ଆଫଗାନିସ୍ତାନ : କାବୁଲକୁ ବିମାନ ଚଳାଚଳ ଆରମ୍ଭ କରିବାକୁ ଭାରତକୁ ତାଲିବାନୀ ସରକାରର ଚିଠି
ଆଫଗାନିସ୍ତାନର ଇସଲାମିକ୍ ଏମିରେଟ୍ ଡିଜିଏଲ୍ (ସିଭିଲ୍ ଆଭିଏସନ୍ ଡାଇରେକ୍ଟୋରେଟ୍) କାବୁଲକୁ ବ୍ୟବସାୟିକ ବିମାନ ଉଡ଼ାଣ ଆରମ୍ଭ କରିବାକୁ ଏକ ଚିଠି ଲେଖିଛି । ଏହା ପରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ (MoCA) ଦ୍ୱାରା ଏହି ଚିଠିର ସମୀକ୍ଷା କରାଯାଉଛି ।
ନୂଆଦିଲ୍ଲୀ : 15 ଅଗଷ୍ଟରେ, ତାଲିବାନୀମାନେ ଆଫଗାନିସ୍ତାନ କ୍ଷମତା ଦଖଲ କରିଥିଲେ, ଯାହା ପରେ ସାରା ଦେଶରେ ହଇଚଇ ସୃଷ୍ଟି ହୋଇଥିଲା । ଲୋକମାନେ ନିଜ ଜୀବନ ରକ୍ଷା କରିବାକୁ ଅନ୍ୟ ଦେଶକୁ ପଳାଇବାକୁ ଚେଷ୍ଟା କରୁଥିଲେ । ଏହି ସମୟରେ ଅନେକ ହିଂସାତ୍ମକ ଘଟଣା ମଧ୍ୟ ସାମ୍ନାକୁ ଆସିଥିଲା । ତାଲିବାନ ଆଫଗାନିସ୍ତାନରେ କ୍ଷମତା ଗ୍ରହଣ କରିବା ପରେ ଭାରତ ସମେତ ଅନେକ ଦେଶ ସେଠାରୁ ଲୋକଙ୍କୁ ସ୍ଥାନାନ୍ତର କରିବା ପାଇଁ ଅପରେସନ୍ କରିଥିଲେ । ତାଲିବାନ ପରିସ୍ଥିତିକୁ ଅନୁଭବ କରି ଭାରତ ଅଗଷ୍ଟ 15 ପରେ ଆଫଗାନିସ୍ତାନର ରାଜଧାନୀ କାବୁଲକୁ ସମସ୍ତ ବାଣିଜ୍ୟିକ ବିମାନ ବନ୍ଦ କରିଦେଇଥିଲା । ଏଥିସହ ତାଲିବାନର ଇସଲାମିକ୍ ଏମିରେଟ୍ ଡିଜିସିଏକୁ ଏକ ଚିଠି ଲେଖି ପୁଣି ବିମାନ ସେବା ଆରମ୍ଭ କରିବାକୁ କହିଛି ।
ସୂଚନାନୁସାରେ, ଆଫଗାନିସ୍ତାନର ଇସଲାମିକ୍ ଏମିରେଟ୍ ଡିଜିଏଲ୍ (ସିଭିଲ୍ ଆଭିଏସନ୍ ଡାଇରେକ୍ଟୋରେଟ୍) କାବୁଲକୁ ବ୍ୟବସାୟିକ ବିମାନ ଉଡ଼ାଣ ଆରମ୍ଭ କରିବାକୁ ଏକ ଚିଠି ଲେଖିଛି । ଏହା ପରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ (MoCA) ଦ୍ୱାରା ଏହି ଚିଠିର ସମୀକ୍ଷା କରାଯାଉଛି ।
ଆଫଗାନିସ୍ତାନର ଇସଲାମିକ୍ ଏମିରେଟ୍ ଘୋଷଣା ପରେ ଏହି ଚିଠି ମାଧ୍ୟମରେ ତାଲିବାନୀ ସରକାରଙ୍କ ଦ୍ୱାରା ପ୍ରଥମ ସରକାରୀ ଆଲୋଚନା ଆରମ୍ଭ ହୋଇଛି । ଆପଣଙ୍କୁ କହିରଖୁଛୁ ଯେ ଅଗଷ୍ଟ 15 ତାରିଖରୁ ଭାରତ ଆଫଗାନିସ୍ତାନକୁ ବିମାନ ଚଳାଚଳ ବନ୍ଦ କରି ଦେଇଥିଲା, ଯଦିଓ ତାଲିବାନର ଭୟ ମଧ୍ୟରେ ଫସି ରହିଥିବା ଭାରତୀୟ ନାଗରିକଙ୍କୁ ସେଠାରୁ ଆଣିବା ପାଇଁ ଉଦ୍ଧାର କାର୍ଯ୍ୟ କରାଯାଇଥିଲା, ଯେଉଁଥିରେ ସ୍ୱତନ୍ତ୍ର ବିମାନ ବ୍ୟବହାର କରି ଲୋକଙ୍କୁ କାବୁଲ ବିମାନବନ୍ଦରରୁ ଦେଶକୁ ଆଣିବା ପାଇଁ ଅନୁମତି ଦିଆଯାଇଥିଲା ।
Taliban's Islamic Emirate of Afghanistan writes to DGCA (Directorate General of Civil Aviation) to resume commercial flights to Afghanistan (Kabul). Letter under review by Ministry of Civil Aviation (MoCA).
India had stopped all commercial flight operations to Kabul post 15 Aug. pic.twitter.com/8LO96j6EkK
— ANI (@ANI) September 29, 2021
ଏଥି ସହିତ ଗଣମାଧ୍ୟମର ରିପୋର୍ଟ ଅନୁଯାୟୀ ତାଲିବାନ ପଠାଇଥିବା ଚିଠିକୁ ସେଠାରେ ସରକାରଙ୍କ ବିମାନ ଚଳାଚଳ ମନ୍ତ୍ରୀ ଅଲହାଜ ହମିଦୁଲ୍ଲା ଅଖୁନଜାଦା ଲେଖିଛନ୍ତି । ଯେଉଁଥିରେ କୁହାଯାଇଛି ଯେ ଆଫଗାନିସ୍ତାନର ଇସଲାମିକ୍ ଏମିରେଟ୍ ଦୁଇ ଦେଶ ମଧ୍ୟରେ ଯାତ୍ରୀଙ୍କ ଗତିବିଧିକୁ ପୁନଃସ୍ଥାପିତ କରିବା ଉଦ୍ଦେଶ୍ୟରେ ଏହି ଚିଠି ଲେଖୁଛି । ଦୁଇ ଦେଶ ମଧ୍ୟରେ ଯାତ୍ରୀଙ୍କ ଗତିବିଧି ଆରମ୍ଭ କରାଯାଇପାରିବ ।
Click it and Unblock the Notifications
Sign in with Google