ତାଲିବାନ ସମର୍ଥନରେ ଫେସବୁକ ପୋଷ୍ଟ ଲେଖି 14 ଜଣ ଗିରଫ
ଆସାମ ପୋଲିସର ସ୍ୱତନ୍ତ୍ର ଡିଜିପି ଜିପି ସିଂ କହିଛନ୍ତି ଯେ ତାଲିବାନ କାର୍ଯ୍ୟକଳାପ ସମ୍ପର୍କରେ ଆପତ୍ତିଜନକ ସୋଶାଲ ମିଡିଆ ପୋଷ୍ଟ ପାଇଁ ପୋଲିସ 14 ଜଣଙ୍କୁ ଗିରଫ କରିଛି ।
ଦିସପୁର : ସୋଶାଲ ନେଟୱାର୍କିଂ ସାଇଟ୍ ଫେବୁକରେ ତାଲିବାନ ସମର୍ଥନରେ ପୋଷ୍ଟ କରିଥିବା ଅଭିଯୋଗରେ ଆସାମ ପୋଲିସ 14 ଜଣଙ୍କୁ ଗିରଫ କରିଛି । ଆସାମ ପୋଲିସର ସ୍ୱତନ୍ତ୍ର ଡିଜିପି ଜିପି ସିଂ କହିଛନ୍ତି ଯେ ତାଲିବାନ କାର୍ଯ୍ୟକଳାପ ସମ୍ପର୍କରେ ଆପତ୍ତିଜନକ ସୋଶାଲ ମିଡିଆ ପୋଷ୍ଟ ପାଇଁ ପୋଲିସ 14 ଜଣଙ୍କୁ ଗିରଫ କରିଛି । ପୋଲିସର ସୂଚନାନୁସାରେ, ଏହି ଅଭିଯୁକ୍ତମାନଙ୍କୁ ଦରଙ୍ଗ, କାମରୂପ (ଆର), କଛାର, ବାରପେଟା, ଧୁବରୀ, ହାଇଲାକାଣ୍ଡି, ଦକ୍ଷିଣ ସଲମାରା, ହୋଜଇ, ଗୋଲପାରା ଏବଂ କରିମଗଞ୍ଜ ଜିଲ୍ଲାରୁ ଗିରଫ କରାଯାଇଛି ।
ଗିରଫ ହୋଇଥିବା ବ୍ୟକ୍ତିମାନେ ଫେସବୁକରେ ତାଲିବାନ ସମର୍ଥନରେ ପୋଷ୍ଟ କରି ଆଫଗାନିସ୍ତାନର ସାମ୍ପ୍ରତିକ ପରିସ୍ଥିତି ଉପରେ ମନ୍ତବ୍ୟ ଦେଇଥିଲେ । ଏହି ମନ୍ତବ୍ୟଗୁଡିକ ବିଭିନ୍ନ ଫେସବୁକ୍ ବ୍ୟବହାରକାରୀଙ୍କ ଦ୍ୱାରା ସେୟାର କରାଯାଇଥିଲା । ଗିରଫ ଅଭିଯୁକ୍ତ କାବୁଲକୁ କବଜା ତାଲିବାନ ପ୍ରଶାସନକୁ ପ୍ରଶଂସା କରିଥିବା ଜଣାପଡ଼ିଛି ।
ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ ଶୁକ୍ରବାର ରାତିରୁ ଏହି ଗିରଫଦାରୀ କରାଯାଇଛି ଏବଂ ସେମାନଙ୍କୁ ବେଆଇନ କାର୍ଯ୍ୟକଳାପ (ପ୍ରତିରୋଧ) ଅଧିନିୟମ, ଆଇଟି ଆକ୍ଟ ଏବଂ ସିଆରପିସିର ବିଭିନ୍ନ ଧାରା ଅଧୀନରେ ମାମଲା ରୁଜୁ କରାଯାଇଛି ।
ଡିଜିପି ଜିପି ସିଂ କହିଛନ୍ତି ଯେ କୌଣସି ଦଣ୍ଡବିଧାନ କାର୍ଯ୍ୟରୁ ରକ୍ଷା ପାଇବା ପାଇଁ ଲୋକଙ୍କୁ ଏପରି ପୋଷ୍ଟରେ ଲାଇକ କିମ୍ବା ସେୟାର ନକରିବାକୁ ପରାମର୍ଶ ଦିଆଯାଇଛି । ଏହିପରି ପୋଷ୍ଟଗୁଡିକ ସହିତ ବହୁତ ସତର୍କ ରୁହିବାକୁ ସେ କହିଛନ୍ତି ।
Click it and Unblock the Notifications
Sign in with Google