ଆକାଶରେ ଦେଖିବାକୁ ମିଳିବ ବିରଳ ଦୃଶ୍ୟ, ନିକଟତର ହେବେ 5 ଗ୍ରହ

Published: Tuesday, March 28, 2023, 18:49 [IST]

ଆଜି ଆକାଶରେ ଦେଖିବାକୁ ମିଳିବ ବିରଳ ଦୃଶ୍ୟ । ପାଞ୍ଚଟି ଗ୍ରହ ପରସ୍ପରର ଅତି ନିକଟତର ହେବେ । ଏହା ସହ ବକ୍ର ରେଖାରେ ଅବସ୍ଥାନ କରୁଥିବା ଦେଖିବାକୁ ମିଳିବ ।

ପରସ୍ପରର ନିକଟତର ହେଉଥିବା ଏହି ପାଞ୍ଚଟି ଗ୍ରହ ହେଲେ ବୃହସ୍ପତି, ବୁଧ, ଶୁକ୍ର, ୟୁରାନସ ଓ ମଙ୍ଗଳ । ସୂର୍ଯ୍ୟାସ୍ତ ପରେ ପରେ ପଶ୍ଚିମ ଦିଗରେ ଏହି ବିରଳ ଦୃଶ୍ୟ ଦେଖାଯିବ ।

ନାସାର ଆଞ୍ଚଳିକ ପରିବେଶ କାର୍ଯ୍ୟାଳୟର ନେତୃତ୍ୱ ନେଉଥିବା ବିଲ୍ କୁକ କହିଛନ୍ତି, "ଠିକ୍ ସୂର୍ଯ୍ୟାସ୍ତ ସମୟରେ କିମ୍ବା ସୂର୍ଯ୍ୟ ଅସ୍ତ ହେବା ପରେ ପଶ୍ଚିମ ଦିଗରେ ଆପଣ ଏହି ଗ୍ରହମାନଙ୍କୁ ପରସ୍ପରର ପ୍ରାୟ 50 ଡିଗ୍ରୀରେ ଥିବା ଦେଖିବାକୁ ପାଇବେ ।

କୁକ କହିଛନ୍ତି ବୃହସ୍ପତି, ଶୁକ୍ର ଏବଂ ମଙ୍ଗଳ ସହଜରେ ଦେଖାଯିବ । ବୁଧ ଏବଂ ବିଶେଷକରି ୟୁରାନସ୍ ଦେଖିବାକୁ ବାଇନୋକୁଲାର ଆବଶ୍ୟକ ହେବ ।
ବୃହସ୍ପତି ଏବଂ ବୁଧ ଗ୍ରହ ନିକଟତର ହୋଇଥିବାବେଳେ ମଙ୍ଗଳ ଚନ୍ଦ୍ର ପାଖରେ ରହିବ । ଶୁକ୍ର ନିକଟବର୍ତ୍ତୀ ହେବ ଏବଂ ୟୁରାନସ୍ ଚନ୍ଦ୍ର ଉପରେ ଏକ "ସବୁଜ ତାରା" ଭାବରେ ଦେଖାଯିବ ।

ଗତ 2022 ଜୁନରେ ସମଧରଣର ମହାଜାଗତିକ ଦୃଶ୍ୟ ପରିଲକ୍ଷିତ ହୋଇଥିଲା । ଏହି ବିରଳ ଅବସ୍ଥାନ ଖାଲି ଆଖିରେ ଦେଖାଯାଇପାରିବ । ବାଇନୋକୁଲାରରେ ଏହି ବିରଳ ଦୃଶ୍ୟ ଅତି ସ୍ପଷ୍ଟ ଭାବେ ଦେଖାଯାଇପାରିବ ।

Published On March 28, 2023