India
  • search
For Quick Alerts
Turn On Notification  
For Daily Alerts
Oneindia App Download

ଖରାପ ପାଗ ଏବଂ ଭୂସ୍ଖଳନ ହେତୁ ଅମରନାଥ ଯାତ୍ରା ଉପରେ ଅସ୍ଥାୟୀ ରୋକ୍

|

ଶ୍ରୀନଗର : କରୋନା ମହାମାରୀ ଯୋଗୁଁ ତିନି ବର୍ଷ ପରେ ଜୁନ୍ 30 ରୁ ଆରମ୍ଭ ହୋଇଥିବା ଅମରନାଥ ଯାତ୍ରା ଖରାପ ପାଗ ଯୋଗୁଁ ବାଧା ଉପୁଜିଛି । ଖରାପ ପାଗ ଏବଂ ଭୂସ୍ଖଳନ ହେବାର ସମ୍ଭାବନା ଥିବାରୁ ପ୍ରଶାସନ ମଙ୍ଗଳବାର ସକାଳେ ପହଲଗାମ ମାର୍ଗରୁ ଏହି ଯାତ୍ରାକୁ ଅସ୍ଥାୟୀ ଭାବେ ସ୍ଥଗିତ ରଖିଛି । ଏଥି ସହିତ ପାଗ ଭଲ ନ ହେବା ପର୍ଯ୍ୟନ୍ତ ତୀର୍ଥଯାତ୍ରୀମାନଙ୍କୁ କ୍ୟାମ୍ପରେ ରହିବାକୁ କୁହାଯାଇଛି ।

Amarnath Yatra

ଗତ ସପ୍ତାହରୁ ଆରମ୍ଭ ହୋଇଥିବା ବାବା ବାର୍ଫାନୀଙ୍କ ଯାତ୍ରାକୁ ନେଇ ଭକ୍ତଙ୍କ ମଧ୍ୟରେ ବହୁତ ଉତ୍ସାହ ରହିଛି । ଜୁନ୍ 30 ଠାରୁ ଏ ପର୍ଯ୍ୟନ୍ତ 72,000 ରୁ ଅଧିକ ତୀର୍ଥଯାତ୍ରୀ ଅମରନାଥ ଗୁମ୍ଫା ମନ୍ଦିର ପରିଦର୍ଶନ କରିଛନ୍ତି । ଏହି ଯାତ୍ରା ଅଗଷ୍ଟ 11, ରକ୍ଷା ବନ୍ଧନ ପର୍ଯ୍ୟନ୍ତ ଚାଲିବ ।

ଅଧିକାରୀଙ୍କ ଅନୁଯାୟୀ ମଙ୍ଗଳବାର ସକାଳେ ପହଲଗାମର ନୁନ୍ୱାନ୍ ବେସ୍ କ୍ୟାମ୍ପରେ ପ୍ରାୟ 3000 ତୀର୍ଥଯାତ୍ରୀଙ୍କୁ ଅଟକାଯାଇଥିଲା । ଜାମ୍ମୁରୁ ପହଲଗାମ ମାର୍ଗ ଦେଇ ଯାଇଥିବା ପ୍ରାୟ 4,000 ତୀର୍ଥଯାତ୍ରୀଙ୍କ ଆଉ ଏକ ବ୍ୟାଚ୍ ରାମବନ୍ ଜିଲ୍ଲାର ଚନ୍ଦ୍ରକୋଟରେ ଥିବା ଯାତ୍ରୀ ନିବାସରେ ଅଟକା ଯାଇଥିଲା । ଆପଣଙ୍କୁ କହି ରଖୁଛୁ ପହଲଗାମ ଶ୍ରୀନଗର ଠାରୁ ପ୍ରାୟ 90 କିଲୋମିଟର ଦୂର ।

ତେବେ ଜାମ୍ମୁରୁ ବାଲଟାଲ ମାର୍ଗ ଦେଇ ଯାଇଥିବା ପ୍ରାୟ 2,000 ତୀର୍ଥଯାତ୍ରୀଙ୍କୁ ଆଗକୁ ବଢିବାକୁ ଅନୁମତି ଦିଆଯାଇଛି । ଏଠାରେ ପାଣିପାଗ ବିଷୟରେ ସୂଚନା ଦେବାବେଳେ ଅଧିକାରୀମାନେ କହିଛନ୍ତି ଯେ ଗତ ରାତିରୁ କାଶ୍ମୀରରେ ଲଗାତାର ବର୍ଷା ଜାରି ରହିଛି । ଏଭଳି ପରିସ୍ଥିତିରେ ପହଲଗାମ ଏବଂ ବାଲଟାଲ ମାର୍ଗରେ ଭୂସ୍ଖଳନ ହେବାର ଆଶଙ୍କା ରହିଛି । ଏହା ମଧ୍ୟ କହିଛନ୍ତି ଯେ ବର୍ତ୍ତମାନ ଅମରନାଥ ଗୁମ୍ଫା ନିକଟରେ ପାଗ ଠିକ୍ ନୁହେଁ । ଏଭଳି ପରିସ୍ଥିତିରେ ତୀର୍ଥଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଯାତ୍ରାକୁ ସାମୟିକ ଭାବେ ସ୍ଥଗିତ ରଖିବାକୁ ନିଷ୍ପତ୍ତି ନିଆଯାଇଛି । ପାଗ ଠିକ୍ ହେବା ମାତ୍ରେ ଯାତ୍ରା ଆରମ୍ଭ ହେବ ।

ଆମକୁ ଫୋଲୋ କରନ୍ତୁ
Instagram Youtube
English summary
Amarnath Yatra Temporarily Suspended For Bad Weather and LandSlide
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X