ଜାମ୍ମୁ-କାଶ୍ମୀରର କିସ୍ତୱାଡ଼ରେ ଖାଇ କୁ ଖସିଲା ଗାଡ଼ି, 7 ଜଣଙ୍କ ମୃତ୍ୟୁ
ଶ୍ରୀନଗର: ଜାମ୍ମୁ କାଶ୍ମୀରର କିସ୍ତୱାଡ଼ ର ଡାଙ୍ଗଡୁରୁ ଡ୍ୟାମ ନିକଟରେ ଏକ କ୍ରୁଜର ଗାଡି ଖାଇକୁ ଖସି ପଡ଼ିଛି । ଫଳରେ ଦୁର୍ଘଟଣାରେ 7 ଜଣଙ୍କର ମୃତ୍ୟୁ ହୋଇଛି । ଅନ୍ୟ କେତେ ଜଣ ଗୁରୁତର ଆହତ ହୋଇଛନ୍ତି । ଏହି ଗାଡିରେ 10 ରୁ ଅଧିକ ଲୋକ ଯାତ୍ରା କରୁଥିଲେ ।
ମିଳିଥିବା ତଥ୍ୟ ଅନୁଯାୟୀ, ଗାଡିଟି ଡାଙ୍ଗଡୁରୁ ପାୱାର ପ୍ରୋଜେକ୍ଟର 10 ଜଣ କର୍ମଚାରୀଙ୍କୁ ନେଇ ଯାଉଥିବା ବେଳେ ଏହି ଦୁର୍ଘଟଣା ଡଙ୍ଗଡୁରୁ ଡ୍ୟାମ ନିକଟରେ ଘଟିଥିଲା ।
ଏହି ଘଟଣା ଉପରେ କେନ୍ଦ୍ର ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହଙ୍କ ବୟାନ ସାମ୍ନାକୁ ଆସିଛି । ସେ କହିଛନ୍ତି ଯେ ଦୁର୍ଘଟଣା ସମ୍ପର୍କରେ ସେ କିସ୍ତୱାଡ଼ ଡିସି ଡକ୍ଟର ଦେବଶ ଯାଦବଙ୍କଠାରୁ ସୂଚନା ପାଇଛନ୍ତି । ଏହି ଘଟଣାରେ 7 ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ଏହା ବ୍ୟତୀତ ଅନେକ ଲୋକ ମଧ୍ୟ ଆହତ ହୋଇଛନ୍ତି । ଆବଶ୍ୟକତା ଅନୁଯାୟୀ ଆହତମାନଙ୍କୁ ଜିଲ୍ଲା ଡାକ୍ତରଖାନା କିସ୍ତୱାଡ଼ ଏବଂ ଜିଏମସି ଡୋଡାକୁ ସ୍ଥାନାନ୍ତର କରାଯାଇଛି । ଆବଶ୍ୟକତା ଅନୁଯାୟୀ ସମସ୍ତ ସମ୍ଭାବ୍ୟ ସହାୟତା ଯୋଗାଇ ଦିଆଯିବ ।
J&K | A cruiser vehicle of Pakal Dul Project with 10 people on board, met with an accident in Kishtwar, some feared dead. Further details awaited: DC Kishtwar pic.twitter.com/AAQICSgdhS
— ANI (@ANI) May 24, 2023
ପୁଲିସ ସୂଚନା ଅନୁସାରେ ଏହି ଦୁର୍ଘଟଣା ବାସ୍ତବ ନିୟନ୍ତ୍ରଣ ରେଖାର କେରି ସେକ୍ଟର୍ରେ ଘଟିଛି । ଖବର ପାଇବା ମାତ୍ରେ ସେମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଚଳାଇଛନ୍ତି । ଦୁର୍ଘଟଣାରେ ଆହତ ବ୍ୟକ୍ତିମାନଙ୍କୁ ପାଖରେ ଥିବା ଡାକ୍ତରଖାନାକୁ ନିଆଯାଇଛି ।
Click it and Unblock the Notifications
Sign in with Google