ଯୁଦ୍ଧ ଘୋଷଣା କଲା ରୁଷ, କେତେ ଦିନ ଯାଏଁ ରହି ପାରିବ ୟୁକ୍ରେନ ସେନା, ଜାଣନ୍ତୁ ଉଭୟ ଦେଶର ସାମରିକ ଶକ୍ତି ?
ରୁଷ ଯୁଦ୍ଧ ଘୋଷଣା କରିବା ପରେ ଏହା ବିଶ୍ୱଯୁଦ୍ଧ ଆଡ଼କୁ ମୁହାଁଇ ପାରେ ବୋଲି ଆଶଙ୍କା ରହିଛି । କିନ୍ତୁ, ପ୍ରଶ୍ନ ଉଠିଛି, ଦୁଇ ଦେଶର ସାମରିକ ସାମର୍ଥ୍ୟ କ'ଣ ଏବଂ ରୁଷ ସହିତ କେତେ ଦିନ ପର୍ଯ୍ୟନ୍ତ ୟୁକ୍ରେନ ଯୁଦ୍ଧ ଜାରି ରଖିପାରିବ ?
ମସ୍କୋ / କ୍ୱିଭ : ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ୟୁକ୍ରେନ ବିରୋଧରେ ଯୁଦ୍ଧ ଘୋଷଣା କରିଛନ୍ତି ଏବଂ ରୁଷ ରାଷ୍ଟ୍ରପତିଙ୍କ ଘୋଷଣା ପରେ ୟୁକ୍ରେନ ଦାବି କରିଛି ଯେ ଏହାର ରାଜଧାନୀରେ ବାଲିଷ୍ଟିକ୍ କ୍ଷେପଣାସ୍ତ୍ର ଦ୍ୱାରା ଆକ୍ରମଣ ହୋଇଛି । ରୁଷ ଯୁଦ୍ଧ ଘୋଷଣା କରିବା ପରେ ଏହା ବିଶ୍ୱଯୁଦ୍ଧ ଆଡ଼କୁ ମୁହାଁଇ ପାରେ ବୋଲି ଆଶଙ୍କା ରହିଛି । କିନ୍ତୁ, ପ୍ରଶ୍ନ ଉଠିଛି, ଦୁଇ ଦେଶର ସାମରିକ ସାମର୍ଥ୍ୟ କ'ଣ ଏବଂ ରୁଷ ସହିତ କେତେ ଦିନ ପର୍ଯ୍ୟନ୍ତ ୟୁକ୍ରେନ ଯୁଦ୍ଧ ଜାରି ରଖିପାରିବ ?
ୟୁକ୍ରେନ ସୀମାରେ କେତେ ରୁଷ ସୈନିକ ?
କେତେକ ଗଣମାଧ୍ୟମ ରିପୋର୍ଟ ଏବଂ ବିଶ୍ୱର ନେତାଙ୍କ ଅନୁଯାୟୀ, ୟୁକ୍ରେନ ସୀମାରେ ପ୍ରାୟ 2 ଲକ୍ଷରୁ ଅଧିକ ରୁଷ ସୈନ୍ୟ ମୁତୟନ ହୋଇଛନ୍ତି । ଏଥି ସହିତ, ରୁଷ ଗତ ସପ୍ତାହରେ ନିଜର ସାମରିକ ଉପସ୍ଥିତି ବୃଦ୍ଧି କରିଛି ଏବଂ ୟୁକ୍ରେନ ସୀମାବର୍ତ୍ତୀ ଅଞ୍ଚଳରେ ଅନେକ ଡାକ୍ତରଖାନା ନିର୍ମାଣ କରିଛି । ପ୍ରାୟ 35,000 ସୈନିକଙ୍କୁ ୟୁକ୍ରେନ ସହିତ ଏହାର ସୀମା ନିକଟରେ ସ୍ଥାୟୀ ଭାବରେ ନିୟୋଜିତ କରିଛି ।
ରୁଷର ସାମରିକ ସାମର୍ଥ୍ୟ କେତେ ?
