ଆଦାନୀ ହିଣ୍ଡେନବର୍ଗ ବିବାଦ ଉପରେ ସୁପ୍ରିମକୋର୍ଟରେ କ'ଣ କହିବେ ସରକାର, ଜାଣନ୍ତୁ କଣ କହିଲେ ଅର୍ଥମନ୍ତ୍ରୀ
ଷ୍ଟକ୍ ମାର୍କେଟ ପରିସ୍ଥିତି, ନିବେଶକଙ୍କ କ୍ଷତି ଏବଂ ସୁପ୍ରିମକୋର୍ଟଙ୍କ ମନ୍ତବ୍ୟ ଉପରେ ଏକ ପ୍ରଶ୍ନର ଉତ୍ତରରେ ଅର୍ଥମନ୍ତ୍ରୀ କହିଛନ୍ତି, "ଭାରତୀୟ ନିୟାମକମାନେ ବହୁତ ଅଭିଜ୍ଞ । ସେମାନେ ଏହି ପ୍ରସଙ୍ଗରେ ଅତ୍ୟନ୍ତ ଗମ୍ଭୀର ।"
ନୂଆଦିଲ୍ଲୀ: ଆଦାନୀ ହିଣ୍ଡେନବର୍ଗକୁ ନେଇ ଚାଲିଥିବା ବିବାଦ ବର୍ତ୍ତମାନ ସୁପ୍ରିମ କୋର୍ଟରେ ପହଞ୍ଚିଛି । ସୁପ୍ରିମକୋର୍ଟରେ ଏ ନେଇ ପିଟିସନ ଦାଖଲ କରାଯାଇଛି । ଏହା ଉପରେ ସୁପ୍ରିମ କୋର୍ଟ ଶୁକ୍ରବାର ଦିନ ଶୁଣାଣି କରି ଏ ପରିସ୍ଥିତିରେ କଣ କରାଯାଇପାରିବ, ନିବେଶକଙ୍କ ନିରାପତ୍ତା ନେଇ ପ୍ରଶ୍ନ କରିଛନ୍ତି ।
ଏହା ପରେ ଷ୍ଟକ୍ ମାର୍କେଟ ପରିସ୍ଥିତି, ନିବେଶକଙ୍କ କ୍ଷତି ଏବଂ ସୁପ୍ରିମକୋର୍ଟଙ୍କ ମନ୍ତବ୍ୟ ଉପରେ ଏକ ପ୍ରଶ୍ନର ଉତ୍ତରରେ ଅର୍ଥମନ୍ତ୍ରୀ କହିଛନ୍ତି, "ଭାରତୀୟ ନିୟାମକମାନେ ବହୁତ ଅଭିଜ୍ଞ । ସେମାନେ ଏହି ପ୍ରସଙ୍ଗରେ ଅତ୍ୟନ୍ତ ଗମ୍ଭୀର ।"
ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଷ୍ଟକ ମାର୍କେଟ ନିୟାମକ ପୂର୍ବପରି ଗମ୍ଭୀର ଭାବରେ କାର୍ଯ୍ୟ କରୁଛନ୍ତି । ଆଦାନୀ ମାମଲା ସାମ୍ନାକୁ ଆସିବା ପରେ ହିଁ ଗମ୍ଭୀରତା ଦେଖାଯାଉଛି ତାହା ନୁହେଁ । ସେ କହିଛନ୍ତି ଯେ ନିୟାମକମାନେ ନିରପେକ୍ଷ ଭାବରେ କାର୍ଯ୍ୟ କରୁଛନ୍ତି ତେଣୁ ସରକାର ସେମାନଙ୍କୁ ଏହି ମାମଲାରେ ପକ୍ଷ ରଖିବାକୁ ଛାଡିଛନ୍ତି । ସୁପ୍ରିମକୋର୍ଟଙ୍କ ମନ୍ତବ୍ୟ ସହ ଜଡିତ ଏକ ପ୍ରଶ୍ନ ଉପରେ ସେ କହିଛନ୍ତି ଯେ ନିୟନ୍ତ୍ରକମାନେ ସମ୍ପୂର୍ଣ୍ଣ ତତ୍ପରତା ସହ କାର୍ଯ୍ୟ କରୁଛନ୍ତି ।
ଆଦାନୀ-ହିଣ୍ଡେନବର୍ଗ ମାମଲାରେ ଗଣମାଧ୍ୟମ ବ୍ୟକ୍ତିଙ୍କ ପ୍ରଶ୍ନ ଉପରେ ଆରବିଆଇ ବୋର୍ଡ ବୈଠକ ପରେ ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ, ଭାରତର ନିୟାମକମାନେ ଅତ୍ୟନ୍ତ ଅଭିଜ୍ଞ ଏବଂ ସେମାନେ ନିଜ କ୍ଷେତ୍ରରେ ବିଶେଷଜ୍ଞ । ନିୟାମକମାନେ ଏହି ବିଷୟରେ ଅନେକ ଜ୍ଞାନ ରଖିଛନ୍ତି । ଏହା ନୁହେଁ ଯେ ସେମାନେ ବର୍ତ୍ତମାନ ସକ୍ରିୟତା ଦେଖାଉଛନ୍ତି । ତେଣୁ ମୁଁ ଏହି ପ୍ରସଙ୍ଗରେ କୌଣସି ବିବୃତ୍ତି ଦେବି ବୋଲି ଆଶା ରଖନ୍ତୁ ନାହିଁ ।" ଅର୍ଥମନ୍ତ୍ରୀ କହିଛନ୍ତି ଯେ ବୋଧହୁଏ କୋର୍ଟରେ ସରକାର କ'ଣ କହିବେ ତାହା ଗଣମାଧ୍ୟମକୁ ଜଣାଇବା ନେଇ ଆଶା ରଖନ୍ତୁ ନାହିଁ ।
ନିବେଶକଙ୍କ ସୁରକ୍ଷାକୁ କିପରି ସୁନିଶ୍ଚିତ କରାଯିବ ସେନେଇ ସୁପ୍ରିମକୋର୍ଟ ଅର୍ଥ ମନ୍ତ୍ରଣାଳୟ ଏବଂ ସେବିଙ୍କୁ ଉତ୍ତର ଦେବାକୁ କହିଛନ୍ତି । ସୂଚନାଯୋଗ୍ୟ, ସୁପ୍ରିମକୋର୍ଟ ଆମେରିକାର ଫାର୍ମ ହିଣ୍ଡେନବର୍ଗର ମାମଲାର ଶୁଣାଣି କରୁଛନ୍ତି ଯେଉଁଥିରେ ହିଣ୍ଡେନବର୍ଗ ଆଦାନୀ ଗ୍ରୁପ୍ ବିରୋଧରେ ଷ୍ଟକ୍ ମାନିପୁଲେସନ୍ ଅଭିଯୋଗ ଆଣିଛି । ରିପୋର୍ଟ ଆସିବା ପରେ ଷ୍ଟକ୍ ମାର୍କେଟରେ ଆଦାନୀ ସେୟାରରେ ବହୁତ ହ୍ରାସ ହୋଇଛି ।
Click it and Unblock the Notifications
Sign in with Google