ଆଜି ଆର୍ୟନ୍ ଖାନଙ୍କ ଜାମିନ ଆବେଦନ ଶୁଣାଣି, ଅନେକ ସପ୍ତାହ ଧରି ଜେଲରେ ଅଛନ୍ତି

ଆଜି ଆର୍ୟନ୍ ଖାନଙ୍କ ଜାମିନ ଆବେଦନ ଉପରେ ବମ୍ବେ ହାଇକୋର୍ଟ ଶୁଣାଣି କରିବେ । ମୁମ୍ବାଇ କ୍ରୁଜ୍ ଡ୍ରଗ୍ସ ମାମଲାରେ ଚଳଚ୍ଚିତ୍ର ଅଭିନେତା ଶାହରୁଖ ଖାନଙ୍କ ପୁଅ ଆର୍ୟନ୍ ଖାନ ଜେଲରେ ଅଛନ୍ତି ।

Published: Tuesday, October 26, 2021, 11:05 [IST]

ମୁମ୍ବାଇ : ଆଜି ଆର୍ୟନ୍ ଖାନଙ୍କ ଜାମିନ ଆବେଦନ ଉପରେ ବମ୍ବେ ହାଇକୋର୍ଟ ଶୁଣାଣି କରିବେ । ମୁମ୍ବାଇ କ୍ରୁଜ୍ ଡ୍ରଗ୍ସ ମାମଲାରେ ଚଳଚ୍ଚିତ୍ର ଅଭିନେତା ଶାହରୁଖ ଖାନଙ୍କ ପୁଅ ଆର୍ୟନ୍ ଖାନ ଜେଲରେ ଅଛନ୍ତି । ଏହା ପରେ ଆର୍ୟନ୍ ଜାମିନ ଆବେଦନ ଉପରେ ଶୀଘ୍ର ଶୁଣାଣି ପାଇଁ ବମ୍ବେ ହାଇକୋର୍ଟଙ୍କ ନିକଟରେ ପହଞ୍ଚିଛନ୍ତି ।

ଉଲ୍ଲେଖଯୋଗ୍ୟ, ଅକ୍ଟୋବର 20 ରେ ନାର୍କୋଟିକ୍ସ ଡ୍ରଗ୍ସ ଏବଂ ସାଇକୋଟ୍ରୋପିକ୍ ପଦାର୍ଥ ଅଧିନିୟମ ଅନୁଯାୟୀ ଆର୍ୟନ୍ ଖାନଙ୍କ ଜାମିନ ଆବେଦନକୁ କୋର୍ଟ ଅଗ୍ରାହ୍ୟ କରି ଅକ୍ଟୋବର 30 ପର୍ଯ୍ୟନ୍ତ ତାଙ୍କ ନ୍ୟାୟିକ ଅବଧିକୁ ବଢାଇ ଦେଇଛନ୍ତି ।

ଆର୍ୟନ୍ ଖାନଙ୍କ ଓକିଲ ସତୀଶ ମାନସିନ୍ଦେ କହିଛନ୍ତି ଯେ ଆମେ କୋର୍ଟଙ୍କୁ କହିଛୁ ଯେ ଭିଡିଓ କନଫରେନ୍ସିଂ ମାଧ୍ୟମରେ ଏହି ମାମଲାର ଶୁଣାଣି ହେବା ଉଚିତ କିନ୍ତୁ ବିଚାରପତି ଏହାକୁ ମନା କରି ଦେଇଛନ୍ତି । ଅରବାଜ ମର୍ଚାଣ୍ଟଙ୍କ ଓକିଲ କହିଛନ୍ତି ଯେ NDPS ଆମର ଆବେଦନକୁ ପ୍ରତ୍ୟାଖ୍ୟାନ କରିଛି, ଆମେ ବମ୍ବେ ହାଇକୋର୍ଟ ଯିବୁ ।

ରିପୋର୍ଟ ଅନୁଯାୟୀ, ଆର୍ୟନ୍ ଖାନଙ୍କ ଜାମିନ ଆବେଦନ କ୍ରମିକ ନମ୍ବର 57 ରେ ତାଲିକାଭୁକ୍ତ ହୋଇଥିବାବେଳେ ଅରବାଜ ମର୍ଚାଣ୍ଟଙ୍କ ମାମଲା କ୍ରମିକ ନମ୍ବର 64 ରେ ତାଲିକାଭୁକ୍ତ ହୋଇଛି । ଏହି ମାମଲାରେ ଉଭୟଙ୍କ ଜାମିନକୁ ଏନସିବି ବିରୋଧ କରିବ । ସୂଚନାଯୋଗ୍ୟ ଯେ ଆର୍ୟନ୍ ଖାନ୍ ତିନି ସପ୍ତାହରୁ ଅଧିକ ସମୟ ଜେଲରେ ଅଛନ୍ତି । ଅକ୍ଟୋବର 21 ରେ, ଶାହାରୁଖ ଖାନ ତାଙ୍କ ପୁଅ ଆର୍ୟନ୍ ଙ୍କୁ ଭେଟିବା ପାଇଁ ମୁମ୍ବାଇର ଆର୍ଥର ରୋଡ ଜେଲରେ ପହଞ୍ଚିଥିଲେ ।

2 ଅକ୍ଟୋବରରେ ଆର୍ୟନ୍ ଖାନଙ୍କୁ ଏନସିବି ଦଳ ଗିରଫ କରିଥିଲା । ଅକ୍ଟୋବର 2 ରେ, ଏନସିବି ଜୋନାଲ ନିର୍ଦ୍ଦେଶକ ସମୀର ୱାନଖେଡେଙ୍କ ନେତୃତ୍ୱରେ ଏନସିବି ଦଳ କ୍ରୁଜ ଜାହାଜ ଉପରେ ଚଢାଉ କରିଥିଲା ଯେଉଁଠାରେ ଏକ ଡ୍ରଗ୍ସ ପାର୍ଟି ଚାଲିଥିବାର ଅଭିଯୋଗ ହୋଇଥିଲା ।

ଏନସିବି ଅଧିକାରୀମାନେ ଏପର୍ଯ୍ୟନ୍ତ ଏହି ମାମଲାରେ ମୋଟ 20 ଜଣଙ୍କୁ ଗିରଫ କରିଛନ୍ତି । ଏନସିବି ଟିମ୍ ଏହି ଘଟଣାର ଅନୁସନ୍ଧାନ କରୁଛି ଏବଂ ଏ ସମ୍ପର୍କରେ ଅନେକ ଲୋକଙ୍କୁ ପଚରାଉଚରା କରୁଛି । ନିକଟରେ ଅଭିନେତ୍ରୀ ଅନନ୍ୟା ପାଣ୍ଡେଙ୍କୁ ମଧ୍ୟ ପଚାରାଉଚୁରା କରାଯାଇଥିଲା । ଗତ ସପ୍ତାହରେ ତାଙ୍କୁ ଦୁଇଥର ଏନସିବି କାର୍ଯ୍ୟାଳୟକୁ ଡକାଯାଇଥିଲା । ଆର୍ୟନ୍ ଖାନଙ୍କ ଫୋନର ହ୍ୱାଟସ୍ ଆପ୍ ଚାଟ୍ ଆଧାରରେ ତାଙ୍କୁ ପଚରାଉଚରା ପାଇଁ ଡକାଯାଇଥିଲା ।

Published On October 26, 2021