ରାଜସ୍ଥାନ ମୁଖ୍ୟମନ୍ତ୍ରୀ, ପୂର୍ବତନ ମୁଖ୍ୟମନ୍ତ୍ରୀ କରୋନା ସଂକ୍ରମିତ
ଜୟପୁର : ସାରା ଦେଶରେ କରୋନା ସଂକ୍ରମଣ ମାମଲା ପୁଣି ବଢିବାରେ ଲାଗିଛି । ଏହି ସମୟରେ ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଏବଂ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ କୋଭିଡ ସଂକ୍ରମିତ ଚିହ୍ନଟ ହୋଇଛନ୍ତି । ଏ ନେଇ ମଙ୍ଗଳବାର ଦିନ ଉଭୟ ସୋଶାଲ ମିଡିଆରେ ସୂଚନା ଦେଇଛନ୍ତି ।
ମୁଖ୍ୟମନ୍ତ୍ରୀ ଗେହଲଟ୍ ଟ୍ୱିଟ୍ କରି ଲେଖିଛନ୍ତି - ଗତ କିଛି ଦିନ ହେବ ସମଗ୍ର ଦେଶରେ କୋଭିଡଙ୍କ ମାମଲା ବୃଦ୍ଧି ପାଇଛି । ମୁଁ ସାମାନ୍ୟ ଲକ୍ଷଣ ସହିତ କୋଭିଡରେ ସଂକ୍ରମିତ ହୋଇଛି । ଡାକ୍ତରଙ୍କ ପରାମର୍ଶ ଅନୁଯାୟୀ ମୁଁ ଆଗାମୀ କିଛି ଦିନ ପାଇଁ ମୋ ବାସଭବନରୁ କାର୍ଯ୍ୟ ଜାରି ରଖିବି । ଆପଣ ସମସ୍ତେ ଯତ୍ନ ନିଅନ୍ତୁ ଏବଂ କୋଭିଡ୍ ପ୍ରୋଟୋକଲ୍ ଅନୁସରଣ କରନ୍ତୁ ।
ଏଥି ସହିତ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ଟ୍ୱିଟ୍ କରି ଲେଖିଛନ୍ତି - କୋଭିଡ ଯାଞ୍ଚରେ ମୋର ରିପୋର୍ଟ ସକରାତ୍ମକ ଆସିଛି । ଡାକ୍ତରଙ୍କ ପରାମର୍ଶରେ ମୁଁ ସମ୍ପୂର୍ଣ୍ଣ ଅଲଗା ରହିଛି । ଯେଉଁମାନେ ମୋ ସହିତ ଯୋଗାଯୋଗରେ ଥିଲେ ନିଜକୁ ପରୀକ୍ଷା କରାନ୍ତୁ ଏବଂ ସତର୍କତା ଅବଲମ୍ବନ କରନ୍ତୁ ।
ସୂଚନା ଥାଉକି, ଗତ କିଛି ଦିନ ହେବ ଦୈନିକ କରୋନା ମାମଲାରେ ଅହେତୁକ ବୃଦ୍ଧି ପରିଲକ୍ଷିତ ହୋଇଛି । ଗତ କିଛି ଦିନ ଏହା ତିନି ହଜାର ପରେ ରହିୁଆସୁଛି ।
Click it and Unblock the Notifications
Sign in with Google