ଶ୍ରୀଲଙ୍କା ଫେରିଲେ ପୂର୍ବତନ ରାଷ୍ଟ୍ରପତି ଗୋତାବାୟା ରାଜପକ୍ଷ

ଶ୍ରୀଲଙ୍କାର ପୂର୍ବତନ ରାଷ୍ଟ୍ରପତି ଗୋତାବାୟା ରାଜପକ୍ଷ ଶୁକ୍ରବାର ଦିନ କଲମ୍ବୋରେ ପହଞ୍ଚିଛନ୍ତି । ବିମାନବନ୍ଦରରେ ରାଜପକ୍ଷଙ୍କୁ ମନ୍ତ୍ରୀ ଓ ରାଜନେତାମାନେ ସ୍ୱାଗତ କରିଥିଲେ ।

Updated: Saturday, September 3, 2022, 11:50 [IST]

କଲମ୍ବୋ : ଶ୍ରୀଲଙ୍କାର ପୂର୍ବତନ ରାଷ୍ଟ୍ରପତି ଗୋତାବାୟା ରାଜପକ୍ଷ ଶୁକ୍ରବାର ଦିନ କଲମ୍ବୋରେ ପହଞ୍ଚିଛନ୍ତି । ବିମାନବନ୍ଦରରେ ରାଜପକ୍ଷଙ୍କୁ ମନ୍ତ୍ରୀ ଓ ରାଜନେତାମାନେ ସ୍ୱାଗତ କରିଥିଲେ । ଜୁଲାଇରେ ଅର୍ଥନୈତିକ ସଙ୍କଟ କାରଣରୁ ଲୋକଙ୍କ ତୀବ୍ର ପ୍ରଦର୍ଶନକୁ ଦୃଷ୍ଟିରେ ରଖି ସେ ଦେଶ ଛାଡି ପଳାଇଥିଲେ । 73 ବର୍ଷୀୟ ନେତା ଗୋତାବାୟା ସିଙ୍ଗାପୁର ଦେଇ ବ୍ୟାଙ୍କକରୁ ଶ୍ରୀଲଙ୍କା ଫେରିଛନ୍ତି ।

ଆମେ ଆପଣଙ୍କୁ କହି ରଖୁଛୁ, ଶ୍ରୀଲଙ୍କାରେ ହୋଇଥିବା ଆର୍ଥିକ ସଙ୍କଟ ମଧ୍ୟରେ ଦେଶବାସୀ ରାଷ୍ଟ୍ରପତି ଭବନକୁ ଘେରି ଗୋତାବାୟାଙ୍କ ତୁରନ୍ତ ଇସ୍ତଫା ଦାବି କରିଥିଲେ । ଏହା ପରେ ଗୋତାବାୟା 13 ଜୁଲାଇରେ ଦେଶ ଛାଡି ପଳାଇଥିଲେ । ଏହି ସମୟରେ ସରକାରଙ୍କ ଭୁଲ ନୀତି ଦ୍ୱାରା ସୃଷ୍ଟି ହୋଇଥିବା ଭୟଙ୍କର ପରିସ୍ଥିତିରେ ଉତ୍ତ୍ୟକ୍ତ ହୋଇ ରାଷ୍ଟ୍ରପତିଙ୍କ ସରକାରୀ ବାସଭବନ ତଥା ଅନ୍ୟାନ୍ୟ ଅଟ୍ଟାଳିକା ଉପରେ ଆକ୍ରମଣ କରିଥିଲେ ।

ବିରୋଧ ମଧ୍ୟରେ ଗୋତାବାୟା ପ୍ରଥମେ କଲମ୍ବୋରୁ ମାଲଦ୍ୱୀପକୁ ପଳାଇଥିଲେ, ପରେ ସିଙ୍ଗାପୁର ଯାଇଥିଲେ । ଏଠାରୁ ସେ 14 ଜୁଲାଇରେ ଇମେଲ ମାଧ୍ୟମରେ ଇସ୍ତଫା ପଠାଇଥିଲେ । ଏହା ପରେ ରାଜପକ୍ଷ ପୁଣି ଥାଇଲ୍ୟାଣ୍ଡ ଯାଇ ଅସ୍ଥାୟୀ ଆଶ୍ରୟ ନେଇଥିଲେ ।

ଏଥି ସହିତ ଗଣମାଧ୍ୟମର ରିପୋର୍ଟ ଅନୁଯାୟୀ, ଏସଏଲପିପିଙ୍କ ଅନୁରୋଧ କ୍ରମେ ରାଷ୍ଟ୍ରପତି ଗୋତାବାୟାଙ୍କ ପ୍ରତ୍ୟାବର୍ତ୍ତନ ପାଇଁ ବ୍ୟବସ୍ଥା କରିଥିଲେ । ଅଧିକାରୀ ଜଣକ AFP କୁ କହିଛନ୍ତି ଯେ, ଯେତେବେଳେ ଗୋତାବାୟା ବିମାନରୁ ବାହାରକୁ ଆସିଲେ, ସେତେବେଳେ ସରକାରୀ ନେତାଙ୍କ ଭିଡ଼ ଜମିଥିଲା ।
ଗୋତାବାୟା ରାଜାପକ୍ଷଙ୍କୁ ବହିଷ୍କାର କରାଯିବା ପରେ ଶ୍ରୀଲଙ୍କାରେ ଏକ ଗୁରୁତର ରାଜନୈତିକ ସଙ୍କଟ ଦେଖାଦେଇଥିଲା, ଯାହା ପରେ ତତ୍କାଳୀନ କାର୍ଯ୍ୟକାରୀ ରାଷ୍ଟ୍ରପତି ତଥା 6 ଥର ପ୍ରଧାନମନ୍ତ୍ରୀ ରହିଥିବା ରାନିଲ ବିକ୍ରମସିଙ୍ଘେ ଶ୍ରୀଲଙ୍କାର ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲେ । ସୂଚନାଯୋଗ୍ୟ, 225 ସଦସ୍ୟୟୁ ସଂସଦର ସବୁଠାରୁ ବଡ ଦଳ ଶ୍ରୀଲଙ୍କା ପୋଦୁଜାନା ପେରାମୁନା (SLPP)ର ସମର୍ଥନ ରାନିଙ୍କ ପ୍ରତି ଥିଲା ।