ମାଲଦ୍ୱୀପରେ ଅଗ୍ନିକାଣ୍ଡ, 9 ଭାରତୀୟଙ୍କ ମୃତ୍ୟୁ

ମାଲଦ୍ଵୀପରେ ଏକ ଗ୍ୟାରେଜରେ ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି । କୁହାଯାଉଛି ଯେ ଏହି ଯନ୍ତ୍ରଣାଦାୟକ ଦୁର୍ଘଟଣାରେ ନଅ ଜଣ ଭାରତୀୟଙ୍କ ସମେତ ୧୦ ଜଣଙ୍କର ମୃତ୍ୟୁ ହୋଇଛି ।

ମାଲେ : ମାଲଦ୍ୱୀପରେ ୯ ଭାରତୀୟଙ୍କ ମୃତ୍ୟୁ । ମାଲଦ୍ଵୀପରେ ଏକ ଗ୍ୟାରେଜରେ ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି । କୁହାଯାଉଛି ଯେ ଏହି ଯନ୍ତ୍ରଣାଦାୟକ ଦୁର୍ଘଟଣାରେ ନଅ ଜଣ ଭାରତୀୟଙ୍କ ସମେତ ୧୦ ଜଣଙ୍କର ମୃତ୍ୟୁ ହୋଇଛି । ଏହା ବ୍ୟତୀତ ଅନେକ ଲୋକ ଗୁରୁତର ଆହତ ହୋଇଛନ୍ତି ।

ଅଧିକାରୀ କହିଛନ୍ତି ଯେ ବିଲ୍ଡିଂର ତଳ ମହଲାରେ ଥିବା କାର ଗ୍ୟାରେଜରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି । ଏ ସମ୍ପର୍କରେ ସୂଚନା ପାଇବା ପରେ ଅଗ୍ନିଶମ ବିଭାଗର ଅନେକ ଗାଡି ଘଟଣାସ୍ଥଳରେ ପହଞ୍ଚି ପ୍ରାୟ ଚାରି ଘଣ୍ଟା ପରେ ନିଆଁକୁ ଆୟତ୍ତ କରାଯାଇଥିଲା ।

ଅଗ୍ନିଶମ ବିଭାଗ କହିଛି ଯେ ମାଲଦ୍ୱୀପ ରାଜଧାନୀରେ ବିଦେଶୀ ଶ୍ରମିକଙ୍କ ବାସଭବନରେ ଅଗ୍ନିକାଣ୍ଡ ଘଟି ଅତି କମରେ ୧୦ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଛନ୍ତି । ଏହି ଅଗ୍ନିକାଣ୍ଡରେ ୯ ଜଣ ଭାରତୀୟଙ୍କର ମୃତ୍ୟୁ ହୋଇଥିବା ଜଣାଯାଇଛି। ଅଗ୍ନିକାଣ୍ଡରେ ନଷ୍ଟ ହୋଇଯାଇଥିବା କୋଠାର ଉପର ମହଲାରୁ ଅଧିକାରୀମାନେ ୧୦ ଟି ମୃତଦେହ ଉଦ୍ଧାର କରିଛନ୍ତି ।

ପ୍ରାରମ୍ଭିକ ରିପୋର୍ଟ ଅନୁଯାୟୀ, ତଳ ମହଲାରେ ଥିବା ଏକ ଗାଡି ମରାମତି ଗ୍ୟାରେଜରେ ନିଆଁ ଲାଗିଯାଇଥିଲା । ଏହା ପରେ ନିଆଁ ଅନେକ ସ୍ଥାନକୁ ବ୍ୟାପିଗଲା । ଅଗ୍ନିଶମ ବିଭାଗର ଜଣେ ଅଧିକାରୀ AFP ନ୍ୟୁଜ୍ ଏଜେନ୍ସିକୁ କହିଛନ୍ତି ଯେ ଆମେ ୧୦ଟି ମୃତଦେହ ପାଇଛୁ । ନିଆଁ ଲିଭାଇବାକୁ ସେମାନଙ୍କୁ ପ୍ରାୟ ଚାରି ଘଣ୍ଟା ସମୟ ଲାଗିଥିଲା ।

ମାଲଦ୍ୱୀପରେ ଥିବା ଭାରତୀୟ ଉଚ୍ଚ ଆୟୋଗ ଅଫିସିଆଲ ଟ୍ୱିଟର ଆକାଉଣ୍ଟରୁ ଟୁଇଟ୍ କରି ଲେଖିଛନ୍ତି ଯେ ଏହି ଅଗ୍ନିକାଣ୍ଡ ଘଟଣାରେ ଆମେ ଗଭୀର ଦୁଖିତ, ଯାହା ଭାରତୀୟ ନାଗରିକଙ୍କ ସମେତ ଅନେକ ଲୋକଙ୍କ ଜୀବନ ନେଇଥିବାର ଖବର ମିଳିଛି। ଆମେ ମାଲଦ୍ୱୀପ କର୍ତ୍ତୃପକ୍ଷଙ୍କ ସହ ଘନିଷ୍ଠ ସମ୍ପର୍କରେ ଅଛୁ। ଯେ କୌଣସି ସହାୟତା ପାଇଁ, HCI କୁ ନିମ୍ନ ସଂଖ୍ୟାରେ ଯୋଗାଯୋଗ କରାଯାଇପାରିବ: +9607361452; +9607790701 "

ଅଗ୍ନିକାଣ୍ଡରେ ପ୍ରାଣ ହରାଇଥିବା ଅନ୍ୟ ଜଣେ ବାଂଲାଦେଶୀ ନାଗରିକ ବୋଲି AFP ଜଣେ ସୁରକ୍ଷା ଅଧିକାରୀଙ୍କ ସୂତ୍ରରୁ ପ୍ରକାଶ। ବିଦେଶୀ ଶ୍ରମିକମାନେ 250,000 ପୁରୁଷ ଜନସଂଖ୍ୟାର ପ୍ରାୟ ଅର୍ଦ୍ଧେକ ଅଂଶ ବୋଲି କୁହାଯାଉଛି ଏବଂ ଅଧିକାଂଶ ବାଂଲାଦେଶ, ଭାରତ, ନେପାଳ, ପାକିସ୍ଥାନ ଏବଂ ଶ୍ରୀଲଙ୍କାରୁ ଆସିଛନ୍ତି।

English summary

9 Indians dead in Maldives fire breakout