କାବୁଲ ବିମାନବନ୍ଦର ଉପରେ ଆମେରିକାର ନିୟନ୍ତ୍ରଣ ଶେଷ, ବିମାନ ପାଇଁ ଜାରି କଲା ନିର୍ଦ୍ଦେଶନାମା
ଆଫଗାନିସ୍ତାନରୁ ଆମେରିକାର ସୈନ୍ୟ ପ୍ରତ୍ୟାହାର ପରେ ଆମେରିକାର ଫେଡେରାଲ ଆଭିଏସନ ଆଡମିନିଷ୍ଟ୍ରେସନ ବର୍ତ୍ତମାନ କାବୁଲର ହମିଦ କରଜଇ ଅନ୍ତର୍ଜାତୀୟ ବିମାନବନ୍ଦରକୁ ଅନିୟନ୍ତ୍ରିତ ଘୋଷଣା କରିଛି ।
କାବୁଲ : ଆଫଗାନିସ୍ତାନରୁ ଆମେରିକାର ସୈନ୍ୟ ପ୍ରତ୍ୟାହାର ପରେ ଆମେରିକାର ଫେଡେରାଲ ଆଭିଏସନ ଆଡମିନିଷ୍ଟ୍ରେସନ ବର୍ତ୍ତମାନ କାବୁଲର ହମିଦ କରଜଇ ଅନ୍ତର୍ଜାତୀୟ ବିମାନବନ୍ଦରକୁ ଅନିୟନ୍ତ୍ରିତ ଘୋଷଣା କରିଛି । ଏହି ପରିପ୍ରେକ୍ଷୀରେ ବିମାନ କର୍ମଚାରୀଙ୍କୁ ଦିଆଯାଇଥିବା ବିଜ୍ଞପ୍ତିରେ କୁହାଯାଇଛି ଯେ ବର୍ତ୍ତମାନ କାବୁଲ ବିମାନବନ୍ଦର ଆମ ଅଧୀନରେ ନାହିଁ, ତେଣୁ ଅନୁମତି ନଦେଲେ ଆମେରିକାର ନାଗରିକ ବିମାନ ଏଠାରୁ ଉଡ଼ିବ ନାହିଁ । ଆଫଗାନିସ୍ତାନର ଫ୍ଲାଇଟ୍ ଇନଫରମେସନ୍ ରିଜିଅନ୍ ବର୍ତ୍ତମାନ କ୍ଲାସ୍ ଜି ଏୟାର ସ୍ପେସ୍ ବର୍ଗରେ ଆସିଛି, ଅର୍ଥାତ୍ ଏହା ବର୍ତ୍ତମାନ ଅନିୟନ୍ତ୍ରିତ, ଯାହା ଉପରେ ଆମେରିକାର କୌଣସି ନିୟନ୍ତ୍ରଣ ନାହିଁ । କୌଣସି ବିମାନ ଯାହା କାବୁଲ ବିମାନବନ୍ଦରରୁ ଉଡ଼ାଣ କରିବ କିମ୍ବା ଏଠାରେ ଅବତରଣ କରିବ 24 ଘଣ୍ଟା ପୂର୍ବରୁ ଅନୁମତି ନେବାକୁ ପଡିବ ।
FAA ଦ୍ୱାରା ଜାରି ବିଜ୍ଞପ୍ତିରେ କୁହାଯାଇଛି ଯେ କାବୁଲ ବିମାନବନ୍ଦରରେ ଯେକୌଣସି ପ୍ରକାର ବିମାନ ଟ୍ରାଫିକ ନିୟନ୍ତ୍ରଣ କିମ୍ବା ବିମାନବନ୍ଦର ସେବା ଉପଲବ୍ଧ । କୌଣସି ବିମାନ କାବୁଲରୁ ଉଡ଼ାଣ ଭରେ କିମ୍ବା କାବୁଲରେ ଅବତରଣ କରେ ତଥା କାବୁଲ ଦେଇ ଗତି କରେ, ତେବେ ସେମାନଙ୍କୁ ବହୁତ ସତର୍କ ହେବା ଆବଶ୍ୟକ । ଆଫଗାନିସ୍ତାନ ନିର୍ଦ୍ଧାରିତ ମାନଦଣ୍ଡ ଅନୁସରଣ କରିବା ଉଚିତ୍ ।
ଆମେ ଆପଣଙ୍କୁ କହିରଖୁଛୁ, କାବୁଲ ବିମାନବନ୍ଦରରେ ଆମେରିକା ବିମାନ ଚଳାଚଳ ନିୟନ୍ତ୍ରଣ ଦାୟିତ୍ୱ ନେଇଥିଲା, ଏହି ସମୟରେ ହଜାର ହଜାର ଲୋକଙ୍କୁ ଅନ୍ୟ ଦେଶକୁ ପଠାଇବାରେ ସହାୟତା କରାଯାଇଥିଲା । କିନ୍ତୁ ଆଫଗାନିସ୍ତାନରୁ ଆମେରିକାର ସୈନ୍ୟ ପ୍ରତ୍ୟାହାର ପରେ ଆମେରିକାର ଏହା ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ଶେଷ ହୋଇଛି ।
ସୂଚନାଯୋଗ୍ୟ ଯେ ତାଲିବାନ ଆଫଗାନିସ୍ତାନ ଉପରେ ନିୟନ୍ତ୍ରଣ ହାସଲ କରିଛି । ଅଗଷ୍ଟ 15 ରେ ତାଲିବାନ ଆଫଗାନିସ୍ତାନର ରାଜଧାନୀ କାବୁଲରେ ପ୍ରବେଶ କରିଥିଲା । ଅଗଷ୍ଟ 30 ସୁଦ୍ଧା ଆମେରିକା ଆଫଗାନିସ୍ତାନରୁ ନିଜର ସମସ୍ତ ସୈନ୍ୟବାହିନୀ ପ୍ରତ୍ୟାହାର କରିନେଇଛି । ଏହି ସମୟରେ କାବୁଲ ବିମାନ ବନ୍ଦରରେ ଅନେକ ବୋମା ବିସ୍ଫୋରଣ ହୋଇଥିଲା, ସେଠାରେ ବିଶୃଙ୍ଖଳା ହୋଇଥିଲା, ଯେଉଁଥିରେ ଅନେକ ଲୋକ ପ୍ରାଣ ହରାଇଥିଲେ ।
Click it and Unblock the Notifications
Sign in with Google