ପୁଣି ବଢିଲା ଅମୁଲ କ୍ଷୀର ମୂଲ୍ୟ, ଲିଟର ପିଛା ବଢିଲା 3 ଟଙ୍କା
ପୁଣି ବଢିଲା କ୍ଷୀର ଦାମ । ଅମୁଲ କ୍ଷୀରର ମୂଲ୍ୟ ଲିଟର ପିଛା 3 ଟଙ୍କା ବୃଦ୍ଧି କରିଛି । ଅମୁଲ ପକ୍ଷରୁ ଏକ ବୟାନ ଜାରି କରି କହିଛନ୍ତି ଯେ 3 ଫେବୃଆରୀ 2023 ଠାରୁ କ୍ଷୀରର ମୂଲ୍ୟ ଲିଟର ପିଛା 3 ଟଙ୍କା ବୃଦ୍ଧି କରାଯାଇଛି ।
ଗାନ୍ଧୀନଗର: ପୁଣି ବଢିଲା କ୍ଷୀର ଦାମ । ଅମୁଲ କ୍ଷୀରର ମୂଲ୍ୟ ଲିଟର ପିଛା 3 ଟଙ୍କା ବୃଦ୍ଧି କରିଛି । ଅମୁଲ ପକ୍ଷରୁ ଏକ ବୟାନ ଜାରି କରି କହିଛନ୍ତି ଯେ 3 ଫେବୃଆରୀ 2023 ଠାରୁ କ୍ଷୀରର ମୂଲ୍ୟ ଲିଟର ପିଛା 3 ଟଙ୍କା ବୃଦ୍ଧି କରାଯାଇଛି । ଅମୁଲ ବ୍ରାଣ୍ଡ ପାଇଁ ପ୍ରସିଦ୍ଧ ଗୁଜୁରାଟ କୋଅପରେଟିଭ୍ ମିଲ୍କ ମାର୍କେଟିଂ ଫେଡେରେସନ୍ ଲିମିଟେଡ୍ (ଜିସିଏମ୍ଏମ୍ଏଫ୍) ସମସ୍ତ ପ୍ରକାରରେ କ୍ଷୀରର ମୂଲ୍ୟ ଲିଟର ପିଛା 3 ଟଙ୍କା ବୃଦ୍ଧି କରିଛି । କ୍ଷୀରର ମୂଲ୍ୟ ଲିଟର ପିଛା 3 ଟଙ୍କା ବୃଦ୍ଧି ସମ୍ପର୍କରେ ଫେଡେରେସନ୍ ଏକ ବିଜ୍ଞପ୍ତି ଜାରି କରିଛି ।
ଗୁଜୁରାଟ କୋଅପରେଟିଭ୍ ମିଲ୍କ ମାର୍କେଟିଂ ଫେଡେରେସନ୍ ଲିମିଟେଡ୍ ଏକ ବିଜ୍ଞପ୍ତିରେ କହିଛି ଯେ ଆମେ ଆପଣଙ୍କୁ ଜଣାଇବାକୁ ଚାହୁଁଛୁ ଯେ ଅମୁଲ୍ ପାଉଚ୍ କ୍ଷୀରର ମୂଲ୍ୟ (ସମସ୍ତ ପ୍ରକାର) ସଂଶୋଧିତ ହୋଇଛି । 2 ଫେବୃଆରୀ 2023 ରାତିରୁ ଲିଟର ପିଛା 3 ଟଙ୍କା ବୃଦ୍ଧି କରାଯାଇଛି ।
ଅମୁଲର କହିବାନୁସାରେ, ବର୍ତ୍ତମାନ ଏକ ଲିଟର କ୍ଷୀର 54 ଟଙ୍କାରେ ଉପଲବ୍ଧ ହେବ । ଏଥିସହିତ ଅଧା ଲିଟର କ୍ଷୀର 27 ଟଙ୍କାରେ ବିକ୍ରି ହେବ । ଅମୁଲ୍ ଗୋଲ୍ଡର ଅଧା ଲିଟର ପ୍ୟାକେଟ୍ ଅର୍ଥାତ୍ ଫୁଲ୍ କ୍ରିମ୍ କ୍ଷୀରକୁ 33 ଟଙ୍କା ଏବଂ 1 ଲିଟର ପ୍ୟାକେଟ୍ 66 ଟଙ୍କାରେ ମିଳିବ । ଏକ ଲିଟର ଅମୁଲ ଗାଈ କ୍ଷୀର ବର୍ତ୍ତମାନ 56 ଟଙ୍କା ହୋଇଛି । ଅମୁଲ ଗାଈ କ୍ଷୀରର ଏକ ଅଧା ଲିଟର ପ୍ୟାକେଟ୍ 28 ଟଙ୍କାରେ ବିକ୍ରି ହେବ ।
Click it and Unblock the Notifications
Sign in with Google