ଗୁପ୍ତ ମତଦାନରେ ହେଉଛି ଶ୍ରୀଲଙ୍କା ରାଷ୍ଟ୍ରପତି ନିର୍ବାଚନ, ଦୌଡ଼ରେ ତିନି ପ୍ରାର୍ଥୀ

ଗତ ସପ୍ତାହରେ ପ୍ରବଳ ବିରୋଧ ମଧ୍ୟରେ ଗୋତାବାୟା ରାଜପକ୍ଷେ ଦେଶ ଛାଡିବା ପରେ ଆଜି ଶ୍ରୀଲଙ୍କାର ନୂତନ ରାଷ୍ଟ୍ରପତି ନିର୍ବାଚନ ହେଉଛି । ଗୁପ୍ତ ମତଦାନ ଦ୍ୱାରା ନୂତନ ରାଷ୍ଟ୍ରପତି ନିର୍ବାଚିତ ହେବେ ।

କଲମ୍ବୋ : ଅର୍ଥନୈତିକ ସଙ୍କଟ ଦେଇ ଗତି କରୁଥିବା ଶ୍ରୀଲଙ୍କାକୁ ମିଳିପାରେ ନୂଆ ରାଷ୍ଟ୍ରପତି । ଗତ ସପ୍ତାହରେ ପ୍ରବଳ ବିରୋଧ ମଧ୍ୟରେ ଗୋତାବାୟା ରାଜପକ୍ଷେ ଦେଶ ଛାଡିବା ପରେ ଆଜି ଶ୍ରୀଲଙ୍କାର ନୂତନ ରାଷ୍ଟ୍ରପତି ନିର୍ବାଚନ ହେଉଛି । ଗୁପ୍ତ ମତଦାନ ଦ୍ୱାରା ନୂତନ ରାଷ୍ଟ୍ରପତି ନିର୍ବାଚିତ ହେବେ ।

ମଙ୍ଗଳବାର ଦିନ ଶ୍ରୀଲଙ୍କାର ସାଂସଦମାନେ ତିନିଜଣ ସାଂସଦଙ୍କୁ ରାଷ୍ଟ୍ରପତି ପ୍ରାର୍ଥୀ ଭାବେ ମନୋନୀତ କରିଥିଲେ । ଡାଲାସ୍ ଅଲହପେରୁମା, କାର୍ଯ୍ୟକାରୀ ରାଷ୍ଚ୍ରପତି ରାନୀଲ ବିକ୍ରେମିସିଙ୍ଘେ ଏବଂ ଅନୁରା କୁମାରା ଡିସନାୟକେ ଏହି ନିର୍ବାଚନରେ ଦୌଡ଼ରେ ଅଛନ୍ତି । ଏହି ତିନି ଜଣ ମଧ୍ୟରୁ ଯେକୌଣସି ବ୍ୟକ୍ତି ଶ୍ରୀଲଙ୍କାର ପରବର୍ତ୍ତୀ ରାଷ୍ଟ୍ରପତି ହୋଇପାରନ୍ତି ।

ଶ୍ରୀଲଙ୍କାର ବିରୋଧୀ ଦଳର ନେତା ସାଜିଥ ପ୍ରେମଦାସ ତାଙ୍କ ନାମାଙ୍କନ ପ୍ରତ୍ୟାହାର କରିନେଇଛନ୍ତି । ପ୍ରେମଦାସା ଟ୍ୱିଟ୍ କରି ଏହି ସୂଚନା ଦେଇଛନ୍ତି । ସେ ଟ୍ୱିଟ୍ କରି ଲେଖିଛନ୍ତି ଯେ ମୋ ଦେଶର ଉନ୍ନତି ପାଇଁ ମୁଁ ରାଷ୍ଟ୍ରପତି ପଦରୁ ମୋର ନାମାଙ୍କନ ପ୍ରତ୍ୟାହାର କରୁଛି । ଡାଲାସ୍ ରାଷ୍ଟ୍ରପତି ହେବା ପାଇଁ ଆମ ଦଳ କଠିନ ପରିଶ୍ରମ କରିବ । ଆମେ ଆପଣଙ୍କୁ କହିବୁ ଯେ ଆଜି 225 ସାଂସଦ ଗୁପ୍ତ ଭୋଟ୍ ମାଧ୍ୟମରେ ରାଷ୍ଟ୍ରପତି ପଦ ପାଇଁ ସେମାନଙ୍କର ଭୋଟ୍ ଦେବେ ଏବଂ ଦେଶର ପରବର୍ତ୍ତୀ ରାଷ୍ଟ୍ରପତି ବାଛିବେ ।

ନବନିର୍ବାଚିତ ରାଷ୍ଟ୍ରପତି 2024 ନଭେମ୍ବର ପର୍ଯ୍ୟନ୍ତ ଦାୟିତ୍ୱ ନେବେ । 113 ଟି ଭୋଟ ପାଇଲେ ଦୌଡ଼ରେ ଥିବା ରାଷ୍ଟ୍ରପତି ପ୍ରାର୍ଥୀଙ୍କୁ ବିଜେତା ଘୋଷଣା କରାଯିବ ।

English summary

Sri lanka President Election, Three candidates in Race