କରାଚି ପୋଲିସ ମୁଖ୍ୟାଳୟ ଉପରେ 10 ଜଣ ଆତଙ୍କବାଦୀ ଆକ୍ରମଣ କରିଥିଲେ, 2 ଆତଙ୍କୀ ନିହତ
ପାକିସ୍ତାନର କରାଚିସ୍ଥିତ ଶାହରାହ-ଇ-ଫୈସଲ ଅଞ୍ଚଳରେ ଅବସ୍ଥିତ ପୋଲିସ ମୁଖ୍ୟାଳୟ ଉପରେ ଆତଙ୍କବାଦୀ ଆକ୍ରମଣ କରିଛନ୍ତି । 8 ରୁ 10 ଜଣ ଆତଙ୍କବାଦୀ ଆକ୍ରମଣ କରିଥିବା କୁହାଯାଉଛି ।
ଇସଲାମାବାଦ: ପାକିସ୍ତାନର କରାଚିସ୍ଥିତ ଶାହରାହ-ଇ-ଫୈସଲ ଅଞ୍ଚଳରେ ଅବସ୍ଥିତ ପୋଲିସ ମୁଖ୍ୟାଳୟ ଉପରେ ଆତଙ୍କବାଦୀ ଆକ୍ରମଣ କରିଛନ୍ତି । 8 ରୁ 10 ଜଣ ଆତଙ୍କବାଦୀ ଆକ୍ରମଣ କରିଥିବା କୁହାଯାଉଛି । ପାକିସ୍ତାନୀ ଗଣମାଧ୍ୟମ ଅନୁଯାୟୀ, ମୁଖ୍ୟାଳୟରେ 10 ରୁ ଅଧିକ ଆତଙ୍କବାଦୀ ଉପସ୍ଥିତ ଥାଇପାରନ୍ତି । ଏହା ସହିତ ଆତଙ୍କବାଦୀମାନେ ମଧ୍ୟ ବହୁ ମହଲା କୋଠା ଭିତରକୁ ପ୍ରବେଶ କରିଛନ୍ତି । ତେବେ ସୁରକ୍ଷା ବାହିନୀ ଏବଂ ପୋଲିସ ଏହି ଅଞ୍ଚଳକୁ ଘେରି ରହିଛନ୍ତି । ଉଭୟ ପାର୍ଶ୍ୱରୁ ଗୁଳି ବିନିମୟ ଜାରି ରହିଛି । ଗୁଳି ବିନିମୟରେ 2 ଆତଙ୍କୀ ନିହଚ ହୋଇଥିବା ଖବର ରହିଛି । କରାଚି ପୋଲିସ ମୁଖ୍ୟାଳୟ ଉପରେ ଚାଲିଥିବା ଆକ୍ରମଣ ପାଇଁ ତେହେରିକ-ଇ-ତାଲିବାନ ପାକିସ୍ଥାନ (ଟିଟିପି) ନିଜକୁ ଦାୟୀ କରିଛି ।
ସ୍ଥାନୀୟ ଗଣମାଧ୍ୟମ ଅନୁଯାୟୀ, କରାଚି ପୋଲିସ ମୁଖ୍ୟଙ୍କ କାର୍ଯ୍ୟାଳୟରେ ପ୍ରବେଶ କରିବା ପୂର୍ବରୁ ଆତଙ୍କବାଦୀମାନେ ହ୍ୟାଣ୍ଡ ଗ୍ରେନେଡ ଫିଙ୍ଗିଥିଲେ ଏବଂ ପରେ ଗୁଳି ଚଳାଇଥିଲେ । ପୋଲିସ ସୂତ୍ରରୁ ପ୍ରକାଶ ଯେ ପାରାମିଲିଟାରୀ ରେଞ୍ଜର, ପୋଲିସ ଏବଂ ଆକ୍ରମଣକାରୀଙ୍କ ମଧ୍ୟରେ ପ୍ରବଳ ଗୁଳି ବିନିମୟ ଚାଲିଛି । ଆକ୍ରମଣକାରୀଙ୍କୁ ଘେରି ରହିବା ପାଇଁ ତୁରନ୍ତ ଜିଲ୍ଲା ତଥା ଅଞ୍ଚଳର ସମସ୍ତ ମୋବାଇଲ୍ ଭ୍ୟାନ୍ କୁ ଘଟଣାସ୍ଥଳକୁ ଡକାଯାଇଛି । ସିନ୍ଧ ମୁଖ୍ୟମନ୍ତ୍ରୀ ମୁରାଦ ଅଲି ଶାହା କହିଛନ୍ତି ଯେ କୌଣସି ପରିସ୍ଥିତିରେ ଏହି ଆକ୍ରମଣକୁ ବରଦାସ୍ତ କରାଯିବ ନାହିଁ । ଏହି ଆକ୍ରମଣରେ ଜଡିତ ଥିବା ଲୋକଙ୍କୁ ଗିରଫ କରିବାକୁ ନିର୍ଦ୍ଦେଶ ଦିଆଯାଇଛି ।
ଅଧିକାରୀଙ୍କ କହିବାନୁସାରେ, ଆତଙ୍କବାଦୀମାନେ ବିଭିନ୍ନ ଦଳରେ ବିଭକ୍ତ ହୋଇ ଆକ୍ରମଣ କରିଥିଲେ । ସେମାନେ ଗ୍ରେନେଡ ଫୋପାଡି ଲଗାତାର ଗୁଳି ଚଳାଉଛନ୍ତି । ଆତଙ୍କବାଦୀଙ୍କ ପ୍ରକୃତ ସଂଖ୍ୟା ବିଷୟରେ ସ୍ପଷ୍ଟ ଭାବେ କୁହାଯାଇପାରିବ ନାହିଁ ବୋଲି ସେ କହିଛନ୍ତି । ଆତଙ୍କବାଦୀଙ୍କ ଗୁଳିରେ 3 ଜଣ ଯବାନ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ ସାଜିଦ ସ୍ଥାନୀୟ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।
ରେଞ୍ଜର୍ସ ମୁଖପାତ୍ର କହିଛନ୍ତି ଯେ ଫୋର୍ସ ଘଟଣାସ୍ଥଳରେ ପହଞ୍ଚିଛି ଏବଂ ଏହି ଅଞ୍ଚଳକୁ କର୍ଡନ କରାଯାଇଛି । ଆତଙ୍କବାଦୀଙ୍କ ବିରୋଧରେ ରେଞ୍ଜର୍ସ ପୋଲିସ ସହ ଅପରେସନ୍ ଆରମ୍ଭ କରିଛନ୍ତି । ପୋଲିସ ସର୍ଜନ ଡକ୍ଟର ସୟଦ କହିଛନ୍ତି ଯେ ଜଣେ କାର୍ଯ୍ୟକର୍ତ୍ତା, ଜଣେ ପୋଲିସ କର୍ମଚାରୀ ଏବଂ ଜଣେ ରେଞ୍ଜର ଆହତ ହୋଇଛନ୍ତି । ପରିସ୍ଥିତିକୁ ନିୟନ୍ତ୍ରଣକୁ ନିଆଯିବ ବୋଲି ଦକ୍ଷିଣ ଡିଜି ଇରଫାନ ବାଲୋଚ କହିଛନ୍ତି ।
Click it and Unblock the Notifications
Sign in with Google