ରୁଷ ଉପରେ ପାଲଟା ଆକ୍ରମଣ କଲା ୟୁକ୍ରେନ, ଟାର୍ଗେଟରେ ସାମରିକ ଏୟାରବେସ

ରୁଷର ନ୍ୟୁଜ୍ ଏଜେନ୍ସିମାନେ ଦାବି କରିଛନ୍ତି ଯେ ୟୁକ୍ରେନ ରୁଷ ଭିତରେ ପ୍ରବେଶ କରିଛି ଏବଂ ଏହାର ଏୟାରବେସ ଉପରେ ଆକ୍ରମଣ କରିଛି । ଏହି ଆକ୍ରମଣରେ ତିନି ଜଣ ରୁଷ ସେନା ନିହତ ହୋଇଛନ୍ତି ।

Published: Monday, December 26, 2022, 14:20 [IST]

ନୂଆଦିଲ୍ଲୀ: ରୁଷ-ୟୁକ୍ରେନ୍ ମଧ୍ୟରେ ଲାଗି ରହିଥିବା ଯୁଦ୍ଧ ଥମିବାର ନାମ ନେଉନାହିଁ । ରୁଷର ନ୍ୟୁଜ୍ ଏଜେନ୍ସିମାନେ ଦାବି କରିଛନ୍ତି ଯେ ୟୁକ୍ରେନ ରୁଷ ଭିତରେ ପ୍ରବେଶ କରିଛି ଏବଂ ଏହାର ଏୟାରବେସ ଉପରେ ଆକ୍ରମଣ କରିଛି । ଏହି ଆକ୍ରମଣରେ ତିନି ଜଣ ରୁଷ ସେନା ନିହତ ହୋଇଛନ୍ତି । ପ୍ରତିରକ୍ଷା ମନ୍ତ୍ରଣାଳୟର ସୂଚନା ଦେଇ ରୁଷର ନ୍ୟୁଜ୍ ଏଜେନ୍ସି ରିପୋର୍ଟ କରିଛି ଯେ ରୁଷର ସାରାଟୋଭ ଅଞ୍ଚଳର ଏକ ବେସ ଉପରେ ଆକ୍ରମଣ ସମୟରେ ୟୁକ୍ରେନ ଡ୍ରୋନ ଗୁଳି ଚଳାଇବା ଫଳରେ ରୁଷର ତିନିଜଣ ସେନାଙ୍କ ମୃତ୍ୟୁ ହୋଇଛି ।

ନ୍ୟୁଜ୍ ଏଜେନ୍ସିଗୁଡିକ ରୁଷର ପ୍ରତିରକ୍ଷା ମନ୍ତ୍ରଣାଳୟ ସୂତ୍ରରୁ ପ୍ରକାଶ କରିଛନ୍ତି ଯେ, ସରାଟୋଭ୍ ଅଞ୍ଚଳର ଏଙ୍ଗେଲସ୍ ସାମରିକ ଏୟାରଫିଲ୍ଡ ନିକଟରେ ୟୁକ୍ରେନର ମାନବ ବିହୀନ ଡ୍ରୋନ୍ ଗୁଳି ଚଳାଇଥିଲା । ଡ୍ରୋନର ଏହି ଗୁଳି ମାଡ଼ରେ ତିନି ଜଣ ସୈନିକଙ୍କ ମୃତ୍ୟୁ ହୋଇଛି ।

" ରିପୋର୍ଟ ଅନୁଯାୟୀ, ମସ୍କୋର ପ୍ରାୟ 730 କିଲୋମିଟର ଦକ୍ଷିଣ-ପୂର୍ବରେ ଏବଂ ୟୁକ୍ରେନର ଫ୍ରଣ୍ଟ ଲାଇନଠାରୁ ଶହ ଶହ କିଲୋମିଟର ଦୂରରେ ଥିବା ସରାଟୋଭ ସହର ନିକଟରେ ଅବସ୍ଥିତ ଏହି ବେସ ଉପରେ ପୂର୍ବରୁ ଡିସେମ୍ବର 5 ରେ ୟୁକ୍ରେନ ଆକ୍ରମଣ କରିଥିଲା । ରୁଷ ଦାବି କରିଛି ଯେ ୟୁକ୍ରେନ ଡ୍ରୋନ ରୁଷ ଭିତରେ ପ୍ରବେଶ କରି ଏହାର ଦୁଇଟି ଏୟାର ବେସକୁ ଟାର୍ଗେଟ କରିବାକୁ ଚେଷ୍ଟା କରିଛି । ଏଥି ସହିତ ସାମରିକ ବିଶ୍ଳେଷକମାନେ କହିଛନ୍ତି ଯେ ଏହି ଦୁଇଟି ଆକ୍ରମଣ ରୁଷର ସାମରିକ ପ୍ରତିଷ୍ଠାନରେ ବ୍ୟାପକ କ୍ଷତି ପହଞ୍ଚାଇବା ସହିତ ରୁଷର ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ରୁଷର ସୁରକ୍ଷା କାହିଁକି ବିଫଳ ହୋଇଛି ଏବଂ ବାୟୁ ପ୍ରତିରକ୍ଷା ପ୍ରଣାଳୀ ୟୁକ୍ରେନର ଡ୍ରୋନଗୁଡ଼ିକୁ ଚିହ୍ନଟ କରିବାରେ ଏବଂ ଗୁଳି ଚଳାଇବାରେ ବିଫଳ ହୋଇଛି ବୋଲି ପ୍ରଶ୍ନ ଉଠିଛି ।

ଯଦିଓ ରୁଷରେ ହୋଇଥିବା ଆକ୍ରମଣ ପାଇଁ ୟୁକ୍ରେନ ନିଜକୁ ଦାୟୀ କରିନାହିଁ, କିନ୍ତୁ ରୁଷର ଆକ୍ରମଣ ପାଇଁ ଏଭଳି ଘଟଣା "କର୍ମ" ବୋଲି ୟୁକ୍ରେନ କହିଛି । ରୁଷର ବିମାନ ଉପକରଣ ନଷ୍ଟ ହୋଇନଥିବା ନେଇ ରୁଷ ପ୍ରତିରକ୍ଷା ମନ୍ତ୍ରଣାଳୟ ଦାବି କରୁଥିବା ବେଳେ ଅନୌପଚାରିକ ଭାବେ ରୁଷ ଏବଂ ୟୁକ୍ରେନ ସୋଶାଲ ମିଡିଆ ରିପୋର୍ଟ ଅନୁଯାୟୀ ଅନେକ ବିମାନ ନଷ୍ଟ ହୋଇଯାଇଛି ।

Published On December 26, 2022