ଡ୍ରାଗନ୍‌କୁ ଜବାବ ଦେବାକୁ ପ୍ରସ୍ତୁତ ହେଉଛି ତାଇୱାନ, ଅତ୍ୟାଧୁନିକ ଅସ୍ତ୍ରଶସ୍ତ୍ର ସହିତ କରୁଛି ଯୁଦ୍ଧାଭ୍ୟାସ

ନାନସୀ ପେଲୋସି ତାଇୱାନରେ ପହଞ୍ଚିବା ପରଠାରୁ ଚୀନ୍ ତାଇୱାନ ଷ୍ଟ୍ରେଟ୍ ରେ ଯୁଦ୍ଧଭ୍ୟାସ ଆରମ୍ଭ କରିଥିଲା । କିନ୍ତୁ ବର୍ତ୍ତମାନ ତାଇୱାନ ମଧ୍ୟ ଏହାର ଜବାବ ଦେବାକୁ ପ୍ରସ୍ତୁତ ହେଉଛି ।

ତାଇପେଇ : ଆମେରିକାର ବାଚସ୍ପତି ନାନସୀ ପେଲୋସିଙ୍କ ତାଇପେଇ ଗସ୍ତ ପରେ ଚୀନ୍ ଏବଂ ତାଇୱାନ ମଧ୍ୟରେ ବିବାଦ ବଢିବାରେ ଲାଗିଛି । ଏପରି ଲାଗୁଛି ଯେ ଉଭୟ ପାର୍ଶ୍ୱରୁ କୌଣସି ଏକ ଛୋଟ ଭୁଲ ସମଗ୍ର ଦ୍ୱୀପକୁ ଧ୍ୱଂସ କରିଦେବ । ନାନସୀ ପେଲୋସି ତାଇୱାନରେ ପହଞ୍ଚିବା ପରଠାରୁ ଚୀନ୍ ତାଇୱାନ ଷ୍ଟ୍ରେଟ୍ ରେ ଯୁଦ୍ଧଭ୍ୟାସ ଆରମ୍ଭ କରିଥିଲା । କିନ୍ତୁ ବର୍ତ୍ତମାନ ତାଇୱାନ ମଧ୍ୟ ଏହାର ଜବାବ ଦେବାକୁ ପ୍ରସ୍ତୁତ ହେଉଛି । ନ୍ୟୁଜ୍ ଏଜେନ୍ସି AFP ରିପୋର୍ଟ ଅନୁଯାୟୀ, ଯୁଦ୍ଧାଭ୍ୟାସ ସ୍ଥାନରେ ଉପସ୍ଥିତ ଜଣେ ସାମ୍ବାଦିକ କହିଛନ୍ତି ଯେ ମଙ୍ଗଳବାର ଦିନ ତାଇଲାନ୍ ଏକ ଆର୍ଟିଲିରି ଡ୍ରିଲ୍ ଆରମ୍ଭ କରିଛନ୍ତି ।

ତାଇୱାନର ଅଷ୍ଟମ ଆର୍ମି କର୍ପସ ମୁଖପାତ୍ର ଲୁ ୱୋଇ-ଜେ ନିଶ୍ଚିତ କରିଛନ୍ତି ଯେ 0040 GMT ପରେ ଦକ୍ଷିଣ କାଉଣ୍ଟି ପିଙ୍ଗଟଙ୍ଗରେ ଡ୍ରିଲ ଆରମ୍ଭ ହୋଇଥିଲା । ସେ କହିଛନ୍ତି, ଡ୍ରିଲ୍ ପ୍ରାୟ 0130 GMT ଶେଷ ହେବ ।

ସୂଚନାଯୋଗ୍ୟ, ଗତ ସପ୍ତାହରେ ତାଇୱାନ ନିକଟରେ ଚାନ୍ ନିଜର ଯୁଦ୍ଧାଭ୍ୟାସ ଜାରି ରଖିଛି, ଯାହା ଫଳରେ ତାଇୱାନ ଉପରେ କ୍ରମାଗତ ବିପଦ ବଢି ଚାଲିଛି । ଏପରିକି ତାଇୱାନ ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ଚାଇନା କିପରି ତାଇୱାନ ଉପରେ ଆକ୍ରମଣ କରିବ ତାହାର ନାଟକୀୟ ସଂସ୍କରଣ ପ୍ରସ୍ତୁତ କରିଛି । ଏଥି ସହ ଚୀନ୍ ରାଷ୍ଟ୍ରପତି ସି ଜିନପିଙ୍ଗ କହିଛନ୍ତି ଯେ ଆବଶ୍ୟକ ହେଲେ ତାଇୱାନକୁ ବଳ ପ୍ରୟୋଗ କରି ଏକଜୁଟ କରାଯିବ । ଏଥି ସହିତ ତାଇୱାନ କହିଛି ଯେ ମଙ୍ଗଳବାର ଠାରୁ ଗୁରୁବାର ପର୍ଯ୍ୟନ୍ତ ଚାଲିବାକୁ ଥିବା ଏହି ଅଭ୍ୟାସରେ ଶହ ଶହ ସୈନିକଙ୍କ ସହ 40 ଟି ହ୍ୱାଇଜର୍ ନିୟୋଜିତ ହେବ ।

