ଉତ୍ତରାଖଣ୍ଡରେ ଲୁଚିଛି ପଳାତକ ଅମୃତପାଲ ସିଂହ ! ହାଇ ଆଲର୍ଟ ଜାରି କଲା ପୋଲିସ୍

Published: Friday, March 24, 2023, 12:43 [IST]

ଦେହରାଦୁନ୍ : ଖଲିସ୍ତାନ ସମର୍ଥକ ତଥା ୱାରିସ୍ ପଞ୍ଜାବ ଦେ ସଙ୍ଗଠନର ନେତା ଅମୃତପାଲ ସିଂହକୁ ନେଇ ଉତ୍ତରାଖଣ୍ଡରେ ହାଇ ଆଲର୍ଟ ଜାରି କରାଯାଇଛି । ହରିୟାଣା ଏବଂ ପଞ୍ଜାବ ପୋଲିସର ଇନପୁଟକୁ ଆଧାର କରି ଉତ୍ତରାଖଣ୍ଡ ସୀମା ସହିତ ଦେହରାଡୁନ୍, ହରିଦ୍ୱାର ଏବଂ ୟୁଏସସନଗର ରେ ସ୍ୱତନ୍ତ୍ର ଯାଞ୍ଚ କରିବାକୁ ନିର୍ଦ୍ଦେଶ ଦିଆଯାଇଛି ।

ମିଳିଥିବା ସୂଚନା ଅନୁଯାୟୀ, ଅମୃତପାଲ ପଞ୍ଜାବରୁ ଫେରାର ହେବା ପରେ ଶାହାବାଦର ନୂଆ ସିଦ୍ଧାର୍ଥ କଲୋନୀରେ ଥିବା ଜଣେ ମହିଳା ସମର୍ଥକଙ୍କ ଘରେ ଲୁଚିଥିଲା । ପରଦିନ ସକାଳେ ସେଠାରୁ ଅନ୍ୟ କେଉଁ ଆଡ଼େ ଫରାର୍ ହୋଇଯାଇଥିଲା ।

ଏହି ସୂଚନା ପାଇବା ପରେ ପୋଲିସ ମହିଳା ବଲଜିତ କୌରଙ୍କୁ ଗିରଫ କରିଥିଲା । ପଚରାଉଚରା ବେଳେ ମହିଳା ସ୍ୱୀକାର କରିଛନ୍ତି ଯେ ଅମୃତପାଲ ଏଠାରୁ ଉତ୍ତରାଖଣ୍ଡ ଯାଇଛି । ଏହାକୁ ଭିତ୍ତି କରି ଅମୃତପାଲ ଉତ୍ତରାଖଣ୍ଡରେ ରହିଥିବା ନେଇ ପୋଲିସ୍ ସନ୍ଦେହ କରୁଛି । ଏହା ପରେ ଉତ୍ତରାଖଣ୍ଡ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ସତର୍କ ସୂଚନା ଜାରି କରିଛି ।

ଏହା ପରେ ବିକାଶ ନଗର ଅଞ୍ଚଳ ସମେତ ଅନେକ ସୀମାରେ ବିଳମ୍ବିତ ରାତିରୁ ପୋଲିସ ଯାଞ୍ଚ କଡ଼ାକଡ଼ି କରିଛି । ଏ ନେଇ ସୂଚନା ଦେବାବେଳେ ଉତ୍ତରଖଣ୍ଡ ଡିଜିପି ଅଶୋକ କୁମାର କହିଛନ୍ତି ଯେ ଅମୃତପାଲ ରାଜ୍ୟ ସୀମାକୁ ଆସିବାର ସମ୍ଭାବନାକୁ ଦୃଷ୍ଟିରେ ରଖି ଦେହରାଡୁନ୍, ହରିଦ୍ୱାର ଏବଂ ୟୁଏସନଗର ଜିଲ୍ଲାରେ ସତର୍କ ସୂଚନା ଜାରି କରାଯାଇଛି ।

Published On March 24, 2023