ଦେଶର 16 ଟି ରାଜ୍ୟରେ 1270 ଟି ଓମିକ୍ରନ୍ ମାମଲା, ଜାଣନ୍ତୁ କେଉଁ ରାଜ୍ୟରେ କେତେ ରୋଗୀ ଚିହ୍ନଟ
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଏକ ରିପୋର୍ଟ ଅନୁଯାୟୀ, ଦେଶରେ ବର୍ତ୍ତମାନ ସୁଦ୍ଧା ସମୁଦାୟ 1270 ଓମିକ୍ରନ୍ ମାମଲା ଚିହ୍ନଟ ହୋଇଛି । ଯେଉଁଥିରୁ ମହାରାଷ୍ଟ୍ର ଏବଂ ଦିଲ୍ଲୀରେ ସର୍ବାଧିକ ମାମଲା ରହିଛି । କେରଳ ତୃତୀୟ ସ୍ଥାନରେ ରହିଛି ।
ନୂଆଦିଲ୍ଲୀ : ପୁଣିଥରେ ଦେଶରେ କରୋନା ଭାଇରସର ସଂକ୍ରମଣ ଏକ ଉଦ୍ବେଗଜନକ ଗତିରେ ବଢିବାରେ ଲାଗିଛି। ଏଥର ମହାମାରୀର ନୂଆ ଭାରିଆଣ୍ଟ ଓମିକ୍ରନ୍ କେନ୍ଦ୍ର ଓ ରାଜ୍ୟ ସରକାରଙ୍କ ଚିନ୍ତା ବଢାଇ ଦେଇଛି । କରୋନା ସହିତ ଦେଶରେ ଓମିକ୍ରୋନ୍ ର ମାମଲା ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଏକ ରିପୋର୍ଟ ଅନୁଯାୟୀ, ଦେଶରେ ବର୍ତ୍ତମାନ ସୁଦ୍ଧା ସମୁଦାୟ 1270 ଓମିକ୍ରନ୍ ମାମଲା ଚିହ୍ନଟ ହୋଇଛି । ଯେଉଁଥିରୁ ମହାରାଷ୍ଟ୍ର ଏବଂ ଦିଲ୍ଲୀରେ ସର୍ବାଧିକ ମାମଲା ରହିଛି । କେରଳ ତୃତୀୟ ସ୍ଥାନରେ ରହିଛି । ଚିହ୍ନଟ ରୋଗୀଙ୍କ ମଧ୍ୟରୁ 374 ଜଣ ସୁସ୍ଥ ହୋଇସାରିଛନ୍ତି ।
ରିପୋର୍ଟ ଅନୁଯାୟୀ, ଦେଶର 16 ଟି ରାଜ୍ୟରେ ଏପର୍ଯ୍ୟନ୍ତ ଓମିକ୍ରନ୍ ମାମଲା ରିପୋର୍ଟ ହୋଇଛି ଏବଂ ଏହା କ୍ରମାଗତ ଭାବରେ ବୃଦ୍ଧି ପାଇବାରେ ଲାଗିଛି । ଏଥି ମଧ୍ୟରେ ଖବର ରହିଛି ଯେ ଦେଶରେ ପ୍ରଥମ ଓମିକ୍ରନ୍ ମୃତ୍ୟୁ ମଧ୍ୟ ସାମ୍ନାକୁ ଆସିଛି । ମୃତକ ଜଣକ ମହାରାଷ୍ଟ୍ର ପୁଣେର 52 ବର୍ଷୀୟ ବ୍ୟକ୍ତି ବୋଲି ଜଣାପଡ଼ିଛି । ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳରେ ଓମିକ୍ରନ୍ ମାମଲା ବିଷୟରେ ଆଲୋଚନା କଲେ ମହାରାଷ୍ଟ୍ର ସର୍ବାଧିକ 450 ଟି ମାମଲା ରିପୋର୍ଟ କରିଛି, ତା'ପରେ ଜାତୀୟ ରାଜଧାନୀ ଦିଲ୍ଲୀରେ 320 ଟି ମାମଲା ରହିଛି ।
ସେହିପରି କେରଳରେ 103, ଗୁଜରାଟରେ 97, ରାଜସ୍ଥାନରେ 69, ତେଲେଙ୍ଗାନାରେ 62, ତାମିଲନାଡୁରେ 46, କର୍ଣ୍ଣାଟକରେ 34, ଆନ୍ଧ୍ରପ୍ରଦେଶରେ 16, ହରିୟାଣା ଓ ଓଡ଼ିଶାରେ 14 ଲେଖାଏଁ, ପଶ୍ଚିମବଙ୍ଗରେ 11, ମଧ୍ୟପ୍ରଦେଶରେ 9, ଉତ୍ତରାଖଣ୍ଡରେ 4, ଚଣ୍ଡିଗଡ଼ରେ ଏବଂ ଜାମ୍ମୁ ଓ କାଶ୍ମୀରରେ 3 ଜଣ ଲେଖାଏଁ ଓମିକ୍ରନ୍ ଆକ୍ରାନ୍ତ ଚିହ୍ନଟ ହୋଇଛନ୍ତି ।
Click it and Unblock the Notifications
Sign in with Google