ୟୁକ୍ରେନର 'ଡାର୍ଟି ବମ୍' ଧମକରେ ରୁଷ ଭୟଭୀତ ! ଭାରତକୁ କଲା ଜରୁରୀକାଳୀନ କଲ୍

ରୁଷର ପ୍ରତିରକ୍ଷା ମନ୍ତ୍ରୀ ସର୍ଗଇ ଶୋଏଗୁ ତାଙ୍କ ଭାରତୀୟ ପ୍ରତିପକ୍ଷ ରାଜନାଥ ସିଂହଙ୍କ ସହ ଟେଲିଫୋନରେ କଥା ହୋଇ ୟୁକ୍ରେନର ଉଦ୍ଦେଶ୍ୟ ବିଷୟରେ ଜଣାଇଛନ୍ତି ।

Published: Wednesday, October 26, 2022, 18:41 [IST]

ନୂଆଦିଲ୍ଲୀ : ରୁଷ କହିଛି ଯେ ୟୁକ୍ରେନ ନିଜ ମାଟିରେ ମସ୍କୋ ବିରୁଦ୍ଧରେ 'ଡାର୍ଟି ବମ୍' ବ୍ୟବହାର କରିପାରେ । ଏନେଇ ରୁଷ ଭାରତ ସହିତ ଆଲୋଚନା କରିଛି । ରୁଷର ପ୍ରତିରକ୍ଷା ମନ୍ତ୍ରୀ ସର୍ଗଇ ଶୋଏଗୁ ତାଙ୍କ ଭାରତୀୟ ପ୍ରତିପକ୍ଷ ରାଜନାଥ ସିଂହଙ୍କ ସହ ଟେଲିଫୋନରେ କଥା ହୋଇ ୟୁକ୍ରେନର ଉଦ୍ଦେଶ୍ୟ ବିଷୟରେ ଜଣାଇଛନ୍ତି ।

ସୂଚନାନୁସାରେ, ଏହି 'ଡାର୍ଟି ବମ୍' ଯୋଗୁଁ ଅଧିକ ଲୋକଙ୍କ ମୃତ୍ୟୁ ହେବା ପରିବର୍ତ୍ତେ ଗୁରୁତର ରୋଗ ହୋଇପାରେ । ଆଜି ପର୍ଯ୍ୟନ୍ତ କୌଣସି ଦେଶ ଡାର୍ଟି ବମ୍ ରେ ଆକ୍ରମଣ କରିନାହାଁନ୍ତି ।

ତେବେ ୟୁକ୍ରେନ ରୁଷର ଏହି ଦାବିକୁ ପ୍ରତ୍ୟାଖ୍ୟାନ କରିଛି । ଖବର ଅନୁଯାୟୀ ଶୋଏଗୁ ରବିବାର ଦିନ ନାଟୋ ପ୍ରତିରକ୍ଷା ମନ୍ତ୍ରୀଙ୍କ ସହ ଅନେକ ଥର ଫୋନ୍ କରି କଥା ହୋଇଥିଲେ । ଏଥି ସହିତ, କ୍ୱିଭ୍ ସମେତ ଏହାର ପାଶ୍ଚାତ୍ୟ ସହଯୋଗୀମାନେ ରୁଷର ଏହି ଅଭିଯୋଗକୁ ପ୍ରତ୍ୟାଖ୍ୟାନ କରିଛନ୍ତି । ପାଶ୍ଚାତ୍ୟ ଦେଶମାନେ ରୁଷର ଏହି ବୟାନ ବିଷୟରେ ଭିନ୍ନ ଚିନ୍ତା କରିବା ଆରମ୍ଭ କରିଛନ୍ତି । ଏହି ଦେଶଗୁଡିକ ସନ୍ଦେହ କରୁଛନ୍ତି ଯେ ଯୁଦ୍ଧ ସମୟରେ ରୁଷ ୟୁକ୍ରେନ ବିରୁଦ୍ଧରେ ଏପରି ବଡ ପଦକ୍ଷେପ ନ ଉଠାଉ ।

ନୂଆଦିଲ୍ଲୀରେ ଥିବା ରୁଷ ଦୂତାବାସ ଟ୍ୱିଟ୍ କରି କହିଛି ଯେ, ରୁଷ ପ୍ରତିରକ୍ଷା ମନ୍ତ୍ରୀ ରାଜନାଥଙ୍କ ସହିତ ଡାର୍ଟି ବମ୍ ର ସମ୍ଭାବ୍ୟ ବ୍ୟବହାର ବିଷୟରେ ରୁଷର ଚିନ୍ତା ଉପରେ ଆଲୋକପାତ କରିଥିଲେ । ଏହାପୂର୍ବରୁ ସର୍ଗଇ ଶୋଏଗୁ ବ୍ରିଟିଶ ପ୍ରତିରକ୍ଷା ସଚିବ ବେନ ୱାଲେସଙ୍କୁ କହିଥିଲେ ଯେ ସେ ୟୁକ୍ରେନ ଦ୍ୱାରା କୁହାଯାଉଥିବା ଡାର୍ଟି ବମ୍ ଆକ୍ରମଣ ସମେତ ଉତ୍ତେଜନାକୁ ନେଇ ଚିନ୍ତିତ ଅଛନ୍ତି ।

Published On October 26, 2022