'ମୁଁ ଆପଣଙ୍କ ଅଟୋଗ୍ରାଫ୍ ନେବା ଉଚିତ୍ ... ', ପ୍ରଧାନମନ୍ତ୍ରୀ ମୋଦୀଙ୍କୁ କହିଲେ ରାଷ୍ଟ୍ରପତି ବାଇଡେନ

Published: Monday, May 22, 2023, 17:52 [IST]

ଜାପାନର ହିରୋସୀମାଠାରେ ଚାଲିଥିବା G7 ଶିଖର ସମ୍ମିଳନୀରେ ଆମେରିକା ରାଷ୍ଟ୍ରପତି ଜୋ ବାଇଡେନ ଏବଂ ଭାରତର ପ୍ରଧାନମନ୍ତ୍ରୀ ମୋଦୀଙ୍କ ନିବିଡ଼ ସମ୍ପର୍କର ଝଲକ ଦେଖିବାକୁ ମିଳିଛି । ମୋଦୀଙ୍କୁ ଦେଖି ବାଇଡେନ ତାଙ୍କ ପାଖକୁ ଆସିବା ସହ ତାଙ୍କୁ ଆଲିଙ୍ଗନ କରିଥିଲେ । ଉଭୟ ନେତା G7 ବୈଠକରେ ଯୋଗଦେବା ସହିତ QUAD ବୈଠକରେ ମଧ୍ୟ ଯୋଗ ଦେଇଥିଲେ, କିନ୍ତୁ ଏହି ସମୟରେ ଏକ ମଜାଦାର ଘଟଣା ଦେଖିବାକୁ ମିଳିଥିଲା ।

ରିପୋର୍ଟ ଅନୁଯାୟୀ, ଏହି ସମୟରେ ଆମେରିକାର ରାଷ୍ଟ୍ରପତି ଜୋ ବାଇଡେନ ପ୍ରଧାନମନ୍ତ୍ରୀ ମୋଦୀଙ୍କ ଅଟୋଗ୍ରାଫ୍ ମାଗିଛନ୍ତି । ନ୍ୟୁଜ୍ ଏଜେନ୍ସି ANI ର ରିପୋର୍ଟରେ ସୂତ୍ରରୁ ପ୍ରକାଶ ଯେ, ଏହି ଉପାୟରେ ଜନତାଙ୍କୁ ପରିଚାଳନା କରିବା ପାଇଁ ରାଷ୍ଟ୍ରପତି ବାଇଡେନ ପ୍ରଧାନମନ୍ତ୍ରୀ ମୋଦୀଙ୍କଠାରୁ ଅଟୋଗ୍ରାଫ୍ ମାଗିଛନ୍ତି ।

ANI ଅନୁଯାୟୀ, କ୍ୟୁ କ୍ୱାଡର ବୈଠକରେ ରାଷ୍ଟ୍ରପତି ଜୋ ବାଇଡେନ ପ୍ରଧାନମନ୍ତ୍ରୀ ମୋଦୀଙ୍କ ନିକଟକୁ ଆସି ତାଙ୍କୁ କହିଥିଲେ ଯେ ମୁଁ ଆପଣଙ୍କ କାର୍ଯ୍ୟକ୍ରମରେ ଯୋଗଦେବା ପାଇଁ ନାଗରିକଙ୍କଠାରୁ ବହୁତ୍ ଅନୁରୋଧ ପାଉଛି । ଯେତେବେଳେ ବାଇଡେନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ତାଙ୍କ କାର୍ଯ୍ୟକ୍ରମ ସମୟରେ ଜନତାଙ୍କୁ ପରିଚାଳନା କରିବା କଥା କହୁଥିଲେ, ସେତେବେଳେ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଆନ୍ଥୋନୀ ଆଲବାନେ ମଧ୍ୟ ବାଇଡେନଙ୍କ କଥାରେ ସହମତି ହୋଇଥିଲେ ।

ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଆଲବାନି ପ୍ରଧାନମନ୍ତ୍ରୀ ମୋଦୀଙ୍କୁ କହିଛନ୍ତି ଯେ ସିଡନୀରେ ପ୍ରଧାନମନ୍ତ୍ରୀ ମୋଦୀଙ୍କ ସ୍ୱାଗତ କରିବା ପାଇଁ ଆୟୋଜିତ ଏହି କାର୍ଯ୍ୟକ୍ରମରେ 20 ହଜାର ଲୋକ ଯୋଗଦେବାର କ୍ଷମତା ରହିଛି । କିନ୍ତୁ ଏହି କାର୍ଯ୍ୟକ୍ରମରେ ଯୋଗଦେବା ପାଇଁ ମିଳୁଥିବା ଅନୁରୋଧ ପୂରଣ କରିବାରେ ସକ୍ଷମ ନୁହଁ ।

ଉଭୟ ରାଷ୍ଟ୍ରପତି ବାଇଡେନ ଏବଂ ପ୍ରଧାନମନ୍ତ୍ରୀ ଆଲବାନିସ୍ ପିଏମ ମୋଦୀଙ୍କ ନିକଟରେ ସେମାନଙ୍କର ବିଶେଷ ଆହ୍ୱାନ ବିଷୟରେ ଅଭିଯୋଗ କରିଥିଲେ । ଭାରତ-ଅଷ୍ଟ୍ରେଲିଆ କ୍ରିକେଟ୍ ମ୍ୟାଚ୍ ସମୟରେ ନରେନ୍ଦ୍ର ମୋଦୀ ଷ୍ଟାଡିୟମରେ ତାଙ୍କୁ 90,000 ରୁ ଅଧିକ ଲୋକ କିପରି ଅଭିବାଦନ ଜଣାଇତିଲେ ସେ ନେଇ ମଧ୍ୟ କହିଥିଲେ । ଏହା ପରେ ଆମେରିକାର ରାଷ୍ଟ୍ରପତି ଜୋ ବାଇଡେନ ପିଏମ ମୋଦୀଙ୍କୁ କହିଥିଲେ ମୁଁ ଆପଣଙ୍କର ଅଟୋଗ୍ରାଫ ନେବା ଉଚିତ ।

Published On May 22, 2023