ରୁଷର ଖୋଲା ଧମକ ! ୟୁକ୍ରେନ୍ NATO ରେ ସାମିଲ ହେଲେ ହେବ ତୃତୀୟ ବିଶ୍ୱ ଯୁଦ୍ଧ

ମସ୍କୋ କହିଛି ଯେ ଯଦି କ୍ୱିଭ୍ ନାଟୋରେ ସାମିଲ ହୁଏ, ତେବେ ଏହା ତୃତୀୟ ବିଶ୍ୱଯୁଦ୍ଧର କାରଣ ହୋଇପାରେ । ରୁଷର ଅଧିକାରୀଙ୍କ ଏହି ନୂତନ ବିବୃତ୍ତି ପୁଣି ଲୋକଙ୍କୁ ଚିନ୍ତାରେ ପକାଇଛି ।ମସ୍କୋ କହିଛି ଯେ ଯଦି କ୍ୱିଭ୍ ନାଟୋରେ ସାମିଲ ହୁଏ, ତେବେ ଏହା ତୃତୀୟ ବିଶ୍ୱଯୁଦ୍ଧର

Updated: Thursday, October 13, 2022, 18:51 [IST]

ନୂଆଦିଲ୍ଲୀ : ରୁଷ ଓ ୟୁକ୍ରେନ୍ ମଧ୍ୟରେ ଲାଗି ରହିଥିବା ଯୁଦ୍ଧ ଥମିବାର ନାମ ନେଉନାହିଁ । ୟୁକ୍ରେନ୍ ଉପରେ ଆକ୍ରମଣ କରି ରୁଷ ଏହାକୁ କମଜୋର୍ କରିବାରେ ଲାଗିଛି । ଅପରପକ୍ଷରେ ରୁଷ ର କ୍ରୋଧରୁ ବର୍ତ୍ତିବା ପାଇଁ ୟୁକ୍ରେନ ନାଟୋରେ ଯୋଗ ଦେଇ ରୁଷକୁ ଏକ ଶିକ୍ଷା ଦେବାକୁ ଚାହୁଁଛି ।

ଏଥି ସହିତ ମସ୍କୋ କହିଛି ଯେ ଯଦି କ୍ୱିଭ୍ ନାଟୋରେ ସାମିଲ ହୁଏ, ତେବେ ଏହା ତୃତୀୟ ବିଶ୍ୱଯୁଦ୍ଧର କାରଣ ହୋଇପାରେ । ରୁଷର ଅଧିକାରୀଙ୍କ ଏହି ନୂତନ ବିବୃତ୍ତି ପୁଣି ଲୋକଙ୍କୁ ଚିନ୍ତାରେ ପକାଇଛି । ଗୋଟିଏ ପଟେ ରୁଷ ୟୁକ୍ରେନ୍ ଉପରେ ଆକ୍ରମଣ କରି ଏହାକୁ ଧ୍ୱଂସ କରିବାରେ ଲାଗ ପଡ଼ିଛି । କିଛି ଦିନ ପୂର୍ବରୁ ରୁଷ ଗୋଟିଏ ଦିନରେ ୟୁକ୍ରେନ୍ ଉପରେ 75 ଟି ମିସାଇଲ ମାଡ଼ କରି କ୍ୱିଭ୍ ସମେତ ଅନେକ ପ୍ରମୁଖ ସହରରେ କ୍ଷୟକ୍ଷତିୁ ପହଞ୍ଚାଇଛି । ଏଥି ସହିତ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଆଣବିକ ଆକ୍ରମଣର ଧମକକୁ ନେଇ ପଶ୍ଚିମୀ ଦେଶ ଭୟଭୀତ ରହିଛି ।

