ରେଳ କର୍ମଚାରୀଙ୍କ ପାଇଁ ଖୁସି ଖବର, 11 ଲକ୍ଷ କର୍ମାଚରୀଙ୍କୁ ବୋନସ୍ ଆକାରରେ ମିଳିବ 78 ଦିନର ଦରମା
ପାର୍ବଣ ଋତୁରେ ରେଳ କର୍ମଚାରୀଙ୍କ ପାଇଁ ଏକ ଖୁସି ଖବର ଆସିଛି, ଯେଉଁଠାରେ ବୁଧବାର ଦିନ କେନ୍ଦ୍ର କ୍ୟାବିନେଟ ଦଶହରା ଏବଂ ଦିପାବଳୀକୁ ଦୃଷ୍ଟିରେ ରଖି ସେମାନଙ୍କ ବୋନସ ଅନୁମୋଦନ କରିଛନ୍ତି ।
ନୂଆଦିଲ୍ଲୀ : ପାର୍ବଣ ଋତୁରେ ରେଳ କର୍ମଚାରୀଙ୍କ ପାଇଁ ଏକ ଖୁସି ଖବର ଆସିଛି, ଯେଉଁଠାରେ ବୁଧବାର ଦିନ କେନ୍ଦ୍ର କ୍ୟାବିନେଟ ଦଶହରା ଏବଂ ଦିପାବଳୀକୁ ଦୃଷ୍ଟିରେ ରଖି ସେମାନଙ୍କ ବୋନସ ଅନୁମୋଦନ କରିଛନ୍ତି । ଏହା ଅଧୀନରେ, ଅଣ-ଗେଜେଟେଡ୍ ରେଳ କର୍ମଚାରୀମାନଙ୍କୁ 78 ଦିନର ବେତନ ଆକାରର ଉତ୍ପାଦକତା ବୋନସ୍ ମିଳିବ । ସରକାରଙ୍କ ଏହି ନିଷ୍ପତ୍ତି 11.56 ଲକ୍ଷ କର୍ମଚାରୀଙ୍କୁ ଉପକୃତ କରିବ । କ୍ୟାବିନେଟ ବୈଠକ ପରେ ବୁଧବାର ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଅନୁରାଗ ଠାକୁର ଏ ବିଷୟରେ ବିସ୍ତୃତ ସୂଚନା ଦେଇଛନ୍ତି ।
କେତେ ହେବ ମୋଟ ଖର୍ଚ୍ଚ ?
ପ୍ରକୃତରେ ଏକ କମିଟି ନିର୍ଦ୍ଦିଷ୍ଟ ସୂତ୍ର ଅନୁଯାୟୀ ବୋନସ୍ ନିର୍ଣ୍ଣୟ କରେ । ସେହି ଅନୁଯାୟୀ, ଏଥର କର୍ମଚାରୀମାନେ ବୋନସ୍ ଭାବରେ 78 ଦିନର ବେତନ ପାଇବେ । ବୁଧବାର କ୍ୟାବିନେଟରେ ଏହା ଉପରେ ଆଲୋଚନା କରାଯାଇଥିଲା । ଏହା ମଧ୍ୟ ସର୍ବସମ୍ମତି କ୍ରମେ ପାରିତ ହେଲା । କ୍ୟାବିନେଟର ନିଷ୍ପତ୍ତିକୁ ବ୍ୟାଖ୍ୟା କରି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ରେଳ କର୍ମଚାରୀଙ୍କ ମନୋବଳ ବଢାଇବା ପାଇଁ ତାଙ୍କ ସରକାର 78 ଦିନ ଦରମା ବୋନସ ଦେବାକୁ ନିଷ୍ପତ୍ତି ନେଇଛନ୍ତି । ଏହି ବୋନସ ପାଇଁ ପ୍ରାୟ 1,985 କୋଟି ଟଙ୍କା ଖର୍ଚ୍ଚ ହେବ ।
ଅପରପକ୍ଷରେ ପିୟୁଷ ଗୋୟଲ୍ କହିଛନ୍ତି ଯେ, କପଡା ଉଦ୍ୟୋଗରେ ରପ୍ତାନୀକୁ ପ୍ରେତ୍ସାହନ ଦେବା ଲାଗି ସରକାର 7 ଟି ପ୍ରମୁଖ ନିଷ୍ପତ୍ତି ନେଇଛନ୍ତି । ପୂର୍ବରୁ 6ଟି ନିଷ୍ପତ୍ତି ହୋଇଥିବା ବେଳେ ଆଜି ଆଉ ଗୋଟିଏ ନିଷ୍ପତ୍ତି ହୋଇଛି । 7ଟି ଟେକ୍ସଟାଇଲ୍ ପାର୍କ ଲାଗି 10 ରାଜ୍ୟ ଇଚ୍ଛା ପ୍ରକାଶ କରିଛନ୍ତି । ଏହି ପାର୍କ ତିଆରି ହେଲେ 7 ଲକ୍ଷ ପ୍ରତ୍ୟକ୍ଷ ଓ ପରୋକ୍ଷ ଭାବେ 14 ଲକ୍ଷ ରୋଜଗାର ସୃଷ୍ଟି ହେବ । ଏହି ପାର୍କ 1000 ଏକରର ପରିବ୍ୟାପ୍ତ ହେବାକୁ ଥିବା ବେଳେ ତିଆରି ପାଇଁ ପାଖାପାଖି 1700 କୋଟି ଟଙ୍କା ଖର୍ଚ୍ଚ ହେବ ।
Click it and Unblock the Notifications
Sign in with Google