ମୁମ୍ବାଇ 26/11 ଆକ୍ରମଣରେ ସାମିଲ ଥିଲେ 11 ଲସ୍କର ଆତଙ୍କବାଦୀ : ଏଫ୍ଆଇଏ(ପାକିସ୍ତାନ)

2008 ନଭେମ୍ବର 26 ତାରିଖରେ ମୁମ୍ବାଇ ତାଜ ହୋଟେଲ ସମେତ ଅନ୍ୟ 6ଟି ସ୍ଥାନରେ ହୋଇଥିବା ଆତଙ୍କବାଦୀ ଆକ୍ରମଣରେ ପାକିସ୍ତାନର 11ଜଣ ଆତଙ୍କବାଦୀ ସାମିଲ ଥିଲେ | ସେମାନେ ଆତଙ୍କବାଦୀ ସଙ୍ଗଠନ ଲସ୍କର-ଏ-ତୋଇବାର ସଦସ୍ୟ ଥିବା ପାକିସ୍ତାନ ଫେଡେରାଲ ଇନଭେଷ୍ଟିଗେସନ୍ ଏଜେନ୍ସି(ଏଫ୍ଆଇଏ) ସ୍ୱୀକାର କରିଛି |

ପାକିସ୍ତାନ : 2008 ନଭେମ୍ବର 26 ତାରିଖରେ ମୁମ୍ବାଇ ତାଜ ହୋଟେଲ ସମେତ ଅନ୍ୟ 6ଟି ସ୍ଥାନରେ ହୋଇଥିବା ଆତଙ୍କବାଦୀ ଆକ୍ରମଣରେ ପାକିସ୍ତାନର 11ଜଣ ଆତଙ୍କବାଦୀ ସାମିଲ ଥିଲେ | ସେମାନେ ଆତଙ୍କବାଦୀ ସଙ୍ଗଠନ ଲସ୍କର-ଏ-ତୋଇବାର ସଦସ୍ୟ ଥିବା ପାକିସ୍ତାନ ଫେଡେରାଲ ଇନଭେଷ୍ଟିଗେସନ୍ ଏଜେନ୍ସି(ଏଫ୍ଆଇଏ) ସ୍ୱୀକାର କରିଛି | ସମ୍ପୃକ୍ତ ଆତଙ୍କବାଦୀଙ୍କ ବିରୋଧରେ ପାକିସ୍ତାନ ଦୃଢ କାର୍ଯ୍ୟାନୁଷ୍ଠାନ ନେବାକୁ ନିଷ୍ପତ୍ତି ନେଇଛି | ଏନେଇ ଏଉ୍ଆଇଏ 1210ଜଣ ମୋଷ୍ଟ ଓ୍ୱାଣ୍ଟେଡ୍ ଆତଙ୍କବାଦୀଙ୍କ ତାଲିକା ପ୍ରସ୍ତୁତ କରିଛି | ଏହି ତାଲିକାରେ ମୁମ୍ବାଇ ଆକ୍ରମଣରେ ବ୍ୟବହୃତ ଡଙ୍ଗାକୁ କିଣିଥିବା ମୁଲତାନର ମହମ୍ମଦ ଅମଜାଦ ଖାନ୍ ପାକିସ୍ତାନରେ ଅଛି ବୋଲି ପାକିସ୍ତାନ ସ୍ୱୀକାର କରିଛି |

ଡଙ୍ଗାରେ ଥିବା 9 ଜଣ ଆତଙ୍କବାଦୀ ହେଲେ, ସାହିଓ୍ୱାଲ ଜିଲ୍ଲାର ମହମ୍ମଦ ଉସମାନ୍, ଲାହୋରର ଅତିଖ୍-ଉର୍-ରେହମାନ୍, ହାଫିଜାବାଦର ରିଆଜ୍ ଅହମ୍ମଦ୍, ଗୁଜ୍ରାନ୍ଓ୍ୱାଲାର ମହମ୍ମଦ ମୁସ୍ତାକ୍, ଡେରା ଘାଜିଖାନ୍ ଜିଲ୍ଲାର ମହମ୍ମଦ ନଇମ୍, ସରଗୋଧା ଜିଲ୍ଲାର ଅବଦୁଲ୍ ସାକୋର୍, ମୁଲତାନ୍ ଜିଲ୍ଲାର ମହମ୍ମଦ ସବୀର, ଲୋଧରାନ୍ ଜିଲ୍ଲାର ମହମ୍ମଦ ଉସମାମ୍, ରହିମୟାର ଜିଲ୍ଲାର ସାକିଲ୍ ଅହମ୍ମଦ | ଏହି 9ଜଣ ଆତଙ୍କବାଦୀ ସଙ୍ଗଠନ ଲସ୍କର-ଏ-ତୋଇବାର ସଦସ୍ୟ |

ସୂଚନାଯୋଗ୍ୟ, 16/11ରେ ହୋଇଥିବା ଏହି ଆତଙ୍କବାଦୀ ଆକ୍ରମଣରେ ପ୍ରାୟ 160 ଜଣ ପ୍ରାଣ ହରାଇଥିଲେ | 60 ଘଣ୍ଟା ଧରି ସୁରକ୍ଷା କର୍ମୀ ଏବଂ ଆତଙ୍କବାଦୀଙ୍କ ମଧ୍ୟରେ ହୋଇଥିବା ଏହି ଗୁଳି ବିନିମୟରେ ବହୁ ମୁମ୍ବାଇ ପୋଲିସ ଓ ସୁରକ୍ଷା କର୍ମୀ ସହିଦ୍ ହୋଇଥିଲେ |

English summary

11 terrorist were involed in 26/11 Mumbai attack in 2008. Nine of them are from Laskar-e-Toiba terrorist oraganisation, said : Federal Investigation Agency, Pakistan.