'ବିଳମ୍ବିତ ରାତିରେ ହଠାତ୍ ଗୁରୁଦ୍ୱାରରେ ପହଞ୍ଚିଲା ଅମୃତପାଲ...', ଗିରଫ ବିଷୟରେ କ'ଣ କହୁଛନ୍ତି ଗୁରୁଦ୍ୱାର ଗ୍ରନ୍ଥୀ ?

ଖାଲିସ୍ତାନ ସମର୍ଥକ ତଥା 'ୱାରିସ ପଞ୍ଜାବ ଦେ' ମୁଖ୍ୟ ଅମୃତପାଲ ସିଂହକୁ 23 ଅପ୍ରେଲ ସକାଳ 6: 45 ରେ ପଞ୍ଜାବର ମୋଗା ପୋଲିସ ଗିରଫ କରିଛି । ଗିରଫ ହେବାର କିଛି ଘଣ୍ଟା ପୂର୍ବରୁ ଅମୃତପାଲ ପଞ୍ଜାବର ମୋଗାର ରୋଡେୱାଲ ଗୁରୁଦ୍ୱାରରେ ଶିଖ ଭକ୍ତମାନଙ୍କୁ ସମ୍ବୋଧିତ କରିଥିଲା । ବର୍ତ୍ତମାନ ଗୁରୁଦ୍ୱାରର ଗ୍ରନ୍ଥୀ ଅମୃତପାଲ ସିଂହ ଗିରଫ ଘଟଣାର ପୁରା ଘଟଣାକ୍ରମ କହିଛନ୍ତି ।

ମୋଗାର ରୋଡେୱାଲ ଗୁରୁଦ୍ୱାରର ଗ୍ରନ୍ଥୀ ସିଂହ ସାହିବ ଜ୍ଞାନୀ ଜସବୀର ସିଂହ କହିଛନ୍ତି, "ଅମୃତପାଲ ସିଂ ଶନିବାର ରାତିରେ ହଠାତ୍ ରୋଡେୱାଲ ଗୁରୁଦ୍ୱାରକୁ ଆସିଥିଲା । ସେ ନିଜେ ଫୋନରେ ତାର ଉପସ୍ଥିତି ବିଷୟରେ ପୋଲିସକୁ ସୂଚନା ଦେଇ କହିଲା ଯେ ସେ ଆଜି ସକାଳ 7 ଟାରେ ଆତ୍ମସମର୍ପଣ କରିବ ।"

ଜ୍ଞାନୀ ଜସବୀର ସିଂହ କହିଛନ୍ତି, "ଯେତେବେଳେ ମୁଁ ତାର ଆସିବା ବିଷୟରେ ଜାଣିଲି, ମୁଁ ତା ସହ କଥା ହେଲି । ସେ (ଅମୃତପାଲ ସିଂହ) ନିଜେ କହିଥିଲା ଯେ "ଗୁରୁଦ୍ୱାର ସାହେବରେ ପ୍ରାର୍ଥନା କରିବା ପରେ ମୁଁ ଆତ୍ମସମର୍ପଣ କରିବି । ମୁଁ ନିଜେ ପୋଲିସକୁ କହିବି ଯେ ମୁଁ ନିଜ ଇଚ୍ଛାରେ ଏଠାକୁ ଆସିଛି ଏବଂ ମୋର ନିଜ ଇଚ୍ଛାରେ ଆତ୍ମସମର୍ପଣ କରୁଛି । ସେ ପ୍ରଥମେ ସ୍ନାନ କଲେ ଏବଂ ପରେ ଗୁରୁଦ୍ୱାର ସାହିବକୁ ଯାଇ ସମସ୍ତ ପାଠ କଲେ । ତା'ପରେ ସେ ଲୋକଙ୍କୁ ସମ୍ବୋଧିତ କରି କହିଥିଲେ ଯେ ମୁଁ ଆତ୍ମସମର୍ପଣ କରିବାକୁ ଏଠାକୁ ଆସିଛି । ଉପଦେଶ ଦେବା ପରେ ଅମୃତପାଲ ଗୁରୁଦ୍ୱାରରୁ ବାହାରକୁ ଗଲା ଓ ପୋଲିସ୍ ତାକୁ ଗିରଫ କଲା ।

