ବିଗୁଡ଼ୁଛି ଶ୍ରୀଲଙ୍କାର ଅବସ୍ଥା : କଲମ୍ବୋରେ କର୍ଫ୍ୟୁ ଲାଗୁ, ସିଙ୍ଗାପୁର ଗଲେ ଗୋତାବାୟା

ଶ୍ରୀଲଙ୍କାରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ ଦେଶରେ କର୍ଫ୍ୟୁ ଲାଗୁ କରାଯାଇଛି । ରିପୋର୍ଟ ଅନୁଯାୟୀ, ଆଜି ମଧ୍ୟାହ୍ନ 12 ଟାରୁ ଜୁଲାଇ 15 ପର୍ଯ୍ୟନ୍ତ ଦେଶରେ କର୍ଫ୍ୟୁ ଲାଗୁ କରାଯାଇଛି ।

କଲମ୍ବୋ : ଶ୍ରୀଲଙ୍କାରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ ଦେଶରେ କର୍ଫ୍ୟୁ ଲାଗୁ କରାଯାଇଛି । ରିପୋର୍ଟ ଅନୁଯାୟୀ, ଆଜି ମଧ୍ୟାହ୍ନ 12 ଟାରୁ ଜୁଲାଇ 15 ପର୍ଯ୍ୟନ୍ତ ଦେଶରେ କର୍ଫ୍ୟୁ ଲାଗୁ କରାଯାଇଛି ।

ଆମେ ଆପଣଙ୍କୁ କହି ରଖୁଛୁ ଦେଶର ଅର୍ଥନୈତିକ ସଙ୍କଟ ମଧ୍ୟରେ ସୃଷ୍ଟି ହେଉଥିବା ରାଜନୈତିକ ସଙ୍କଟ ଯୋଗୁଁ ଦେଶର ଅବସ୍ଥା ଖରାପ ହେବାରେ ଲାଗିଛି । ସୂଚନା ମୁତାବକ, ବିକ୍ଷୋଭକାରୀମାନେ ସରକାରୀ ବାସଗୃହ ଖାଲି କରିବାକୁ ଘୋଷଣା କରିଛନ୍ତି । ଅନ୍ୟପକ୍ଷରେ ରାଷ୍ଟ୍ରପତି ଗୋତାବାୟା ରାଜପକ୍ଷେ ଏପର୍ଯ୍ୟନ୍ତ ଇସ୍ତଫା ଦେଇନାହାଁନ୍ତି । ଏଥି ସହିତ ସେ ମାଲଦ୍ୱୀପରୁ ସିଙ୍ଗାପୁର ଯାଇଛନ୍ତି । ଖବର ମୁତାବକ, ତାଙ୍କର ଏକ ଘରୋଇ ବିମାନ ତାଙ୍କୁ ସିଙ୍ଗାପୁର ନେବା ପାଇଁ ମାଲଦ୍ୱୀପରେ ପହଞ୍ଚିଥିଲା ।

ଦେଶର ରାଜନୈତିକ ଅବସ୍ଥା ବିଗିଡି ଯାଇଛି, କଲମ୍ବୋରେ କର୍ଫ୍ୟୁ ଲାଗୁ କରାଯାଇଛି । ଗତ କିଛି ଦିନ ଧରି ଶ୍ରୀଲଙ୍କାରେ ଲାଗି ରହିଥିବା ରାଜନୈତିକ ଏବଂ ଅର୍ଥନୈତିକ ସଙ୍କଟ ମଧ୍ୟରେ ରାଷ୍ଚ୍ରପତି ଗୋତାବାୟା ରାଜପକ୍ଷେ ଦେଶ ଛାଡ଼ି ପଳାଇଛନ୍ତି । ସେ ବର୍ତ୍ତମାନ ମାଲଦ୍ୱୀପରେ ଅଛନ୍ତି । ତାଙ୍କ ଇସ୍ତଫା ଦାବି କରି ଦେଶର ଜନତା ରାଜରାସ୍ତାକୁ ଓହ୍ଲାଇ ବିରୋଧ ପ୍ରଦର୍ଶନ କରୁଛନ୍ତି । ଏପରିକି ବିକ୍ଷୋଭକାରୀମାନେ ରାଷ୍ଚ୍ରପତି ଭବନ ଓ ପ୍ରଧାନମନ୍ତ୍ରୀଙ୍କ ବାସଭବନରେ ଧସେଇ ପଶିଥିଲେ । ସ୍ଥିତିକୁ ନିୟନ୍ତ୍ରଣ କରିବାକୁ ସେନା ପକ୍ଷରୁ ବିକ୍ଷୋଭକାରୀଙ୍କ ଉପରକୁ ଲୁହବୁହା ଗ୍ୟାସ ପ୍ରୟୋଗ କରାଯାଇଥିଲା ।

ସୂଚନାଯୋଗ୍ୟ, ଶ୍ରୀଲଙ୍କାରୁ ରାଷ୍ଟ୍ରପତି ପଳାୟନ କରିବା ପରେ ପ୍ରଧାନମନ୍ତ୍ରୀ ରାନୀଲ ବିକ୍ରମସିଙ୍ଘେଙ୍କୁ କାମଚଳା ରାଷ୍ଟ୍ରପତି କରାଯାଇଛି । ଗୋତାବାୟା ସିଙ୍ଗାପୁରରେ ପହଞ୍ଚି ନିଜର ଇସ୍ତଫା ଦେଇପାରନ୍ତି ବୋଲି କେତେକ ଗଣମାଧ୍ୟନ ରିପୋର୍ଟ କରିଛନ୍ତି ।

ଯେତେବେଳେ ଗୋତାବାୟା ମାଲଦ୍ୱୀପରେ ପହଞ୍ଚିଲେ, ସେଠାରେ ମଧ୍ୟ ତାଙ୍କ ବିରୋଧରେ ପ୍ରଦର୍ଶନ ଆରମ୍ଭ ହୋଇଥିଲା । ବର୍ତ୍ତମାନ ସେ ସେଠାରୁ ସିଙ୍ଗାପୁର ପଳାଇଛନ୍ତି । ସେଠାରୁ ସେ ସାଉଦୀ ଆରବ ଯିବ‌େ ବ‌ୋଲି 'ଦି ଆସୋସିଏଟ୍‌ ପ୍ରେସ୍‌' ରିପୋର୍ଟ କରିଛି। ମାଳଦ୍ବୀପର ଜଣେ ସରକାରୀ ଅଧିକାରୀ କହିଛନ୍ତି ଯେ, ଆଜି 73 ବର୍ଷିୟ ନେତା ରାଜପକ୍ଷେ ଗୋଟାଏ ସାଉଦୀ ଏୟାର୍‌ଲାଇନ୍‌ସ୍‌ର 'ଏସ୍‌ଭି 788' ବିମାନ ଆରୋହଣ କରିଛନ୍ତି । ସେ ବିମାନ ତାଙ୍କୁ ସିଙ୍ଗାପୁର ନେଇ ସେଠାରୁ ସାଉଦୀ ଆରବର ଜେଦାହ୍‌କୁ ନେଇଯିବ ।

English summary

Sri Lankan Crisis : govt imposes a curfew in Colombo