ଜରୁରୀକାଳୀନ ଅବତରଣ କଲା ଭାରତୀୟ ବାୟୁ ସେନାର ଲଢୁଆ ହେଲିକପ୍ଟର

ଭାରତୀୟ ବାୟୁସେନାର MI -35 ଆକ୍ରମଣକାରୀ ହେଲିକପ୍ଟରକୁ ଜରୁରୀ ଅବତରଣ ହନୁମାନଗଡ ଜିଲ୍ଲାର ସାଙ୍ଗରିଆ ଅଞ୍ଚଳର ଧୋଲିପାଲ -କିକରୱାଲୀ ଗାଁରେ କରାଯାଇଛି । ପାଞ୍ଚଜଣ ବାୟୁ ସେନାର ସୈନିକ ଥିବା ଏହି ହେଲିକପ୍ଟରକୁ ବୈଷୟିକ ତ୍ରୁଟି ଯୋଗୁଁ ଅବତରଣ କରାଯାଇଥିବା କୁହାଯାଉଛି

ହନୁମାନଗଡ : ଭାରତୀୟ ବାୟୁସେନାର ଏକ ଲଢୁଆ ହେଲିକପ୍ଟର ରାଜସ୍ଥାନର ହନୁମାନଗଡ ଜିଲ୍ଲାର ଏକ କ୍ଷେତରେ ଜରୁରୀକାଳୀନ ଅବତରଣ କରିଛି । ଭାରତୀୟ ବାୟୁସେନାର MI -35 ଆକ୍ରମଣକାରୀ ହେଲିକପ୍ଟରକୁ ଜରୁରୀ ଅବତରଣ ହନୁମାନଗଡ ଜିଲ୍ଲାର ସାଙ୍ଗରିଆ ଅଞ୍ଚଳର ଧୋଲିପାଲ -କିକରୱାଲୀ ଗାଁରେ କରାଯାଇଛି । ପାଞ୍ଚଜଣ ବାୟୁ ସେନାର ସୈନିକ ଥିବା ଏହି ହେଲିକପ୍ଟରକୁ ବୈଷୟିକ ତ୍ରୁଟି ଯୋଗୁଁ ଅବତରଣ କରାଯାଇଥିବା କୁହାଯାଉଛି । ତେବେ ପ୍ରକୃତ କାରଣ ଅନୁସନ୍ଧାନ ପରେ ଜଣା ପଡିବ ।

ତେବେ ହେଲିକପ୍ଟରରେ ଥିବା ଦୁଇ ଜଣ ପାଇଲଟ୍ ଓ ଜଣେ ଫ୍ଲାଇଟ୍ ଇଂଜିନିୟର ସୁରକ୍ଷିତ ଅଛନ୍ତି । ହେଲିକପ୍ଟର ଅବତରଣ ଖବର ପ୍ରଚାର ହେବା ପରେ ଘଟଣାସ୍ଥଳରେ ହଜାର ହଜାର ସଂଖ୍ୟାରେ ଲୋକ ଏକାଠି ହୋଇଥିଲେ । ସକାଳ ପ୍ରାୟ 9 ଟା 30 ମିନଟରେ ହେଲିକପ୍ଟର ଲ୍ୟାଣ୍ଡିଂ କରିଥିବା ଜଣା ପଡ଼ିଛି ।

ସଦର ଥାନା ଅଧିକାରୀ ଲଖବୀର ଗିଲଙ୍କ ଅନୁସାରେ ହେଲିକପ୍ଟରରେ 5 ଜଣ ଥିଲେ । ଦୁଇ ପାଇଲଟ୍ ଓ ଜଣେ ଫ୍ଲାଇଟ ଇଂଜିନିୟରଙ୍କ ସହିତ ସମସ୍ତେ ସୁରକ୍ଷିତ ଥିବା ସେ କହିଛନ୍ତି । ହେଲିକପ୍ଟରର ସୁରକ୍ଷା ପାଇଁ ଦୁଇଟି ଥାନାର ପୋଲିସକୁ ନିୟୋଜିତ କରାଯାଇଛି ।
ଅନ୍ୟପକ୍ଷରେ ସୂଚନା ପାଇବା ପରେ ଭାରତୀୟ ବାୟୁସେନା ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଛି ।

English summary

A Mi-35 attack helicopter of the Indian Air Force has made a precautionary landing