ରୁଷ ଜାଣେ ଯେ ଯଦି ୟୁକ୍ରେନ ନାଟୋ ସଦସ୍ୟତା ପାଏ, ତେବେ ଏହା ବହୁତ ଅସୁବିଧାରେ ପଡିପାରେ । ଅନ୍ୟପକ୍ଷରେ, ୟୁକ୍ରେନ ଅନୁସାରେ ଯଦି ୟୁକ୍ରେନ ନାଟୋ ସଦସ୍ୟ ଦେଶମାନଙ୍କ ସହ ସାମିଲ ହୁଏ, ତେବେ ଏହା ଖୋଲାଖୋଲି ଭାବେ ରୁଷ ସହିତ ପ୍ରତିଦ୍ୱନ୍ଦ୍ୱିତା କରିପାରିବ । ଏହା ଫଳରେ ତାଙ୍କ ସାମ୍ନାରେ ରୁଷର ସ୍ଥିତି ବହୁତ ଦୁର୍ବଳ ହୋଇଯିବ ।

NATO ସଦସ୍ୟତା ଚାହୁଁଛି ୟୁକ୍ରେନ୍

ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ 30 ସେପ୍ଟେମ୍ବରରେ ୟୁକ୍ରେନର ଚାରୋଟି ଅଞ୍ଚଳ ଉପରେ ଦଖଲ ଘୋଷଣା କରିବା ପରେ ଜେଲେନସ୍କି ନାଟୋର ଫାଷ୍ଟ-ଟ୍ରାକ୍ ସଦସ୍ୟତା ପାଇଁ ଆହ୍ୱାନ କରିଥିଲେ । ୟୁକ୍ରେନ ପାଇଁ ସମ୍ପୂର୍ଣ୍ଣ ନାଟୋ ସଦସ୍ୟତା ହାସଲ କରିବାକୁ ଏହା ଅଧିକ ସମୟ ନେଇପାରେ । କାରଣ ଏହା 30 ଟି ନାଟୋ ସଦସ୍ୟ ରାଷ୍ଟ୍ରର ସହମତି ଆବଶ୍ୟକ କରେ ।

ରୁଷ ସୁରକ୍ଷା ପରିଷଦର ଉପ ସଚିବ ଆଲେକ୍ସଜାଣ୍ଡାର୍ ଭେନେଡିକ୍ଟୋଭ କହିଛନ୍ତି ଯେ ୟୁକ୍ରେନ ସମ୍ପୂର୍ଣ୍ଣ ଭାବେ ଜାଣିଛି ଯେ ଏଭଳି ପଦକ୍ଷେପ ତୃତୀୟ ଯୁଦ୍ଧ ଆରମ୍ଭ କରିପାରେ । ରୁଷ ଅନୁସାରେ କରେ ଯେ ୟୁକ୍ରେନକୁ ସାହାଯ୍ୟ କରିବା ଦର୍ଶାଏ ଯେ ଏହି ବିବାଦରେ ପାଶ୍ଚାତ୍ୟ ଦେଶମାନେ ପ୍ରତ୍ୟକ୍ଷ ଅଂଶଗ୍ରହଣକାରୀ । ଏହା ପୂର୍ବରୁ ମିଳିତ ଜାତିସଂଘର ସାଧାରଣ ସଭା ଏକ ସଂକଳ୍ପ ପାରିତ କରିଥିଲା ଯେଉଁଥିରେ ରୁଷର ଜନମତ ସଂଗ୍ରହ କୁ ଅବୈଧ ଘୋଷଣା କରାଯାଇଥିଲା ।

