ପ୍ରତିବନ୍ଧ ସତ୍ତ୍ୱେ ହାଇଦ୍ରାବାଦ୍ ବିଶ୍ୱବିଦ୍ୟାଳୟରେ ପ୍ରଦର୍ଶନ ହେଲା ବିବିସି ଡକ୍ୟୁମେଣ୍ଟାରୀ

ପ୍ରତିବନ୍ଧକ ସତ୍ତ୍ୱେ ହାଇଦ୍ରାବାଦ ବିଶ୍ୱବିଦ୍ୟାଳୟରେ ପ୍ରଦର୍ଶିତ ହେଲା ବିବିସି ଡକ୍ୟୁମେଣ୍ଟାରୀ । ଏ ନେଇ ଅଖୀଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି ।

Updated: Tuesday, January 24, 2023, 11:13 [IST]

ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ନିର୍ମିତ ବିବିସି ଡକ୍ୟୁମେଣ୍ଟାରୀ ଉପରେ ଭାରତ ସରକାର ବଡ କାର୍ଯ୍ୟାନୁଷ୍ଠାନ ନେଇଛନ୍ତି । ସରକାର ଏହି ଡକ୍ୟୁମେଣ୍ଟାରୀର ଟ୍ୱିଟର ଏବଂ ୟୁଟ୍ୟୁବ୍ ଲିଙ୍କ୍ କୁ ବ୍ଲକ୍ କରିଛନ୍ତି । ଏପରିକି ଭିଡିଓ ଏବଂ ଲିଙ୍କଗୁଡିକୁ ଟ୍ୱିଟର ଏବଂ ୟୁଟ୍ୟୁବରୁ ହଟାଇଦେଇଛନ୍ତି ।

ଏହା ସତ୍ତ୍ୱେ ହାଇଦ୍ରାବାଦ ବିଶ୍ୱବିଦ୍ୟାଳୟର ଛାତ୍ରମାନଙ୍କୁ ଏହି ଡକ୍ୟୁମେଣ୍ଟାରୀ ପ୍ରଦର୍ଶନ କରାଯାଇଥିଲା । ବିଶ୍ୱବିଦ୍ୟାଳୟ ଛାତ୍ରମାନଙ୍କୁ ଡକ୍ୟୁମେଣ୍ଟାରୀ ଦେଖାଯାଉଥିବା ନେଇ ଅଖୀଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି । ଅଭିଯୋଗ ପାଇବା ପରେ ଅଧିକାରୀମାନେ ତଦନ୍ତ ଆରମ୍ଭ କରିଛନ୍ତି ।

ଆପଣଙ୍କୁ କହି ରଖୁଛୁ, ବିବିସି 'ଭାରତ: ମୋଦୀ କ୍ୱଶ୍ଚିନ୍' ଶୀର୍ଷକ ଦୁଇଟି ଭାଗରେ ଏକ ଡକ୍ୟୁମେଣ୍ଟାରୀ ସିରିଜ୍ ପ୍ରସ୍ତୁତ କରିଛି । 2002 ଗୁଜୁରାଟ 2002 ଦଙ୍ଗା ଉପରେ ଏହି ସିରିଜ୍ ଆଧାରିତ । ଏହା ପରେ ଜାନୁଆରୀ 21 ତାରିଖରେ ଭାରତ ସରକାର ଏହି ଡକ୍ୟୁମେଣ୍ଟାରୀ ସିରିଜର ଟ୍ୱିଟ୍ ଏବଂ ୟୁଟ୍ୟୁବ୍ ଲିଙ୍କ୍ ଭିଡିଓ ଉପରେ ପ୍ରତିବନ୍ଧକ ଲଗାଇଛନ୍ତି । ଏହା ପରେ ମଧ୍ୟ 23 ଜାନୁଆରୀରେ ହାଇଦ୍ରାବାଦ ବିଶ୍ୱବିଦ୍ୟାଳୟରେ ଏହି ଡକ୍ୟୁମେଣ୍ଟାରୀ ସିରିଜ୍ ଆୟୋଜିତ ହୋଇଥିଲା । ରାଷ୍ଟ୍ରୀୟ ସ୍ୱଂୟ ସେବକ ସଂଗଠନର ଛାତ୍ର ଶାଖା ଅଖୀଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି ।

ଏବିଭିପି କାର୍ଯ୍ୟକର୍ତ୍ତାମାନେ ଅଧିକାରୀମାନଙ୍କୁ ନିଜ ଅଭିଯୋଗରେ କହିଛନ୍ତି ଯେ, ବିଶ୍ୱବିଦ୍ୟାଳୟ କ୍ୟାମ୍ପସରେ ଛାତ୍ରମାନେ ବିବିସି ଡକ୍ୟୁମେଣ୍ଟାରୀ ଦେଖିଛନ୍ତି । ଲିଖିତ ଅଭିଯୋଗ ପାଇବା ପରେ ପୋଲିସ ତଦନ୍ତ ଆରମ୍ଭ କରିଛି । ଏ ପ୍ରସଙ୍ଗରେ ବିଶ୍ୱବିଦ୍ୟାଳୟ ପ୍ରଶାସନ ଗଣମାଧ୍ୟମ ସହ ଆଲୋଚନା କରି କହିଛନ୍ତି ଯେ, ସେମାନେ ଗ୍ରହଣ କରିଥିବା ଅଭିଯୋଗ ଆଧାରରେ ଏକ ରିପୋର୍ଟକୁ ଅପେକ୍ଷା କରିଛନ୍ତି । ସୁରକ୍ଷା ବିଭାଗର ରିପୋର୍ଟକୁ ଅପେକ୍ଷା କରାଯାଇଛି ଏବଂ ସେହି ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଶ୍ୱବିଦ୍ୟାଳୟ ପ୍ରଶାସନ କହିଛି । ଅନ୍ୟପକ୍ଷରେ ଛାତ୍ର ସଂଗଠନ କିଛି 'ବେଆଇନ କିମ୍ବା ଭୁଲ' କରିଥିବା ନେଇ ମନା କରିଛନ୍ତି । ଏଥିସହ ଗୋଛୀବୌଲୀ ପୋଲିସ କହିଛି ଯେ ଏପର୍ଯ୍ୟନ୍ତ ସ୍କ୍ରିନିଂ ସମ୍ପର୍କରେ କୌଣସି ଅଭିଯୋଗ ଆସିନାହିଁ ।