କରୋନାରୁ ସୁସ୍ଥ ହେବା ପରେ 13 ବର୍ଷ ପିଲାର ମସ୍ତିଷ୍କ ନିଷ୍କ୍ରିୟ
କର୍ଣ୍ଣାଟକର ଦେବଙ୍ଗେରେ ଜିଲ୍ଲାରେ ଜଣେ 13 ବର୍ଷର ଶିଶୁ କରୋନାରେ ସଂକ୍ରମିତ ହୋଇ ସୁସ୍ଥ ହେବା ପରେ କରୋନା ଭାଇରସ ଶିଶୁର ମସ୍ତିଷ୍କକୁ ଅକ୍ଷମ କରିଦେଇଛି ।
ବାଙ୍ଗାଲୋର : ଦେଶରେ କରୋନାର ଡେଲଟା ପ୍ଲସ୍ ଭାରିଆଣ୍ଟର କେତେକ ରୋଗୀ ଚିହ୍ନଟ ହେବା ପରେ କର୍ଣ୍ଣାଟକରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି । କର୍ଣ୍ଣାଟକର ଦେବଙ୍ଗେରେ ଜିଲ୍ଲାରେ ଜଣେ 13 ବର୍ଷର ଶିଶୁ କରୋନାରେ ସଂକ୍ରମିତ ହୋଇ ସୁସ୍ଥ ହେବା ପରେ କରୋନା ଭାଇରସ ଶିଶୁର ମସ୍ତିଷ୍କକୁ ଅକ୍ଷମ କରିଦେଇଛି । ଦେଶରେ ପୋଷ୍ଟ କୋଭିଡ ଲକ୍ଷଣ ଆକାରରେ ଲୋକଙ୍କ ଭିତରେ ଅନେକ ସମସ୍ୟା ଦେଖିବାକୁ ମିଳୁଛି । କୋଭିଡ ସଂକ୍ରମିତ ହେବା ପରେ ଶରୀର ଦୁର୍ବଳ ହେବା ସାଧାରଣ କଥା, କର୍ଣ୍ଣାଟକର ଏହି ମାମଲା ଚିକିତ୍ସା ବିଜ୍ଞାନ ପାଇଁ ଏହି ବିଷୟ ଏକ ନୂଆ ଆହ୍ୱାନ ସୃଷ୍ଟି କରିଛି ।
ଡାକ୍ତରଙ୍କ କହିବା ଅନୁଯାୟୀ, ଏପରି ମାମଲା ଦେଶରେ ଦ୍ୱିତୀୟ ହୋଇଥିବା ବେଳେ କର୍ଣ୍ଣାଟକରେ ଏହା ପ୍ରଥମ ମାମଲା । ଡାକ୍ତରମାନେ କହିଛନ୍ତି ଯେ ଜଣେ 13 ବର୍ଷର ଶିଶୁ ଆକ୍ୟୁଟ୍ ନେକ୍ରୋଟାଇଜିଂ ଏନସେଫାଲୋପାଥି ଅଫ୍ ଚାଇଲ୍ଡହୁଡ୍ (ANEC) ରୋଗରେ ଆକ୍ରାନ୍ତ ଏବଂ ଗତ 8 ଦିନ ଧରି ଡାକ୍ତରଖାନାରେ ଭର୍ତ୍ତି କରାଯାଇଛି । ପିଲାଟି କିଛି ଦିନ ହେବ ଭେଣ୍ଟିଲେଟରରେ ଅଛି । ତେବେ ବର୍ତ୍ତମାନ ଶିଶୁର ସ୍ୱାସ୍ଥ୍ୟରେ ଉନ୍ନତି ଘଟିଛି ।
ଶିଶୁ ବିଷୟରେ ସୂଚନା ପ୍ରଦାନ କରି ଏସ୍ ଏସ୍ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ ଆଣ୍ଡ ରିସର୍ଚ୍ଚ ସେଣ୍ଟରର ନିର୍ଦ୍ଦେଶକ ଏନ.କେ କାଲାପନାବର କହିଛନ୍ତି ଯେ ପରୀକ୍ଷା କରାଯିବାବେଳେ ଶିଶୁର ମସ୍ତିଷ୍କ ନିଷ୍କ୍ରିୟ ଥିବା ଜଣାପଡିଛି । ଏହା ପରେ ତାଙ୍କୁ ତିନି ଦିନ ଭେଣ୍ଟିଲେଟରରେ ରଖିବାକୁ ପଡିଲା । ଧୀରେ ଧୀରେ ସ୍ୱାସ୍ଥ୍ୟରେ ଉନ୍ନତି ଆସିବା ପରେ ଭେଣ୍ଟିଲେଟରରୁ ବାହାର କରାଯାଇଛି । ତେବେ ସେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
Click it and Unblock the Notifications
Sign in with Google