For Quick Alerts
For Daily Alerts
କରୋନା କାଳରେ ନିଯୁକ୍ତି ହେବେ 786 ଡାକ୍ତର
କୋଭିଡ ମହାମାରୀ ସମୟରେ ସ୍ୱାସ୍ଥ୍ୟ ବ୍ୟବସ୍ଥା ନିହାତି ଜରୁରୀ ଥିବା ବେଳେ ରାଜ୍ୟରେ ନିଯୁକ୍ତି ପାଇବେ 786 ଡାକ୍ତର । ଏନେଇ ରାଜ୍ୟ ସରକାରଙ୍କୁ ନାଁ ସୁପାରିଶ କରିଛି ଓଡିଶା ଲୋକସେବା ଆୟୋଗ ।
ଭୁବନେଶ୍ୱର : କୋଭିଡ ମହାମାରୀ ସମୟରେ ସ୍ୱାସ୍ଥ୍ୟ ବ୍ୟବସ୍ଥା ନିହାତି ଜରୁରୀ ଥିବା ବେଳେ ରାଜ୍ୟରେ ନିଯୁକ୍ତି ପାଇବେ 786 ଡାକ୍ତର । ଏନେଇ ରାଜ୍ୟ ସରକାରଙ୍କୁ ନାଁ ସୁପାରିଶ କରିଛି ଓଡିଶା ଲୋକସେବା ଆୟୋଗ । ପରୀକ୍ଷାର 15 ଦିନ ମଧ୍ୟରେ ଫଳ ପ୍ରକାଶ କରିଛି OPSC । କରୋନା ସଙ୍କଟ ଯୋଗୁଁ ଡାକ୍ତର ପଦବୀ ପାଇଁ ତୁରନ୍ତ ନିଯୁକ୍ତି ପରୀକ୍ଷା କରିବାକୁ ପ୍ରସ୍ତାବ ଦେଇଥିଲା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ଗତ 28 ତାରିଖରେ OPSC ପକ୍ଷରୁ କରାଯାଇଥିବା ପରୀକ୍ଷାରେ 1491 ପରୀକ୍ଷାର୍ଥୀ ପରୀକ୍ଷା ଦେଇଥିଲେ ।
ପରୀକ୍ଷା ହେବାର ମାତ୍ର 15 ଦିନ ମଧ୍ୟରେ ଫଳ ପ୍ରକାଶ କରି ପରୀକ୍ଷା ପଦ୍ଧତିରେ ଅଣାଯାଇଥିବା ସଂସ୍କାରମୂଳକ ପଦକ୍ଷେପର ନମୂନା ପ୍ରଦର୍ଶନ କରିଛି ଓଡ଼ିଶା ଲୋକସେବା ଆୟୋଗ । ଅନଲାଇନ ଯୋଗେ ହୋଇଥିବା ଏହି ପରୀକ୍ଷା ପଦ୍ଧତିକୁ ତ୍ରୁଟିଶୂନ୍ୟ ଓ କମ୍ ସମୟ ସାପେକ୍ଷରେ କରିପାରିଛି OPSC । ଚୂଡ଼ାନ୍ତ ଫଳ OPSC ଓ୍ବେବସାଇଟ୍ opsc.gov.inରେ ପରୀକ୍ଷାର୍ଥୀମାନେ ଦେଖିପାରିବେ ।
Comments
English summary
786 Doctors Will Be Appointed In COVID Situation On Odisha