NATO ପାଇଁ ତିକ୍ତତା

ବର୍ତ୍ତମାନ ନାଟୋ ସଦସ୍ୟତାକୁ ନେଇ ରୁଷ ଏବଂ ୟୁକ୍ରେନ ମଧ୍ୟରେ ତିକ୍ତତା ଯଥେଷ୍ଟ ବୃଦ୍ଧି ପାଇଛି । କିଛି ଦିନ ପୂର୍ବରୁ ରୁଷ ୟୁକ୍ରେନ ଉପରେ ଏକ ଭୟଙ୍କର ଆକ୍ରମଣ କରିଥିଲା । ଏକ ବ୍ରିଜ ଉପରେ ବିସ୍ଫୋରଣ ପରେ ଏହି ଆକ୍ରମଣ କରାଯାଇଥିଲା । ରୁଷ ଆକ୍ରମଣରେ 14 ରୁ ଅଧିକ ଲୋକ ପ୍ରାଣ ହରାଇଥିଲେ । କ୍ୱିଭ୍ ସମେତ ଅନେକ ସହରର କ୍ଷତି ହୋଇଥିଲା । ଏଭଳି ପରିସ୍ଥିତିରେ ୟୁକ୍ରେନ ଯଥାଶୀଘ୍ର ନାଟୋ ସଦସ୍ୟତା ଗ୍ରହଣ କରିବାକୁ ଚେଷ୍ଟା କରୁଛି । ଅପରପକ୍ଷରେ ରୁଷ ମଧ୍ୟ ଧମକ ଦେଇଛି ଯେ ଯଦି ଏହା ଘଟେ ତେବେ ତୃତୀୟ ବିଶ୍ୱଯୁଦ୍ଧ ହେବାର ସମ୍ଭାବନା ଆହୁରି ବଢିଯିବ ।

ରୁଷର ଆଣବିକ ଶକ୍ତି ଆକ୍ରମଣ ଚେତବନୀ

ସେପ୍ଟେମ୍ବର 21 ରେ ପୁଟିନ ପାଶ୍ଚାତ୍ୟ ଦେଶକୁ ଚେତାବନୀ ଦେଇଛନ୍ତି ଯେ ସେ ମଜା କରୁନାହାଁନ୍ତି, ରୁଷ ନିଜକୁ ରକ୍ଷା କରିବା ପାଇଁ ଆଣବିକ ଅସ୍ତ୍ର ବ୍ୟବହାର କରିବାକୁ ପଛଘୁଞ୍ଚା ଦେବ ନାହିଁ । ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଆଣବିକ ଆକ୍ରମଣର ଧମକ ପରେ ଆମେରିକା ସମେତ ପାଶ୍ଚାତ୍ୟ ଦେଶଗୁଡିକ ଚିନ୍ତିତ ଅଛନ୍ତି । ବର୍ତ୍ତମାନ ୟୁକ୍ରେନର ନାଟୋ ସଦସ୍ୟତା ପରେ କ'ଣ ହେବ ସେନେଇ ନୂଆ ଚିନ୍ତା ମଧ୍ୟ ବସା ବାନ୍ଧିଛି । ବର୍ତ୍ତମାନ ଯଦି ତୃତୀୟ ବିଶ୍ୱଯୁଦ୍ଧ ଘଟେ, ତେବେ ରୁଷ ପରମାଣୁ ଆକ୍ରମଣ କରିବାକୁ ପଛଘୁଞ୍ଚା ଦେବ ନାହିଁ । ତା'ପରେ ହଠାତ୍ ଦୁନିଆର ଅବସ୍ଥା ବଦଳିଯାଇପାରେ ।
ଗୋଟିଏ ପଟେ ସାରା ବିଶ୍ୱ ପୂର୍ବରୁ ଘୋର ଶକ୍ତି ଏବଂ ଅର୍ଥନୈତିକ ସଙ୍କଟ ଦେଇ ଗତି କରୁଛି । ୟୁକ୍ରେନ ଯୁଦ୍ଧ ହେତୁ ଦୁନିଆର ଅନେକ ଦେଶ ଅନାହାର ଏବଂ ବିନାଶର ସୀମାରେ ପହଞ୍ଚିଲେଣି । ଏଭଳି ପରିସ୍ଥିତିରେ, ଯଦି ରୁଷର ନୂତନ ଚେତାବନୀକୁ ଦେଖିବା, ତେବେ ଆଗାମୀ ସଙ୍କଟ ବିଶ୍ୱ ପାଇଁ ଅତ୍ୟନ୍ତ ବିପଜ୍ଜନକ ବୋଲି ପ୍ରମାଣିତ ହେବାକୁ ଯାଉଛି ।