ବିଷାକ୍ତ ଗ୍ୟାସ୍ ଲିକ୍ ହେତୁ ଲୁଧିଆନାରେ 9 ଜଣଙ୍କର ମୃତ୍ୟୁ, ଅନେକ ଲୋକ ଆହତ

Updated: Sunday, April 30, 2023, 12:03 [IST]

ଚଣ୍ଡିଗଡ଼: ପଞ୍ଜାବର ଲୁଧିଆନାରୁ ଏହି ସମୟରେ ବଡ ଖବର ସାମ୍ନାକୁ ଆସିଛି । ଗ୍ୟାସପୁର ଅଞ୍ଚଳରେ ଅବସ୍ଥିତ ଏକ କାରଖାନାରେ ଗ୍ୟାସ୍ ଲିକ୍ ହେତୁ ଏଠାରେ 9 ଜଣ ପ୍ରାଣ ହରାଇଛନ୍ତି । ସେଠାରେ ଅନେକ ଲୋକ ବେହୋସ ହୋଇଛନ୍ତି । ଗ୍ୟାସ ଲିକ୍ ସମ୍ପର୍କରେ ସୂଚନା ପାଇବା ପରେ ପୋଲିସ ଏବଂ ଅଗ୍ନିଶମ ବାହିନୀ ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି ।

କୁହାଯାଉଛି ଯେ ଅଗ୍ନିଶମ ବିଭାଗର କର୍ମଚାରୀମାନେ କାରଖାନାରେ ଫସି ରହିଥିବା 5-6 ଜଣଙ୍କୁ ବାହାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି । ନ୍ୟୁଜ୍ ଏଜେନ୍ସି ANI ଅନୁଯାୟୀ, ଗ୍ୟାସ୍ ଲିକ୍ ହେତୁ ଏହି ଅଞ୍ଚଳକୁ ସିଲ୍ କରାଯାଉଛି ଏବଂ ଏନଡିଆରଏଫ୍ ଟିମ୍ କୁ ଘଟଣାସ୍ଥଳକୁ ଡକାଯାଇଛି ।

ଏସଡିଏମ ଲୁଧିଆନା ପଶ୍ଚିମ ସ୍ୱାତୀ କହିଛନ୍ତି ଯେ ଏହା ନିଶ୍ଚିତ ଭାବରେ ଗ୍ୟାସ ଲିକ୍ ମାମଲା । ଏନଡିଆରଏଫ ଟିମ୍ ଘଟଣାସ୍ଥଳରେ ପହଞ୍ଚି ଲୋକଙ୍କୁ ଥଇଥାନ କରିବା ପାଇଁ ଉଦ୍ଧାର କାର୍ଯ୍ୟ ଚାଲିଛି । ଏହି ଘଟଣାରେ 9 ଜଣଙ୍କର ମୃତ୍ୟୁ ହୋଇଥିବା ବେଳେ 11 ଜଣ ଅସୁସ୍ଥ ଅଛନ୍ତି ।