ସାଟେଲାଇଟ୍ ଫଟୋଗୁଡ଼ିକ ୟୁକ୍ରେନ ସୀମାରେ ଅନେକ ସାମରିକ ଷ୍ଟେସନ ଥିବା ଦର୍ଶାଇଛି, ଯେଉଁଥିରେ ରୁଷର ଉତ୍ତରୀ ସୀମା ନିକଟରେ ବେଲାରୁସରେ ରୁଷର ବିନାଶକାରୀ ସୁ -25 ଗ୍ରାଉଣ୍ଡ ଆଟାକ୍ ବିମାନ ନିୟୋଜିତ ହୋଇଛି । ଏଥି ସହିତ, ଉପଗ୍ରହ ଫଟୋ ଗୁଡ଼ିକରେ ୟୁକ୍ରେନ ସୀମା ନିକଟରେ ବହୁ ସଂଖ୍ୟକ ସୈନିକ ଏବଂ ସାମରିକ ଉପକରଣ ଥିବା ଦେଖିବାକୁ ମିଳିଛି । ଏହି ମାସ ଆରମ୍ଭରେ, ରୁଷର 6 ଟି ଯୁଦ୍ଧ ଜାହାଜ ଏବଂ ଏକ ବୁଡ଼ାଜାହାଜ 'ବ୍ଲାକ୍ ସି'କୁ ଯାତ୍ରା କରିଥିଲା ଯେଉଁଥିରେ ମସ୍କୋ ୟୁକ୍ରେନ ଜଳର ଏକ ନୌସେନା ଅଭ୍ୟାସ ବୋଲି ବର୍ଣ୍ଣନା କରିଥିଲା । ଏଥି ସହିତ ବ୍ରିଟେନ କହିଛି ଯେ ସୋମବାର ସକାଳ ସୁଦ୍ଧା 9 ଟି କ୍ରୁଜ୍-ମିସାଇଲ୍ ସଜ୍ଜିତ ରୁଷୀୟ ଜାହାଜ ବ୍ଲାକ୍ ସି ରେ ନିୟୋଜିତ ହୋଇଛି ।
ଅତ୍ୟନ୍ତ ବିପଜ୍ଜନକ ରୁଷ ସେନା
ନେସନ ମାଷ୍ଟର ରିପୋର୍ଟ ଅନୁଯାୟୀ, ରୁଷ ଏହାର ଜିଡିପିର 4.3 ପ୍ରତିଶତ ଅର୍ଥାତ୍ ପ୍ରାୟ 93.76 ବିଲିୟନ ଡ଼ଲାର୍ ସୈନ୍ୟବାହିନୀରେ ଖର୍ଚ୍ଚ କରିଥାଏ । ଏହା ସହିତ ରୁଷ ନିକଟରେ ଥିବା ସାମରିକ ପ୍ରଯୁକ୍ତିବିଦ୍ୟା ଆମେରିକା ସହ ସମାନ ବୋଲି କୁହାଯାଏ । ୟୁକ୍ରେନ୍ ଉପରେ ରୁଷ କେବଳ ଏହାର ସୈନିକମାନଙ୍କୁ ନୁହେ ବରଂ ବାୟୁସେନା ମଧ୍ୟ ନିୟୋଜିତ କରିଛି ଏବଂ ନାଟୋର ମୁକାବିଲା ପାଇଁ ରୁଷର ନୌସେନା ମଧ୍ୟ ପ୍ରସ୍ତୁତ ଅଛି । ଏଥି ସହିତ ବ୍ରିଟେନର ପ୍ରତିରକ୍ଷା ମନ୍ତ୍ରୀ ଦାବି କରିଛନ୍ତି ଯେ ରୁଷ ଆହର ସୈନ୍ୟ କ୍ଷମତାରେ 60 ପ୍ରତିଶତ କେବଳ ୟୁକ୍ରେନ ଏବଂ ବେଲାରୁଷ ନିକଟରେ ନିୟୋଜିତ କରିଛି ।
ରୁଷ-ୟୁକ୍ରେନ ସାମରିକ ଶକ୍ତି ତୁଳନା
ବିବିସି ରିପୋର୍ଟ ଅନୁଯାୟୀ, ରୁଷ ନିକଟରେ ମୋଟ 29 ଲକ୍ଷ ସୈନିକ ଥିବାବେଳେ ୟୁକ୍ରେନରେ 11 ଲକ୍ଷ ସୈନିକ ଅଛନ୍ତି । କିନ୍ତୁ, ଯଦି ଆମେ ସକ୍ରିୟ ସୈନିକମାନଙ୍କ ବିଷୟରେ କହିବା, ତେବେ ରୁଷର 9 ଲକ୍ଷ ସକ୍ରିୟ ସୈନିକ ଥିବାବେଳେ ୟୁକ୍ରେନରେ ମାତ୍ର 2 ଲକ୍ଷ ସକ୍ରିୟ ସୈନିକ ଅଛନ୍ତି । ୟୁକ୍ରେନ ନିକଟରେ ମୋଟ 98 ଟି ଯୁଦ୍ଧ ବିମାନ ଅଛି, କିନ୍ତୁ ରୁଷ ନିକଟରେ 1511 ଟି ଯୁଦ୍ଧ ବିମାନ ଅଛି । ୟୁକ୍ରେନରେ 34 ଟି ଆକ୍ରମଣ ହେଲିକପ୍ଟର ଥିବାବେଳେ ରୁଷରେ 544 ଟି ଯୁଦ୍ଧ ହେଲିକପ୍ଟର ଅଛି । ଏଥି ସହିତ, ରୁଷରେ 12 ହଜାର 240 ଟ୍ୟାଙ୍କ ଥିବାବେଳେ ୟୁକ୍ରେନରେ 2596 ଟ୍ୟାଙ୍କ ଅଛି । ସେହିପରି ରୁଷରେ 30122 ସଶସ୍ତ୍ର ଯାନ ଥିବାବେଳେ ୟୁକ୍ରେନରେ ପ୍ରାୟ 12 ହଜାର ସଶସ୍ତ୍ର ଯାନ ଅଛି । ଏଥି ସହିତ, ରୁଷରେ 7571 ଟି ଆର୍ଟିଲିରି ଥିବାବେଳେ ୟୁକ୍ରେନରେ 2040 ଟି ଆର୍ଟିଲିରି ରହିଛି ।