ତେବେ ତାଇୱାନ ସେନା ଅଷ୍ଟମ କର୍ପସ ମୁଖପାତ୍ର ଲୁ ୱୋଇ-ଜେ ମଧ୍ୟ କହିଛନ୍ତି ଯେ ତାଇୱାନର ସାମରିକ ଅଭ୍ୟାସ ପୂର୍ବରୁ ଧାର୍ଯ୍ୟ ହୋଇସାରିଛି ଏବଂ ଚୀନ୍‌ର ଅଭ୍ୟାସକୁ ଦୃଷ୍ଟିରେ ରଖି ଏହା କରାଯାଉ ନାହିଁ । କିନ୍ତୁ, ଏହା ହେଉଛି ପ୍ରଥମ ଥର ପାଇଁ ତାଇୱାନର ରାଜଧାନୀ ତାଇପେଇ ଉପରେ ଚୀନ୍ ବାଲିଷ୍ଟିକ୍ କ୍ଷେପଣାସ୍ତ୍ର ଉତକ୍ଷେପଣ କରିଛି ।

କାହାର କେତେ ସୈନ୍ୟବଳ

ଚୀନ୍ ସାମ୍ନାରେ ତାଇୱାନର ସାମରିକ ଶକ୍ତି କିଛି ନୁହଁ । ବିବିସି ରିପୋର୍ଟ ଅନୁଯାୟୀ ଇଣ୍ଟରନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଷ୍ଟ୍ରାଟେଜିକ୍ ଷ୍ଟଡିଜ୍ ତାଙ୍କ ରିପୋର୍ଟରେ କହିଛି ଯେ ସମସ୍ତ ପ୍ରକାର ସୈନ୍ୟ ମିଶ୍ରଣ କରିବା ପରେ ଚାଇନାରେ ପ୍ରାୟ 20 ଲକ୍ଷ 35 ହଜାର ସକ୍ରିୟ ସୈନିକ ଅଛନ୍ତି । ଯେତେବେଳେ କି, ତାଇୱାନ ନିକଟରେ କେବଳ 1.63 ଲକ୍ଷ ସକ୍ରିୟ ସୈନିକ ଅଛନ୍ତି । ଅର୍ଥାତ୍ ତାଇୱାନ ଅପେକ୍ଷା ଚାଇନାରେ ପ୍ରାୟ 12 ଗୁଣ ଅଧିକ ସୈନିକ ଅଛନ୍ତି । ଏଥି ସହିତ, ଯଦି ଆମେ ସେନା ବିଷୟରେ କହିବା, ତେବେ ଚାଇନା ନିକଟରେ 9.65 ଲକ୍ଷ ପଦାତିକ ସୈନିକ ଥିବାବେଳେ ତାଇୱାନରେ ମାତ୍ର 88 ହଜାର ପଦାତିକ ସୈନିକ ଅଛନ୍ତି । ଏଥି ସହିତ ଚୀନ୍ ନୌସେନାରେ 2 ଲକ୍ଷ 60 ହଜାର ସକ୍ରିୟ ସୈନିକ ଥିବାବେଳେ ତାଇୱାନର ନୌସେନାରେ ମାତ୍ର 40 ହଜାର ସୈନିକ ଅଛନ୍ତି । ଏଥି ସହିତ, ଯଦି ଆମେ ତାଇୱାନର ବାୟୁସେନା ବିଷୟରେ କହିବା, ତେବେ ତାଇୱାନରେ 35 ହଜାର ସୈନିକ ଥିବାବେଳେ ଚୀନ୍‌ର ବାୟୁସେନାରେ 4 ଲକ୍ଷ 15 ହଜାର ସୈନିକ ଅଛନ୍ତି । ବିଶେଷଜ୍ଞମାନେ କହିଛନ୍ତି ଯେ ପୂର୍ଣ୍ଣ ବଳ ପ୍ରୟୋଗ କରିବା ପରେ ତାଇୱାନ କେବଳ ଚୀନ୍‌ର ଆକ୍ରମଣକୁ କମାଇପାରେ, ଏହା ବ୍ୟତୀତ ତାଇୱାନରେ ଅଧିକ କିଛି କରିବାର ନାହିଁ ।

English summary

Taiwan started military exercises with destructive weapons amid dispute with Chin