କେରଳରେ ବଢୁଛି ନିପାହ ଭାଇରସ ଆଶଙ୍କା, 12 ବର୍ଷର ଶିଶୁର ମୃତ୍ୟୁ ପରେ 11 ଜଣ ଲୋକଙ୍କ ଠାରେ ଲକ୍ଷଣ
ନିପାହ ଭାଇରସ ସଂକ୍ରମଣରେ ଜଣେ 12 ବର୍ଷର ଶିଶୁର ମୃତ୍ୟୁ ହୋଇଛି । ଯାହା ପରେ ଏହି ବାଳକ ସହିତ ସଂସ୍ପର୍ଶରେ ଆସିଥିବା 11 ଜଣ ଲୋକଙ୍କ ଠାରେ ନିପାହ ଭାଇରସର ଲକ୍ଷଣ ଦେଖାଦେଇଛି ।
ନୂଆଦିଲ୍ଲୀ : କରୋନା ମହାମାରୀର ତୃତୀୟ ଲହର ଆସିବା ପୂର୍ବରୁ କେରଳରେ ନିପାହ ଭାଇରସର ଆଶଙ୍କା ବୃଦ୍ଧି ପାଉଛି । ସେପ୍ଟେମ୍ବର 05 ରେ କୋଝିକୋଡରେ ନିପାହ ଭାଇରସ ସଂକ୍ରମଣରେ ଜଣେ 12 ବର୍ଷର ଶିଶୁର ମୃତ୍ୟୁ ହୋଇଛି । ଯାହା ପରେ ଏହି ବାଳକ ସହିତ ସଂସ୍ପର୍ଶରେ ଆସିଥିବା 11 ଜଣ ଲୋକଙ୍କ ଠାରେ ନିପାହ ଭାଇରସର ଲକ୍ଷଣ ଦେଖାଦେଇଛି ।
କେରଳ ସ୍ୱାସ୍ଥ୍ୟମନ୍ତ୍ରୀ ବୀନା ଜର୍ଜ ସୋମବାର (ସେପ୍ଟେମ୍ବର 6) କହିଛନ୍ତି ଯେ ନିପାହ ଭାଇରସରେ ମୃତ୍ୟୁ ହୋଇଥିବା 12 ବର୍ଷର ବାଳକର ସସ୍ପର୍ଶରେ ଆସିଥିବା 11 ଜଣଙ୍କ ଠାରେ ଏହାର ଲକ୍ଷଣ ଦେଖାଦେଇଛି କିନ୍ତୁ ବର୍ତ୍ତମାନ ସମସ୍ତଙ୍କ ଅବସ୍ଥା ସ୍ଥିର ରହିଛି । ଏହି 11 ଜଣଙ୍କ ମଧ୍ୟରୁ 8 ଜଣଙ୍କ ନମୁନା ପରୀକ୍ଷା ପାଇଁ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି ପୁଣେକୁ ପଠାଯାଇଛି ଏବଂ ଅନ୍ୟ ତିନିଜଣଙ୍କ ନମୁନା କୋଜିକୋଡେସ୍ଥିତ ମେଡିକାଲ କଲେଜରେ ପରୀକ୍ଷା କରାଯାଇପାରିବ ।
କେରଳ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି ପୁଣେକୁ ପଠାଯାଇଥିବା 8 ଜଣଙ୍କର ସମସ୍ତ ନମୁନା ନକାରାତ୍ମକ ବୋଲି ଜଣାପଡିଛି । ଆମେ ଅଧିକ ନମୁନା ପରୀକ୍ଷା କରୁଛୁ । ଆମେ କ୍ଷେତ୍ର ତଦାରଖ ଆରମ୍ଭ କରିଛୁ ଏବଂ ଆଜି (ସେପ୍ଟେମ୍ବର 07) ରୁ କଣ୍ଟେଣ୍ଟମେଣ୍ଟ ଜୋନ୍ ଗୁଡିକରେ ଘରକୁ ଘର ତଦାରଖ ଆରମ୍ଭ କରିବୁ । ଏଥିସହ ଡାକ୍ତରଖାନାରେ 38 ଜଣଙ୍କୁ ଆଇସୋଲେସନରେ ରଖାଯାଇଛି ।
ବିପଦରେ 125 ମେଡିକାଲ କର୍ମଚାରୀ
କେରଳ ସ୍ୱାସ୍ଥ୍ୟମନ୍ତ୍ରୀ ଆହୁରି କହିଛନ୍ତି ଯେ ନିପାହ ଭାଇରସର ଲକ୍ଷଣ ଦେଖାଉଥିବା ଲୋକଙ୍କ ତାଲିକା ପ୍ରସ୍ତୁତ କରାଯାଇଛି । ଏହି ତାଲିକାରେ 251 ଜଣ ଅଛନ୍ତି, ସେମାନଙ୍କ ମଧ୍ୟରୁ 125 ଜଣ ମେଡିକାଲ୍ କର୍ମଚାରୀ । ବୀନା ଜର୍ଜ କହିଛନ୍ତି, ଏହି ଲୋକମାନଙ୍କ ମଧ୍ୟରୁ 54 ଜଣ ଅଧିକ ବିପଦ ବର୍ଗରେ ଅଛନ୍ତି । ସେ କହିଛନ୍ତି ଯେ 54 ତାଲିକାରୁ ତିରିଶ ଜଣ ଲୋକ ମେଡିକାଲ କର୍ମଚାରୀ ଅଟନ୍ତି ।
Click it and Unblock the Notifications
Sign in with Google