ଯୋଶୀମଠ ଭୂମି ଦବିବା ମାମଲା, ଉଦ୍ଧାର କାର୍ଯ୍ୟରେ ନିୟୋଜିତ ହେଲେ SDRF ର 8 ଟି ଦଳ, ଆଲର୍ଟ ରହିଛି ସେନା

ବିପର୍ଯ୍ୟୟ ସମୟରେ ଉଦ୍ଧାର କାର୍ଯ୍ୟ ପାଇଁ SDRF ର ଆଠଟି ଦଳ ନିୟୋଜିତ ହୋଇଛନ୍ତି । ବୈଦ୍ୟୁତିକ ତାର ଏବଂ ପୋଲର ସୁରକ୍ଷା ପାଇଁ 2.14 କୋଟି ଟଙ୍କା ଜାରି କରାଯାଇଛି । ଏହା ବ୍ୟତୀତ NDRF ର ଦୁଇଟି ଦଳ ମଧ୍ୟ ନିୟୋଜିତ ହୋଇଛନ୍ତି ।

ଦେହରାଦୁନ୍ : ଉତ୍ତରାଖଣ୍ଡ ଚାମୌଲି ଜିଲ୍ଲାରେ ଯୋଶୀମଠରେ ଭୂମି ଦବିବା ପରେ 700 ରୁ ଅଧିକ ପରିବାରର ଅସ୍ତିତ୍ୱ ବିପଦରେ ପଡିଛି । ଭୂମି ଦବିବା ପରେ ଅନେକ ଘର ଓ ହୋଟେଲରେ ଫାଟ ଦେଖାଦେଇଛି । ଏହା ପରେ ବିପଦରେ ଥିବା ଏହି ଘର ଓ ହୋଟେଲ ଗୁଡ଼ିକୁ ପ୍ରଶାସନ ଭାଙ୍ଗିବା କାମ ଆରମ୍ଭ କରିଛି । ଏହା ବ୍ୟତୀତ ଅସୁରକ୍ଷିତ ଅଞ୍ଚଳ ଭାବେ ଘୋଷଣା ହୋଇଥିବା ସ୍ଥାନରୁ ପ୍ରଶାସନ ଲୋକଙ୍କୁ ସ୍ଥାନାନ୍ତର କରୁଛି । ସ୍ଥାନାନ୍ତର ହୋଇଥିବା ଲୋକଙ୍କୁ ପ୍ରଶାସନ ଭତ୍ତା ଦେଉଛି ।

ଗୁରୁବାର ଏ ସମ୍ପର୍କରେ ସୂଚନା ଦେଇ ଉତ୍ତରାଖଣ୍ଡ ବିପର୍ଯ୍ୟୟ ପରିଚାଳନା ସଚିବ ରଣଜିତ କୁମାର ସିହ୍ନା କହିଛନ୍ତି ଯେ ଏପର୍ଯ୍ୟନ୍ତ ତିନି ପରିବାରକୁ 4000 ଟଙ୍କାର ଘର ଭଡା ଯୋଗାଇ ଦିଆଯାଇଛି । ଅନ୍ୟ ପରିବାରମାନଙ୍କୁ ମଧ୍ୟ ଅନୁକମ୍ପା ରାଶି ଦିଆଯିବ । ଏଥି ସହିତ ବିପର୍ଯ୍ୟୟ ସମୟରେ ଉଦ୍ଧାର କାର୍ଯ୍ୟ ପାଇଁ SDRF ର ଆଠଟି ଦଳ ନିୟୋଜିତ ହୋଇଛନ୍ତି । ବୈଦ୍ୟୁତିକ ତାର ଏବଂ ପୋଲର ସୁରକ୍ଷା ପାଇଁ 2.14 କୋଟି ଟଙ୍କା ଜାରି କରାଯାଇଛି । ଏହା ବ୍ୟତୀତ NDRF ର ଦୁଇଟି ଦଳ ମଧ୍ୟ ନିୟୋଜିତ ହୋଇଛନ୍ତି ।

ସିହ୍ନା ଏହା ମଧ୍ୟ କହିଛନ୍ତି ଯେ ଯଦି କୌଣସି ପରିସ୍ଥିତି ଉପୁଜେ ତେବେ ସେନା ହେଲିକପ୍ଟର ଷ୍ଟାଣ୍ଡବାଇରେ ଅଛି । ଆମର ହେଲିକପ୍ଟର ମଧ୍ୟ ଷ୍ଟାଣ୍ଡବାଇରେ ଅଛି । ସେନା ୟୁନିଟ୍ ମଧ୍ୟ ପ୍ରସ୍ତୁତ ଅଛି । ଯୋଶୀମଠ ଲୋକଙ୍କୁ ବଞ୍ଚାଇବାକୁ ଆମେ ସମ୍ପୂର୍ଣ୍ଣ ପ୍ରସ୍ତୁତ । ଏହାପୂର୍ବରୁ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି କହିଛନ୍ତି ଯେ ମୁଁ ବ୍ୟବସାୟିକ ସଂଗଠନ, ନିର୍ବାଚିତ ପ୍ରତିନିଧୀ ଇତ୍ୟାଦିଙ୍କୁ ଭେଟିଛି ଏବଂ ସେମାନଙ୍କୁ ସମସ୍ତ ସାହାଯ୍ୟ ଯୋଗାଇଦେବା କଥା କହିଛି । ମଧ୍ୟବର୍ତ୍ତୀକାଳୀନ ସହାୟତା ଭାବରେ ଆମେ ଲୋକଙ୍କ ଆକାଉଣ୍ଟକୁ 1.5 ଲକ୍ଷ ଟଙ୍କା ପଠାଉଛୁ ।

English summary

8 SDRF Team Deployed At Joshimath For Relief Work