ସେନା ହେଲିକପ୍ଟର ଚିତା ଦୁର୍ଘଟଣା, ଦୁଇ ପାଇଲଟ୍ ସହିଦ୍

ଭାରତୀୟ ସେନାର 'ଚିତା ହେଲିକପ୍ଟର'ଦୁର୍ଘଟଣାରେ ଦୁଇ ପାଇଲଟ୍ ସହିଦ ହୋଇଛନ୍ତି । ଅରୁଣାଚଳ ପ୍ରଦେଶର ମଣ୍ଡଲା ପାହାଡ ଅଞ୍ଚଳରେ ଦୁର୍ଘଟଣା ଘଟିଥିଲା ।

Published: Thursday, March 16, 2023, 19:45 [IST]

ଅରୁଣାଚଳ ପ୍ରଦେଶ: ଭାରତୀୟ ସେନାର 'ଚିତା ହେଲିକପ୍ଟର'ଦୁର୍ଘଟଣାରେ ଦୁଇ ପାଇଲଟ୍ ସହିଦ ହୋଇଛନ୍ତି । ଅରୁଣାଚଳ ପ୍ରଦେଶର ମଣ୍ଡଲା ପାହାଡ ଅଞ୍ଚଳରେ ଦୁର୍ଘଟଣା ଘଟିଥିଲା । ପ୍ରଥମେ ଦୁଇ ପାଇଲଟ ନିଖୋଜ ଥିଲେ । ପାଇଲଟମାନଙ୍କୁ ଖୋଜିବା ପାଇଁ ସର୍ଚ୍ଚ ଅପରେସନ୍ କରାଯାଇଥିଲା ।

ସୂଚନା ଅନୁସାରେ, ଆଜି ପ୍ରାୟ ସକାଳ 9.15 ବେଳେ ଏହି ଦୁର୍ଘଟଣା ଘଟିଛି । ଏୟାର ଟ୍ରାଫିକ୍ କଣ୍ଟ୍ରୋଲ ସହିତ ଏହାର ଯୋଗଯୋଗ ବିଚ୍ଛିନ୍ନ ହୋଇଥିଲା । ରିପୋର୍ଟ ଅନୁଯାୟୀ, ଏହି ହେଲିକପ୍ଟରରେ ଲେଫ୍ଟନାଣ୍ଟ କର୍ଣ୍ଣେଲ ଏବଂ ମେଜର ଥିଲେ । ଏହି ଚିତା ହେଲିକପ୍ଟର ସେଙ୍ଗିରୁ ମିସାମାରି ଅଭିମୁଖେ ଯାଉଥିଲା ବେଳେ ଏହା ଦୁର୍ଘଟଣାଗ୍ରସ୍ତ ହୋଇଥିଲା ।

ଲେଫ୍ଟନାଣ୍ଟ କର୍ଣ୍ଣେଲ ମହେନ୍ଦ୍ର ରାୱତ କହିଛନ୍ତି ଯେ ଆର୍ମି ଆଭିଏସନ ଚିତା ହେଲିକପ୍ଟର ବୋମ୍ଡିଲା ନିକଟରେ ଉଡ଼ୁଥିବା ବେଳେ ସକାଳ 9.15 ରେ ଏଟିସି ସହ ସମ୍ପର୍କ ବିଛିନ୍ନ ହୋଇଯାଇଥିଲା । ହେଲିକପ୍ଟରଟି ମଣ୍ଡଳ ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ବଙ୍ଗଳାଜାପ ଗ୍ରାମ ନିକଟରେ ହେଲିକପ୍ଟରର ଭଗ୍ନାବଶେଷ ଉଦ୍ଧାର କରାଯାଇଛି । ଏହି ଦୁର୍ଘଟଣାରେ ପାଇଲଟ ଏବଂ କୋ-ପାଇଲଟଙ୍କର ମୃତ୍ୟୁ ହୋଇଛି । ସେନା ଇଷ୍ଟର୍ଣ୍ଣ କମାଣ୍ଡ, କୋଲକାତା ପକ୍ଷରୁ ଏକ ବିବୃତ୍ତି ଜାରି କରି ଏହି ସୂଚନା ଦିଆଯାଇଛି ।

ଅପରାହ୍ନ 12.30 ରେ ହେଲିକପ୍ଟରର ଭଗ୍ନାବଶେଷ ଉଦ୍ଧାର କରାଯାଇଥିଲା । ସ୍ପେଶାଲ୍ ଇନଭେଷ୍ଟିଗେସନ୍ ସେଲ୍, ପୋଲିସ ଅଧୀକ୍ଷକ ରୋହିତ ରାଜବୀର ସିଂହ କହିଛନ୍ତି ଯେ ଯେଉଁଠାରେ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି ସେଠାରେ କୌଣସି ମୋବାଇଲ୍ ସଂଯୋଗ ନାହିଁ, ପାଣିପାଗ ମଧ୍ୟ ବହୁତ ଖରାପ, କୁହୁଡି ଯୋଗୁଁ ଭିଜିବିଲିଟି ମାତ୍ର 5 ମିଟର ଥିଲା ।

Published On March 16, 2023