'କଞ୍ଜୱାଲା ଦୁର୍ଘଟଣାରେ ଅଭିଯୁକ୍ତମାନଙ୍କ ମଧ୍ୟରୁ ଜଣେ ହେଉଛି ବିଜେପି ସଦସ୍ୟ' ବୋଲି ଦାବି କଲା AAP
ଦିଲ୍ଲୀର କଞ୍ଜାୱଲା ଦୁର୍ଘଟଣାରେ ଜଣେ ମହିଳାଙ୍କୁ କାରରେ ଟାଣି ନେବା ଫଳରେ ଯୁବତୀ ପ୍ରାଣହରାଇବା ଘଟଣାରେ ଥିବା ଅଭିଯୁକ୍ତ ମଧ୍ୟରୁ ଜଣେ ବିଜେପି ସଦସ୍ୟ ବୋଲି ଅଭିଯୋଗ କରିଛି ଆମ୍ ଆଦମୀ ପାର୍ଟି ।
ନୂଆଦିଲ୍ଲୀ: ଦିଲ୍ଲୀର କଞ୍ଜାୱଲା ଦୁର୍ଘଟଣାରେ ଜଣେ ମହିଳାଙ୍କୁ କାରରେ ଟାଣି ନେବା ଫଳରେ ଯୁବତୀ ପ୍ରାଣହରାଇବା ଘଟଣାରେ ଥିବା ଅଭିଯୁକ୍ତ ମଧ୍ୟରୁ ଜଣେ ବିଜେପି ସଦସ୍ୟ ବୋଲି ଅଭିଯୋଗ କରିଛି ଆମ୍ ଆଦମୀ ପାର୍ଟି । ସୁଲତାନପୁରୀରେ ଘଟିଥିବା ଏହି ଦୁଃଖଦ ଘଟଣା ସମ୍ପର୍କରେ ଗଣମାଧ୍ୟମକୁ ସମ୍ବୋଧିତ କରି AAP ର ମୁଖପାତ୍ର ସୌରଭ ଭରଦ୍ୱାଜ କହିଛନ୍ତି ଯେ ଏହି ମାମଲାରେ ଗିରଫ ହୋଇଥିବା ପାଞ୍ଚ ଅଭିଯୁକ୍ତଙ୍କ ମଧ୍ୟରୁ ମନୋଜ ମିତ୍ତଲ ବିଜେପିର ସଦସ୍ୟ । ସୌରଭ ଭରଦ୍ୱାଜ ଏହା ମଧ୍ୟ ଅଭିଯୋଗ କରିଛନ୍ତି ଯେ ଲେଫ୍ଟନାଣ୍ଟ ଗଭର୍ଣ୍ଣର ବିନୟ କୁମାର ସକ୍ସେନା ଏବଂ ଦିଲ୍ଲୀ ପୋଲିସର ବରିଷ୍ଠ ଅଧିକାରୀମାନେ ଜାଣିଶୁଣି ଏହି ମାମଲା ଚପାଇବାକୁ ଚେଷ୍ଟା କରୁଛନ୍ତି । ଦିଲ୍ଲୀର ରୋହିଣୀ କୋର୍ଟ ଅଭିଯୁକ୍ତ ମନୋଜ ମିତ୍ତଲ, ଦୀପକ ଖାନ୍ନା, ଅମିତ ଖାନ୍ନା, କୃଷ୍ଣ ଏବଂ ମିଥୁନଙ୍କୁ ତିନି ଦିନ ପାଇଁ ରିମାଣ୍ଡରେ ପଠାଇଛନ୍ତି ।
ମଙ୍ଗୋଲପୁରୀ ପୋଲିସ୍ ଷ୍ଟେସନର ଫଟୋ ସେୟାର କରିଛନ୍ତି, ଯେଉଁଠାରେ ମାମଲା ପଞ୍ଜିକୃତ ହୋଇଛି । ଆପ୍ ମୁଖ୍ୟ ପ୍ରବକ୍ତା ସୌରଭ ଭରଦ୍ୱାଜ କହିଛନ୍ତି ଯେ ବିଡମ୍ବନାର ବିଷୟ ଯେ ପୋଲିସ ଷ୍ଟେସନ ପାଖରେ ଅଭିଯୁକ୍ତ ମନୋଜ ମିତ୍ତଲଙ୍କ ଫଟୋ ଥିବା ଏକ ହୋର୍ଡିଂ ଅଛି, ସେ ବିଜେପିର ସଦସ୍ୟ । ସୌରଭ ଭରଦ୍ୱାଜ କହିଛନ୍ତି, "ମୃତ ଦେହକୁ କାରରେ 12 କିଲୋମିଟର ପର୍ଯ୍ୟନ୍ତ ଘୋଷାଡ଼ି ନେଲେ, କିନ୍ତୁ ପୋଲିସ୍ କହୁଛି ଜୋରରେ ମ୍ୟୁଜିକ୍ ବାଜୁଥିବାରୁ ସେମାନେ ଜାଣି ପାରିନଥିଲେ ! ଦିଲ୍ଲୀ ପୋଲିସର ଡିସିପି ହରେନ୍ଦ୍ର ସିଂହ ନିଜର ମତ ପ୍ରସ୍ତୁତ କରି ଅଭିଯୁକ୍ତଙ୍କ ବିବୃତ୍ତି ଉପସ୍ଥାପନ କରୁଛନ୍ତି । ପୋଲିସ୍ କଭର୍ ଅପ୍ ର ଏହା ଏକ ଉଦାହରଣ, କୌଣସି ପୋଲିସ୍ ଏହାଠାରୁ ଖରାପ କାମ କରିପାରିବେ ନାହିଁ ।
12 km गाड़ी में लाश फंसाकर चलते रहे, और पुलिस कह रही है कि तेज़ Music की वजह से पता नहीं चला!
Delhi Police के DCP Harendra Singh आरोपियों का बयान अपना Version बनाकर सामने रख रहे हैं
पुलिस की लीपापोती का नंगा उदाहरण है, इससे घटिया काम कोई पुलिस वाला नहीं कर सकता
—@Saurabh_MLAgk pic.twitter.com/0T5CLnHQB1
— AAP (@AamAadmiParty) January 2, 2023
AAP ର ଅଭିଯୋଗର ଜବାବରେ ଦିଲ୍ଲୀ ବିଜେପିର ମିଡିଆ ସେଲ୍ ମୁଖ୍ୟ ହରିଶ ଖୁରାନା କହିଛନ୍ତି ଯେ ପୋଲିସ ଅଭିଯୁକ୍ତକୁ ଗିରଫ କରିଛି । ପିଟିଆଇ ରିପୋର୍ଟ ଅନୁଯାୟୀ, ସେ କହିଛନ୍ତି ଯେ ଦୋଷୀ ଯେଉଁ ଦଳରେ ଥାଉ ନା କାହିଁକି, ଦୋଷୀମାନଙ୍କୁ କଠୋର ଦଣ୍ଡ ଦିଆଯାଉ ।
ଆଜି ଦିଲ୍ଲୀ ଲେଫ୍ଟନାଣ୍ଟ ଗଭର୍ଣ୍ଣର ଭି.କେ ସକ୍ସେନାଙ୍କୁ ତୁରନ୍ତ ପଦରୁ ବହିଷ୍କାର କରିବାକୁ ଆମ୍ ଆଦମୀ ପାର୍ଟି ଦାବି କରିଛି । ସୌରଭ ଭରଦ୍ୱାଜ କହିଛନ୍ତି, "ସେ ଦିଲ୍ଲୀ ବିଷୟରେ କିଛି ଜାଣି ନାହାଁନ୍ତି । ଯଦି ମୁଁ ତାଙ୍କୁ ସୁଲତାନପୁରୀରେ ଛାଡିଦେବିଏ, ତେବେ ସେ ଜାଣିପାରିବେ ନାହିଁ ଯେ ନାଜଫଗଡ କେଉଁ ଦିଗରେ ଅଛି ।"
Click it and Unblock the Notifications
Sign in with Google