ୟୁକ୍ରେନକୁ ନାଟୋର ସମର୍ଥନ
ୟୁକ୍ରେନର ସାମରିକ ସାମର୍ଥ୍ୟ ରୁଷ ତୁଳନାରେ ବହୁତ କମ୍, କିନ୍ତୁ ଏହାକୁ ଆମେରିକାର ପ୍ରାଧାନ୍ୟ ନାଟୋ ସହଯୋଗୀ ଦଳ ସମର୍ଥନ କରିଛି । ଯଦିଓ ଆମେରିକା ୟୁକ୍ରେନ ଭିତରେ ସୈନ୍ୟ ପଠାଇ ନାହିଁ, କିନ୍ତୁ ପୋଲାଣ୍ଡ ଏବଂ ରୋମାନିଆରେ ନାଟୋ ସହଯୋଗୀ ଦଳକୁ ମଜବୁତ କରିବାକୁ ଆମେରିକା ଅତି କମରେ 3000 ସୈନ୍ୟ ପଠାଇଛି । ଏଥିସହିତ ଆମେରିକା ପ୍ରାୟ 8500 ସୈନିକଙ୍କୁ ସଜାଗ ରଖିଛି । ଏହା ସହିତ ଆମେରିକା ମଧ୍ୟ ୟୁକ୍ରେନକୁ ପ୍ରାୟ 20 କୋଟି ଡଲାରର ଅସ୍ତ୍ରଶସ୍ତ୍ର ପଠାଇଛି । ଆମେରିକା ୟୁକ୍ରେନକୁ ପଠାଇଥିବା ଅସ୍ତ୍ରରେ ଜାଭେଲିନ୍ ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର, ଷ୍ଟିଙ୍ଗର ଆଣ୍ଟି ଏୟାରକ୍ରାଫ୍ଟ କ୍ଷେପଣାସ୍ତ୍ର ଅନ୍ତର୍ଭୁକ୍ତ ।
ବ୍ରିଟେନ ମଧ୍ୟ ପଠାଛି ଅସ୍ତ୍ରଶସ୍ତ୍ର
ଏହା ସହିତ ବ୍ରିଟେନ ମଧ୍ୟ ୟୁକ୍ରେନକୁ ସାହାଯ୍ୟ କରିବା ପାଇଁ ଅସ୍ତ୍ରଶସ୍ତ୍ର ପଠାଇଛି । ଏଥିରେ 2000 ସ୍ୱଳ୍ପ ଦୂରଗାମୀ ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର ରହିଛି । ଏଥି ସହିତ ବ୍ରିଟେନ ମଧ୍ୟ ପୋଲାଣ୍ଡକୁ 350 ସୈନିକ ପଠାଇଛି । ସେହିପରି ବ୍ରିଟେନ୍ ମଧ୍ୟ ଏହାର ଅନେକ ଯୁଦ୍ଧ ବିମାନ ଦକ୍ଷିଣ ୟୁରୋପକୁ ପଠାଇଛି । ଏଥି ସହିତ ଭୂ ମଧ୍ୟ ସାଗରରେ ନାଟୋକୁ ସାହାଯ୍ୟ କରିବା ପାଇଁ ଏକ ନୌସେନା ଜାହାଜ ପଠାଇଛି । ଏଥି ସହିତ ବ୍ରିଟେନ ମଧ୍ୟ ଏହାର ସୈନିକଙ୍କୁ ଆଲର୍ଟ ରଖିଛି । ବ୍ରିଟେନ ବ୍ୟତୀତ ଡେନମାର୍କ, ସ୍ପେନ୍, ଫ୍ରାନ୍ସ ଏବଂ ନେଦରଲ୍ୟାଣ୍ଡ ମଧ୍ୟ ୟୁକ୍ରେନକୁ ସାହାଯ୍ୟ କରିବାକୁ ସେମାନଙ୍କର ଯୁଦ୍ଧ ବିମାନ ଏବଂ ଜାହାଜକୁ ପୂର୍ବ ୟୁରୋପରେ ଏବଂ ପୂର୍ବ ଭୂମଧ୍ୟସାଗରରେ ନିୟୋଜିତ କରିଛନ୍ତି ।
ବର୍ତ୍ତମାନ ଏହି ଆଶଙ୍କା ରହିଛି ଯେ, ରୁଷ-ୟୁକ୍ରେନ୍ ର ଏହି ବିବାଦ କୌଣସି ସମୟରେ ବିଶ୍ୱ ଯୁଦ୍ଧରେ ପରିଣତ ହୋଇପାରେ । ରୁଷ ବିରୋଧରେ ଅନେକ ୟୁରୋପୀୟ ଦେଶ ଛିଡ଼ା ହୋଇପାରନ୍ତି ।
Click it and Unblock the Notifications
Sign in with Google