ମହାରାଷ୍ଟ୍ରରେ 25000 କୋଟି ଟଙ୍କା ଠକେଇ ଅଭିଯୋଗ କରିଛନ୍ତି ଆନ୍ନା ହଜାରେ, ଅମିତ ଶାହାଙ୍କୁ ଲେଖିଲେ ଚିଠି
ସମାଜସେବୀ ଆନ୍ନା ହଜାରେ ଅଭିଯୋଗ କରିଛନ୍ତି ଯେ ମହାରାଷ୍ଟ୍ର କୋଅପରେଟିଭ ସୁଗାର ମିଲର 25 ହଜାର କୋଟି ଟଙ୍କା ଦୁର୍ନୀତି ହୋଇଛି । ଏହି ପରିପ୍ରେକ୍ଷୀରେ ଆନ୍ନା ହଜାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଏକ ଚିଠି ଲେଖିଛନ୍ତି ।
ପୁଣେ : ସମାଜସେବୀ ଆନ୍ନା ହଜାରେ ଅଭିଯୋଗ କରିଛନ୍ତି ଯେ ମହାରାଷ୍ଟ୍ର କୋଅପରେଟିଭ ସୁଗାର ମିଲର 25 ହଜାର କୋଟି ଟଙ୍କା ଦୁର୍ନୀତି ହୋଇଛି । ଏହି ପରିପ୍ରେକ୍ଷୀରେ ଆନ୍ନା ହଜାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଏକ ଚିଠି ଲେଖିଛନ୍ତି ଏବଂ ସୁପ୍ରିମକୋର୍ଟର ଜଣେ ଅବସରପ୍ରାପ୍ତ ବିଚାରପତିଙ୍କ ଏହି ଘଟଣାର ତଦନ୍ତ ଦାବି କରିଛନ୍ତି । ଆନ୍ନା ହାଜାରେ ଅମିତ ଶାହାଙ୍କୁ ଲେଖିଥିବା ଏକ ପତ୍ରରେ କହିଛନ୍ତି ଯେ ରାଜନେତାଙ୍କ ସହ ମିଶି ଚିନି ମିଲ ବିକ୍ରିକୁ ନେଇ ଆମେ ବିରୋଧ କରିଆସୁଛୁ, 2009 ମସିହାରୁ ଏହି ଚିନି ମିଲଗୁଡିକୁ ଶସ୍ତା ଦରରେ ବିକ୍ରି ହେଉଛି ।
ଆନ୍ନା କହିଛନ୍ତି ଯେ 2017 ରେ ଆମେ ମଧ୍ୟ ମୁମ୍ବାଇରେ ଏ ସମ୍ପର୍କରେ ଅଭିଯୋଗ ଆଣିଥିଲୁ, ଯାହା ପରେ ଘଟଣାର ତଦନ୍ତ ପାଇଁ ଜଣେ ଡିଜି ପଦସ୍ଥ ଅଧିକାରୀ ନିଯୁକ୍ତ ହୋଇଥିଲେ । ମାତ୍ର ଦୁଇ ବର୍ଷର ଅନୁସନ୍ଧାନ ପରେ ଅନୁସନ୍ଧାନର ରିପୋର୍ଟ ଆସିଥିଲା, ଏବଂ ଆଖୁ ମିଲ୍ ବିକ୍ରିରେ କୌଣସି ଭୁଲ୍ ହୋଇ ନାହିଁ ବୋଲି ରିପୋର୍ଟରେ କୁହାଯାଇଛି । ଆନ୍ନା ହଜାରେ କହିଛନ୍ତି ଯେ ଯଦି ମହାରାଷ୍ଟ୍ର ସରକାର ଏହି 25 ହଜାର କୋଟି ଟଙ୍କା ସ୍କାମ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତି ନାହିଁ, ତେବେ କିଏ କରିବ ।
ସମାଜସେବୀ ଆନ୍ନା ହାଜାରେ କହିଛନ୍ତି ଯେ କୃଷକମାନଙ୍କର ଉନ୍ନତି ତଥା ସମବାୟ କ୍ଷେତ୍ରର ପ୍ରୋତ୍ସାହନ ପାଇଁ କେନ୍ଦ୍ର ସରକାର କୋ-ଅପରେଟିଭ୍ ମନ୍ତ୍ରଣାଳୟ ଗଠନ କରିଛନ୍ତି । ଆମେ ବିଶ୍ୱାସ କରୁ ଯେ ଏକ ଉଚ୍ଚ ସ୍ତରୀୟ କମିଟି ଦ୍ୱାରା ମହାରାଷ୍ଟ୍ରରେ ଚିନି ମିଲର ବିକ୍ରି ଉପରେ ତଦନ୍ତ କରିବା କେନ୍ଦ୍ର ସରକାରଙ୍କ ପାଇଁ ଏକ ଉତ୍ତମ ଉଦାହରଣ ହେବ । ଆନ୍ନା ହାଜାରେ କିନ୍ତୁ ତାଙ୍କ ଚିଠିରେ ସମବାୟ ଚିନି ମିଲର ନାମ ଉଲ୍ଲେଖ କରିନାହାଁନ୍ତି ।
Click it and Unblock the Notifications
Sign in with Google