#WATCH | Punjab: Singh Sahib Giani Jasbir Singh Rode, at Rodewal Gurdawara in Moga, narrates the sequence leading upto to the arrest of Waris Punjab De's #AmritpalSingh pic.twitter.com/x9eiUlIhvN

— ANI (@ANI) April 23, 2023

ପଞ୍ଜାବ ପୋଲିସ ଅମୃତପାଲ ସିଂହଙ୍କୁ ଆସାମର ଡିବ୍ରୁଗଡ ଜେଲକୁ ପଠାଇଛି । 18 ମାର୍ଚ୍ଚ 2023 ରୁ ଅମୃତପାଲ ଫେରାର ଥିଲା । ଅମୃତପାଲର ଘନିଷ୍ଠ ସହଯୋଗୀ ପପଲପ୍ରୀତ ସିଂହକୁ ମଧ୍ୟ ଗିରଫ କରାଯାଇ ଅପ୍ରେଲ 11 ରେ ଆସାମର ଦିବ୍ରୁଗଡ କେନ୍ଦ୍ରୀୟ ଜେଲକୁ ପଠାଯାଇଥିଲା ।

ଗିରଫ ପରେ ପଞ୍ଜାବ ପୋଲିସର ଆଇଜିପି ସୁଖଚୈନ ସିଂହ ଗିଲ ଚଣ୍ଡିଗଡ଼ରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବାବେଳେ କହିଛନ୍ତି ଯେ ଆମ ପାଖରେ ଅମୃତପାଲ ସିଂହ ରୋଡ ଗ୍ରାମ ଗୁରୁଦ୍ୱାରରେ ଉପସ୍ଥିତ ଅଛି । ଗୁରୁଦ୍ୱାର ସାହେବଙ୍କ ସମ୍ମାନ ରକ୍ଷା କରି ଆମେ ଅମୃତପାଲଙ୍କୁ ଗିରଫ କରିଛୁ । ଆମେ ଗୁରୁଦ୍ୱାର ଭିତରକୁ ଗଲୁ ନାହିଁ । ତାକୁ ଗିରଫ କରିବା ପରେ ଆସାମର ଡିବ୍ରୁଗଡ ସେଣ୍ଟ୍ରାଲ ଜେଲକୁ ପଠାଯାଇଛି ।

ଆଇଜିପି ସୁଖଚେନ କହିଛନ୍ତି, ''ଅମୃତପାଲ ସିଂଙ୍କ ବିରୋଧରେ ଏନଏସଏ ୱାରେଣ୍ଟ ଜାରି କରାଯାଇଥିଲା, ଯାହା ପରେ ତାଙ୍କୁ ଏନଏସଏ ଅଧୀନରେ ଗିରଫ କରାଯାଇଛି । ଏହି ସମଗ୍ର ଅପରେସନ୍ ସମୟରେ ପଞ୍ଜାବର ଲୋକମାନେ ଶାନ୍ତି ଏବଂ ଆଇନ ଶୃଙ୍ଖଳା ବଜାୟ ରଖିଥିଲେ, ଯେଉଁଥିପାଇଁ ଆମେ ସେମାନଙ୍କୁ ଧନ୍ୟବାଦ ଦେଉଛୁ । ଆମେ ଅପରେସନ୍ ଚଳାଇ ସକାଳ 6.45 ରେ ଅମୃତପାଲକୁ ଗିରଫ କରିଥିଲୁ ।''

English summary

Amritpal Singh arrest : He Reached Moga Rodewal Gurudwara And Inform to Police About His Presence