ଭାଙ୍ଗିଯିବ ରୁଷ, ବଦଳିବ ପାକିସ୍ତାନର ମାନଚିତ୍ର ... 2033 ରେ କିପରି ଦେଖାଯିବ ବିଶ୍ୱ
2033 ସୁଦ୍ଧା ରୁଷ ଅସ୍ତିତ୍ୱ ହରାଇବ । ରୁଷ ଦୀର୍ଘ ଦିନ ଧରି ୟୁକ୍ରେନରେ ଚାଲିଥିବା ବ୍ୟୟବହୁଳ ଯୁଦ୍ଧ ସହ ଲଢି ପାରିବ ନାହିଁ ଏବଂ ବିଫଳ ହେବ ।
ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧକୁ ଆସନ୍ତା ବର୍ଷ ଏକ ବର୍ଷ ପୁରିବ । ଏହା କେବେ ଶେଷ ହେବ ସେ ନେଇ କିଛି କୁହାଯାଇପାରିବ ନାହିଁ । ୟୁକ୍ରେନକୁ ପରାସ୍ତ ନକରିବା ପର୍ଯ୍ୟନ୍ତ ରୁଷ ପଛକୁ ହଟିବାକୁ ପ୍ରସ୍ତୁତ ନଥିବା ଭଳି ମନେ ହେଉଛି । ସେହିପରି ୟୁକ୍ରେନ ନିଜର ସମସ୍ତ ଅଞ୍ଚଳ ଫେରି ନ ପାଇବା ପର୍ଯ୍ୟନ୍ତ ଯୁଦ୍ଧ ଛାଡିବାକୁ ମଧ୍ୟ ପ୍ରସ୍ତୁତ ନୁହେଁ । ଏହି ସମୟରେ, ଅନେକ ବିଶେଷଜ୍ଞ ଦାବି କରିଛନ୍ତି ଯେ ଯୁଦ୍ଧର ଫଳାଫଳ ଯାହା ବି ହୋଇପାରେ, ଏହାର ପ୍ରଭାବ ଦୀର୍ଘ ଦିନ ପର୍ଯ୍ୟନ୍ତ ରୁଷ ଉପରେ ରହିବ । ଯୁଦ୍ଧର ପ୍ରଭାବକୁ ମୁକାବିଲା କରିବାକୁ ସମର୍ଥ ହେବ ନାହିଁ ରୁଷ । ଗ୍ଲୋବାଲ୍ ଷ୍ଟ୍ରାଟେଜିଷ୍ଟ ଏବଂ ଆନାଲିଷ୍ଟଙ୍କ ଦ୍ୱାରା କରାଯାଇଥିବା ଏକ ସର୍ଭେ ଅନୁଯାୟୀ, ଏହି ଯୁଦ୍ଧ ଯୋଗୁଁ ରୁଷ ଭାଙ୍ଗି ପଡ଼ିବାର ଅତି ନିକଟତର ହୋଇଛି ।
ଗ୍ଲୋବାଲ୍ ଷ୍ଟ୍ରାଟେଜିଷ୍ଟ ଏବଂ ଆନାଲିଷ୍ଟ ନୂଆ ବର୍ଷରେ ଦଶଟି ସର୍ଭେ କରିଛନ୍ତି । ଆଗାମୀ ଦଶ ବର୍ଷ ପରେ ଅର୍ଥାତ୍ 2033 ମସିହାରେ ରୁଷର ଭବିଷ୍ୟତ ବିଷୟରେ ପ୍ରଥମ ସର୍ଭେ କରାଯାଇଛି । ଏଥିରେ ଦର୍ଶାଯାଇଛି ଯେ 2033 ସୁଦ୍ଧା ରୁଷ ଅସ୍ତିତ୍ୱ ହରାଇବ । ଏହି ସର୍ଭେରେ ଦାବି କରାଯାଇଛି ଯେ ରୁଷ ଦୀର୍ଘ ଦିନ ଧରି ୟୁକ୍ରେନରେ ଚାଲିଥିବା ବ୍ୟୟବହୁଳ ଯୁଦ୍ଧ ସହ ଲଢି ପାରିବ ନାହିଁ ଏବଂ ବିଫଳ ହେବ । ଏହି ସର୍ଭେରୁ ଜଣାପଡିଛି ଯେ ଆଫଗାନିସ୍ତାନ ତୁଳନାରେ ରୁଷର ଦୁଇଗୁଣ ବିଫଳ ହେବାର ସମ୍ଭାବନା ରହିଛି ।
2033 ସୁଦ୍ଧା ବିଫଳ ହେବା କିମ୍ବା ଭାଙ୍ଗିବାର ସମ୍ଭାବନା ଥିବା ଦେଶ ଭାବରେ 46% ବିଶେଷଜ୍ଞ ରୁଷ ର ନାମ ନେଇଛନ୍ତି । ବିପ୍ଳବ, ଗୃହଯୁଦ୍ଧ, ରାଜନୈତିକ ବିଚ୍ଛିନ୍ନତା କିମ୍ବା ଅନ୍ୟାନ୍ୟ କାରଣରୁ ରୁଷ 2033 ସୁଦ୍ଧା ଆଭ୍ୟନ୍ତରୀଣ ଭାବରେ ବିଚ୍ଛିନ୍ନ ହୋଇଯିବ ବୋଲି 40% ଉତ୍ତରଦାତା ଆଶା କରିଛନ୍ତି । ଏହି ସର୍ଭେ ଅନୁଯାୟୀ ରୁଷ ପରମାଣୁ ଅସ୍ତ୍ର ବ୍ୟବହାର କରିବାର 14 ପ୍ରତିଶତ ସୁଯୋଗ ରହିଛି ।
21 ପ୍ରତିଶତ ବିଶେଷଜ୍ଞଙ୍କ ଅନୁଯାୟୀ ଆସନ୍ତା 10 ବର୍ଷ ମଧ୍ୟରେ ବିଫଳ ହେବାର ସମ୍ଭାବନା ଅଧିକ ହେବ । ଅନ୍ୟପକ୍ଷରେ, ସର୍ଭେରେ ଆଫଗାନିସ୍ତାନ ଦ୍ୱିତୀୟ ସ୍ଥାନରେ ରହିଛି । 10 ପ୍ରତିଶତ ବିଶେଷଜ୍ଞଙ୍କ ଅନୁସାରେ 2033 ସୁଦ୍ଧା ଆଫଗାନିସ୍ତାନ ଏକ ବିଫଳ ଦେଶ ହେବାର ସମ୍ଭାବନା ଅଧିକ । ଏହି ସର୍ଭେରେ ପାକିସ୍ତାନ ତୃତୀୟ ସ୍ଥାନରେ ରହିଛି । ଆଗାମୀ ଦଶ ବର୍ଷ ମଧ୍ୟରେ ବିଫଳ ହେବାର ସମ୍ଭାବନା ଥିବା ନେଇ 8% ବିଶେଷଜ୍ଞ ପାକିସ୍ତାନକୁ ନାମିତ କରିଛନ୍ତି । ଆଶ୍ଚର୍ଯ୍ୟର କଥା ହେଉଛି ଏହି ତାଲିକାରେ ଆମେରିକା ଚତୁର୍ଥ ସ୍ଥାନରେ ରହିଛି । ସାତ ପ୍ରତିଶତ ବିଶେଷଜ୍ଞ କହିଛନ୍ତି ଆସନ୍ତା ଦଶ ବର୍ଷ ମଧ୍ୟରେ ଆମେରିକା ବିଫଳ ହେବାର ସମ୍ଭାବନା ଅଧିକ ।
Click it and Unblock the Notifications
Sign in with Google