୍ରରେ ସମ୍ମାନିତ କରାଯାଇଥିଲା । ଏଥିରେ ସ୍ଥଳସେନାର 6 ଜଣ ସୁରକ୍ଷା କର୍ମୀ, ବାୟୁସେନାର 2 ଜଣ, ନୌସେନାର ଜଣେ ଅଧିକାରୀ ଅଛନ୍ତି । ଏହା ବ୍ୟତୀତ 6 ଜଣ ଯବାନ ପୋଲିସ ଏବଂ ସାମରିକ ବାହିନୀ ମଧ୍ୟ ଏହି ପୁରସ୍କାରରେ ସମ୍ମାନିତ ହୋଇଥିଲେ । ସମୁଦାୟ 15 ଜଣଙ୍କୁ ସୌର୍ଯ୍ୟ ଚକ୍ର ପୁରସ୍କୃତ କରାଯାଇଥିଲା, ସେଥିମଧ୍ୟରୁ 4 ଜଣଙ୍କୁ ମରଣୋତ୍ତର ସୌର୍ଯ୍ୟ ଚକ୍ର ସମ୍ମାନରେ ସମ୍ମାନୀତ କରାଯାଇଥିଲା । ଓଡ଼ିଶା ପୋଲିସର ଦେବାଶିଷ ସେଠୀ ଏବଂ ସୁଧୀର କୁମାର ଟୁଡୁଙ୍କୁ ମରଣୋତ୍ତର ସୌର୍ଯ୍ୟ ଚକ୍ର ସମ୍ମାନ ପ୍ରଦାନ କରାଯାଇଛି ।

English summary

ASI Babu Ram and Altaf Husain Bhat Ashok Chakra posthumously know their brave