ମହାରାଷ୍ଟ୍ରରେ ପୋଲିସି-ନକ୍ସଲ ଗୁଳିବିନିମୟ, 13 ନକ୍ସଲ ନିହତ
ସୁରକ୍ଷାକର୍ମୀଙ୍କ ଏନକାଉଣ୍ଟରରେ 13 ନକ୍ସଲ ନିହତ ହୋଇଛନ୍ତି । ମହାରାଷ୍ଟ୍ରର ଗଡଚିରୌଲୀ ଜଙ୍ଗଲରେ ନକ୍ସଲ-ସୁରକ୍ଷାକର୍ମୀ ମଧ୍ୟରେ ଗୁଳି ବିନିମୟ ହୋଇଥିଲା । ଆଜି ସକାଳୁ ସୁରକ୍ଷାକର୍ମୀମାନେ ନକ୍ସଲ କ୍ୟାମ୍ପ ଉପରେ ହମଲା କରିଥିଲେ ।
ନାଗପୁର : ସୁରକ୍ଷାକର୍ମୀଙ୍କ ଏନକାଉଣ୍ଟରରେ 13 ନକ୍ସଲ ନିହତ ହୋଇଛନ୍ତି । ମହାରାଷ୍ଟ୍ରର ଗଡଚିରୌଲୀ ଜଙ୍ଗଲରେ ନକ୍ସଲ-ସୁରକ୍ଷାକର୍ମୀ ମଧ୍ୟରେ ଗୁଳି ବିନିମୟ ହୋଇଥିଲା । ଆଜି ସକାଳୁ ସୁରକ୍ଷାକର୍ମୀମାନେ ନକ୍ସଲ କ୍ୟାମ୍ପ ଉପରେ ହମଲା କରିଥିଲେ । ସଭା କରିବା ଲାଗି ନକ୍ସଲମାନେ କୋତମି ଫାଣ୍ଡି ନିକଟବର୍ତ୍ତୀ ପୈଠି ଜଙ୍ଗଲରେ ସମବେତ ହୋଇଥିବା ବେଳେ ଭୋର୍ ପ୍ରାୟ 5.30 ରେ ଗୁଳିବିନିମୟ ଆରମ୍ଭ ହୋଇଥିଲା ବୋଲି ଗଢ଼ଚିରୌଲୀ 'ଡିଆଇଜି' ସନ୍ଦୀପ ପାଟିଲ ଗଣମାଧ୍ୟମକୁ ସୂଚନାୀ ଦେଇଛନ୍ତି ।
ଏହି ସମୟରେ 13 ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ କ୍ୟାମ୍ପରୁ କେତେକ ମାରଣାସ୍ତ୍ର, ବନ୍ଧୁକ, ଗୁଳି ଆଦି ଜବତ କରାଯାଇଛି । କାସାନସୁର ଦଲାମର ନକ୍ସଲମାନେ ଗ୍ରାମବାସୀଙ୍କ ସହ ଏକ ବୈଠକ ଆୟୋଜନ କରୁଥିବା ନେଇ ପୋଲିସକୁ ସୂଚନା ମିଳିଥିଲା । ତେବେ ବୈଠକ ପୂର୍ବରୁ ସୁରକ୍ଷାକର୍ମୀମାନେ ଆକ୍ରମଣ କରିଥିଲେ ।
ସେ ଆହୁରି ମଧ୍ୟ କହିଛନ୍ତି ଯେ, ନିର୍ଦ୍ଦିଷ୍ଟ ସୂଚନାକୁ ଆଧାର କରି 'ସି-60'ଙ୍କୁ ନେଇ ଗଠିତ ପୁଲିସ ଦଳ ପୈଠି ଜଙ୍ଗଲରେ ତଲାସ ଅଭିଯାନ ଆରମ୍ଭ କରିଥିଲେ । କିନ୍ତୁ, ନକ୍ସଲମାନେ ପୁଲିସକୁ ଦେଖି ପ୍ରଥମେ ଗୁଳି ଚଳାଇଥିଲେ ।
ପ୍ରାୟ ଏକ ଘଣ୍ଟା ଧରି ପୁଲିସ ଓ ମାଓବାଦୀମାନଙ୍କ ମଧ୍ୟରେ ଗୁଳି ବିନିମୟ ଚାଲିଥିଲା । ଏହାପରେ ଅନ୍ୟ ନକ୍ସଲ ମାନେ ଜଙ୍ଗଲ ଭିତରକୁ ପଳାଇଥିଲେ ବୋଲି ଗଢ଼ଚିରୌଲୀ ପୁଲିସ ସୁପରିଣ୍ଟେଣ୍ଡେଣ୍ଟ୍ ଅଙ୍କିତ ଗୋୟାଲ ଗଣମାଧ୍ୟମକୁ କହିଛନ୍ତି । ଘଟଣାସ୍ଥଳରୁ ନିହତ ନକ୍ସଲଙ୍କର ଶବ ଉଦ୍ଧାର କରାଯାଇଛି । ଏବେ ମଧ୍ୟ ଆଖପାଖ ଅଞ୍ଚଳରେ ତଲାସ ଅଭିଯାନ ଚାଲୁ ରହିଥିବା ସେ ସୂଚନା ଦେଇଛନ୍ତି ।
Click it and Unblock the Notifications
Sign in with Google